Saturday, August 28, 2010

ارجع يا زمان



اخواتى المدونين كل سنه وانتم طيبين رمضان عدى علينا زى البرق
بس نعمل ايه بقى هى دى الدنيا يارب يغفر لينا ذنوبنا ويتقبل صيامنا
مش عارف حصل للمدونين ايه وانا كمان حاسس ان حالنا اتبدل واتغير
مش عارف ولا ممكن اكون علشان مش بتابع المدونات من فتره ولا بقيت
اعلق عند اخواتى مش عارف والله بقالى فتره كده حاسس انى اتغيرت
مش بقيت زى الاول بس حاسس انى مش لوحدى فى الحاله دى معظم
المدونين بيختفوا كتير حاسس ان نشاطنا قل كتير عن الاول من اول
رمضان عرفتكوا فيه من تلت سنين حاسس ان فى التلت سنين دول
المنحنى بتاعنا قل كتير مش عارف بقى دى تغيرات فسولوجيه ولا الزمن
قادر يغير فينا كده حاسس انى مش رومنسى بتاع زمان ممكن الكلام اللى
بكتبه حلاوه روح لانى لو مكتبتش هيحصلى حاجه بس كل اللى اتمناه
اننا نكون كويسين كلنا ونحاول نرجع تانى زى زمان فين تامر الحسينى
وفين مولان وفين الفراشه الصغيره وفين طوبه دهب وفين الدكتور عمرو
وفين كيموو وفين اسماء فى وجدانى وفين ماء تشرين وفين فتاه حالمه
وفين وفين نتمنى اننا نرجع زى الاول واكتر ونحاول نصلح اللى انكسر
جوانا لاننا فى الاول وف الاخر ملناش غير بعض مع اننا معظمنا
مشوفناش بعض بس حب بالقلب والروح اكبر نعمه من ربنا
معلش طولت عليكوا بس قولت افضفض معاكوا بقالى كتير مقولتش
اللى جوايا وان شاء الله كده ندعى كده كلنا ان ربنا يلم شملنا
ونبقى ايد واحده واسره واحده فى حب الله
وياريت اللى زعلان منى علشان مش بزوره يسامحنى وياريت اللى
زعلان منى يسامحنى وياريت اللى زعلته من غير قصد يعاتبنى
كل سنه وانتم طيبين ورمضان كريم

40 comments:

جوجو said...

السلام عليكم
ازيك يارومنسى
عندك حق فعلا فى كلامك فى مدونين كتير جدا بعدوا عن التدوين بس اكيد فى ظروف بتمنعهم من ده احنا مفتقدنهم فعلا لانهم وجودهم معانا كان جميل جدا
اما بقى عن رمضان فعدى بسرررعة قوى ربنا يتقبل مننا الباقى
تحياتى

همسات وبحــ الحياه ــر said...

دا فيرس وانتشر
بس شكلى انا اول واحده اتعديت وبعدين عديت الكل
انا صعقت اول مارجعت لقيت كل المدونين بتوع زمااان اعتزلوا
حتى اللى موجودين مبيزوروناش والكلام ليكى ياجارة
نفسى نرجع زى زمان وقولت كتير بس ولا حياه لمن تنادى
رمضان عدى بسرعه
ربنا يتقبل منا

راجية الرحمه said...

دوام الحال من المحال اخى
سنه الحياه اناس تأتى والبعض يرحل
ولكن
احييكـ على احساسك الراقى

راجية الرحمه said...

دوام الحال من المحال اخى
سنه الحياه اناس تأتى والبعض يرحل
ولكن
احييكـ على احساسك الراقى

راجية الرحمه said...

دوام الحال من المحال اخى
سنه الحياه اناس تأتى والبعض يرحل
ولكن
احييكـ على احساسك الراقى

عمرو يسرى said...

دوام الحال من المحال
كل سنه وانت طيب
رمضان كريم

Kiara said...

كل سنة وانت طيب يااحمد

انا موجوده اهوووو


انت مش جيت ليه امبارح

كان يوم تحفه بجد

شمس النهار said...

تصدق كاتبه بوست بنفس المعني وشيلاه في المسودة وكنت متردده انشرة

نفس احساسي
وفعلا انت جبت كلمة عبرت عن الموقف كله
تحس ان في حاجه اتكسرت
ايه هي؟؟؟؟؟؟

ياريت البلوجر يرجع زي الاول

تحياتي

gogo!sf said...

انا هقولك بالمختصر فى ايه

الموضوع يا سيدى ان فى حاله ملل غير طبيعيه لكل المدونين ومعظم الناس اللى احنا نعرفهم قفلو مدوناتهم اكيد من حاله الممل بردو وربما لرظروف تخصهم الله اعلم
وفى ناس كتير بتحصل مواقف معاهم تخص البلوجر ممكن تكون بعيده عن الاصدقاء المقربين لكن بتحصل مواقف وخلاص
وده بيخلى عندهم احباط غريب واستسلام للموقف ومش بيكون عندهم مقاومه نهائى

وحاجات كتير جدا
منهم اللى بيحب جديد واتشغل بحبه
ومنهم اللى اتجوز وبردو اتشغل فى الحمل والخلفه وغيرو وغيرو
اسكوت يا احمد يا اخويا مش قادرة اقولك هههههههههه

مانا كنت بتكلم جد وكويسه لازم يعنى اقلبها كوميدى

المهم ملخص رغيى ان كل انسان ليه ظروفه وربنا يبعدنا عننا جميعا كل شر ويطمنا على بعض بكل خير ويجمنعا بردو فى الخير
اخبار الفيس بوك ايه

gogo!sf said...

