لو كنتى فاكره

لو كنــتى فاكـــره ان ببُعدك
تقدرى هتغيرى كلمه واحده
انا قولتها يبقى اكيد بتـهزرى
مقــدرش ابعـد ولو بعـــدتى
مقــدرش انسى ولو نسيتى
مقـــدرش اهـــرب
زى ما انتى بتهربى
اتعود ت اواجهه الدنيا
اتعودت امــوّت خوفى
اتعودت اتحــدى الكل
اتعودت اتحدى ظروفى
واتمنــى زييى تتعودى
وبرغم بُعدك مش
ناســـى وعــــدى
مـــــدام وعـــدتك

لازم اوفــــــــى
مقـــدرش ازعـل

يا حبيـــــبتى منك
لانــــى عـــارف

ان انتــــــى ليا

كام مره تحب ؟

كام مره حسيت انك بتحب؟
مره واحده فى حياتك ؟
ولا مرات فى مره واحده ؟
حبيبت كام مره ؟
ممكن تحب اتنين او تلاته فى وقت واحد ؟
وهل دا يبقى حب ولا اعجاب ولا احتياج للحب ؟
انا من وجهه نظرى ان الحب الحقيقى هو اللى بيكون
عايش طول العمر جواك ومبتقدرش تنساه ابدا ابدا ممكن
يكون الحب الحقيقى هو الحب الاول لانه بيعيش الى مالا
نهايه حتى لو حبيبت بعد كده او اتجوزت بيعيش جواك
حتى ولو بنسبه بسيطه قوى لانه زى الزرعه اللى
بتكون جذوزها متشعبه فى باطن الارض وحتى لو خلعتها
بيفضل بقايا جذور حتى لو ماتت الجذور دى بتفضل برضه
فى الارض الحب الحقيقى هو الاحساس كانك طاير لما تشوف
انسانه تملى عليك حياتك تيجى فى احلامك لما تشفها بتجرى كل
ساعات الدنيا الوقت معاها بيعدى بسرعه جدا هى الانسانه اللى
تفهمك من غير ما تتكلم تفهمك من نظره عين من لمسه تحس
بوجعك قبل ما تقول الاه هى الانسانه انك بتحس قدامها انها
كل حياتك بتحس بحنيتها وتحس بصداقتها وتحس برعايتها ليك
فيه اغنيه لمحمد فوزى" فاطمه وماريكا وراشيل دول جوه قلبى كوكتيل
تعجبنى فى واحده خفتها والتانيه حلاوه لفتتها والتالته دلالها وقساوتها
"والرابعه ادوب ادوب ادوب من بسمتها
وفيه كمان استعراض لفؤاد المهندس وشويكار بيقول قلبى يا غاوى خمس قارات
اعقل اعقل اعقل وارسيلك على قاره
اما بقى المطربه شاديه قالت رايها فى اغنيه ان راح منك يا عين هيروح من قلبى فين
دا القلب يحب مره ميحبش مرتين
وقال عن الحب ابو تمام نقل فؤادك حيث شئت من الهوى ما الحب إلا للحبيب الأول
كم منزل في الأرض يألفه الفتى وحنينه أبدا لأ ول منزل
وقال العلوي الاصبهاني في خلاف ذلك
دع حب أول من كلفت بحبه ما الحب إلا للحبيب الآخر
ما قد تولى لا ارتجاع لطيبه هل غائب اللذات مثل الحاضر
وقال اخر فى خلاف الاتنين
قلبي رهين بالهوى المقتبل فالويل لي في الحب إن لم أعدل
أنا مبتلى ببليتين من الهوى شوق إلى الثاني وذكر الأول
وفى النهايه اقدر اقول ان القلب ممكن يعشق مره ومرات
بس الحب الحقيقى والعشق مبيجيش غير مره واحده بس

So live love

حتى يعيش الحب لابد من توافر القلوب التى تتحمل

كـل المشـــاعر والاحاســـيس النابعــه من القــلب
حتى يعيش الحب لابد ان نكون على قدر المسئوليه

تجاه من نحب نعطى له روحنا ان امكن
وهل تكون الروح كافيه لحبيب ملك الروح

الحبيبه الغاليه

الى حبيبتى الغاليه الى من اول من رأتها عينى
الى من سهرت الليالى الى من ربت وتحملت ما
لم يتحمله بشر سهرت الليالى لاجل ان اصبح
كيانا فى هذه الدنيا فكيف لى ان ارد كل هذه
المشاعر فى يوم واحد فكرت كثيرا وكثيرا
ماذا اقدم لكى أحمل لكى الانهار بين يديكى
فكيف وانتى نبع الحنان ونبع المياه العذبه
التى تروى كياننا فكل هدايا الارض لا تكفى
لرد جزءا واحدا من ما قدمتيه لى فانا تمنيت
ان املك خاتم سليمان كى احقق لكى كل ما
تتمنيه .. امى كلما نظرت الى وجهك
ازددت جمالا لان وجهك مليء بالفرح
والبهجه .. امى يا اجمل نساء الارض
يا كل المجتمع فانتى من ربيتى الرجال
والنساء يا اغلى الناس اقدم لكى روحى
فهى اقل ما اقدمه

يا اغلى الناس

لو ســـالوك الناس

عنى متتـــحرجيش
قوليلهم حبيى ومن

غيره مقدرش اعيش
قوليــــلهم انـــــــى

بحبه ومتتكسفيش
ولا اقوللك متقوليش
فى عينيـــكى باين

كل حاجه متـخبيش
مانا قلـــــبى حبك

ونفســــــه يعيش
مع قلــــب زيـــك

متحــــــــــرمنيش
يا اغــــــلى الناس

دا ميــــــــــكفيش

شــــــوق الدنـيا

كله عشـــــــانك

زعلانه منــــك

لا هتعملى ولا هعملك
انا زعلانه بجد انا منك
داخل وبتشخط وبتنطر
عايش فى البيت دا ولا يهمك
رامى الحمل دا كله عليا
عيالك من لحمك من دمك
انا عارفه انك نفسك ترتاح
بس ادينى حساب من وقتك
اقدر اشكى اللى مزهقنى
اقدر احكى بحُب واقولك
إنى تعبت خلاص ريحنى
طّيب خاطرى يطيّب خاطرك
عشت سنين والغلب ملكنى
عشت عشان انا جوه فى قلبك
انت حبيبى ويلا سامحينى
ياللى مفيش قبلك ولا بعدك

حرام عليكى

هو انا كل ما ادخل ليه

م الباب بالتكشيره بتقبلينى
وتقولى العيشه دى ليه

هباب وكل شويه تشتكيلى
ياريتنا فضلنا بقى عزاب

اهو من وشك ترحمينى
مره تشكى الحاج فلانى

ومره تقولى حماتى تعبانى
حرام عليكى بتخنقينى
يعنى قوليى اعمللك ايه

انتى ناويه تقلتينى
ولا اهج واسيب البيت

وحياه امى ما هتشوفينى
مش كفايه ست عيال

ماهو بالعيال بتربطينى
كان نفسى الاقيكى ورده

جميله بالحنان بتحسسينى
بس انتى انشغلتى

بالعيال واهملتينى
بعد دا كله برضه بحبك
هتعملى ايه علشان ترضينى

وصيه

اوصيك يا صـاحبى وصيه يامه قالوها اُلـوف
عامل مـــراتك حــبيبتك بالــود والــــمعروف
واوعى يجى يوم عليك تقولها اصل الظروف
وتبهدلها وتجوعها وتقولها دى بصله المحب خروف
دى يامه وقـفوا على بابها صـفوف
واختـــارتك انـــت من ضـمن اُلــوف
دى مراتك بتحبك وتخاف عليك خوف
خلص الكلام فى سطور
ويـــارب يجى عليا الدور