بقولك انت مش عارف ايه خبر الوفاه ده اللى على الفيس ومين ده اللى مات نعرفه ولا لاء
والخبر ده صحيح ولا بيهرجو يا جدعان



على العمو كل سنه وانت طيب
ورمضان كريم

gogo!sf said...

بص يا ابنى انت تحذفنى من على الفيس والبلوج بجد انا نكد على الاخر

شويه اتكلم جد
وشويه اهرج
وفى الاخر اختمها بخبر
موت حد وياريتنا نعرفه اصلاً

سورى بجد يا احمد
اصل الفجر اذن وانا مشربتش ميه وعطشانه عشان كده خرفت

سلام بقى يا جميل
انا بهرز اوع تحذفنى لاطيرك
هههههههههههههههههه

سلام يا جميل

gogo!sf said...

احمد انا اول كلمه كتبتها فى الكومينت
انى هقولك بالمختصر شوفت بقى المختصر بتاعى اد ايه اومال لو هرغى ومش هقول بالمختصر هعمل ايه فى المدونه
انا هروح اصلى يا عم وانام
تصبح على خير

كتكوته said...

كل شئ قابل للضياع وكل بشر قابل للوداع

شخـا بيــط مـحـجـوب said...

كل عام وانت بخير رمضان كريم
كل سنة وانت طيب والف مبروك يا باشا

miroooo said...

السلام عليكم
كل عام وانت بخير يا رومنسى
عندك حق فعلا احنا مكسلين خالص عن التدوين بس اهو بنحاول نعمل حاجه قبل ما رمضان يمر مرور الكرام علينا
ربنا يتقبل منا ومنك ان شاء الله
ان شاء الله هنرجع احسن من الاول وبكرة تشوف
رمضان كريم

شمس النهار said...

يعني انت كتبت البوست قلبت المواجع
ومشيت وغبت انت كمان

salwa said...

السلام عليكم اخ رومنسي
ان شاء الله تكون طاعتنا مقبولة و جعلنا الله من عتقائه و ان نكون احباء بالله,اسفة للتاخير
و عيد فطر سعيد لكل الامة
سلام

همسات وبحــ الحياه ــر said...

كل سنة وانت طيب
الحلقه الجديدة نزلت

شخـا بيــط مـحـجـوب said...

كل عام وانت بخير
عيد سعيد عليك ياجميل

gogo!sf said...

كل سنه وانت طيب يا احمد
وعيد سعيد عليك وعلينا جميعاً

romansy said...

جوجو

اهلا بيكى يا جوجو

طب نعمل ايه يا جوجو هى ظروف والله بتبقى غصب عن الواحد ربنا يسهل

romansy said...

دموع القمر
اهلا منديلى الحلو

يلا بقى انتى اللى ابتديتى واحنا حصلناكى
والله يا منديلى نعمل ايه بقى حاله ملل شديده

ادعلنا يا قمر

romansy said...

Hager ZaǮbal

اهلا بيكى يا هاجر

الحمد لله

على كل شئ
بس نحاول نرجع زى زمان

romansy said...

راجية الرحمه

اهلا بيكى

بس احنا بنحاول نبقى احسن من الاول بس اوقات كتير بيقى غصب عن الواحد

romansy said...

عمرو يسرى

كل سنه وانت طيب

منور المدونه

romansy said...

كيــــــــــــارا

اهلا بيكى يا كيارا

الحمد لله
الدنيا مشاغل بقى نعمل ايه

تحياتى

romansy said...

شمس النهار

اهلا بيكى يا شموسه

والله انا ملاحظ كده بس مش عارف ايه اللى غيرنا انا عندى حاله ملل ربنا يعدينا منها

romansy said...

gogo!sf

يا نهارك ابيض دا كلوووو تعليق

ربنا معايا بقى
هى صحيح ظروف بتحصل لكل واحد بس المهم اللى بيبحصل لمشاعرنا اتغيرت قوى انا عن نفسى حاسس ان الواحد بقى عايس وخلاص

romansy said...

gogo!sf

انتى مدخله نفسك فى كل حاجه كده

الله يكون فى عونا

romansy said...

gogo!sf

انتى ىعندك ايه كده

يلا ربنا معانا استحملك شويه انتى جننتينى
مبقتش عارف انتى سعيده ولا حزينه

romansy said...

gogo!sf

اخيرا هتنامى تصبحى على خير يا عمونا

تصبحى على خير امشى قبل ما ترجعى تانى


ههههههههههه

romansy said...

كتكوته

المهم نرجع نتلاقى تانى من جديد

romansy said...

شخـا بيــط مـحـجـوب

كل سنه وانت طيب يسا احمد بيك

حمد الله على سلامتك

منور الدنيا بحالها

romansy said...

miroooo

اهو احنا عدينا رمضان لما نشوف بقى

كل سنه وانتى طيبه

romansy said...

شمس النهار

والله ظروف يا شموسه \

الحمد لله\

romansy said...

salwa

اهلا بيكى يا استاذه
كل سنه وانتى ط\يبه

romansy said...

همسات وبحــ الحياه ــر

كل سنه وانتى طيبه

شوفتها

romansy said...

شخـا بيــط مـحـجـوب

كل سنه وانت طيب يا احمد بيك

romansy said...

gogo!sf

كل سنه وانتى طيببه

عبد الرؤوف بن عبدالسلام (أبوهارون) said...

ارجغ يا زمان من حب الرب الى حب الوطن ثم حب الوالدين الى الوت الجميل اه يازمن