Saturday, February 20, 2010

بكره هرجع


بكره هرجع لما قلبك يحس بيا وينادينى
لما تنشال الغشاوه عن عيونك هتشوفينى
لما تحسى انى انجرجت ف قلبى لازم تسالينى
عن كل يوم فى الغربه عشته لسه ليا طمنينى
حتى اسالى كل نجمه فى السما لما اشوفها كانك انتى بتوسينى
وكل طير مجروح ينازع بفتكر عمرى اللى ضاع منه سنينى
واما بعدت انا قولت انسى لكن شدنى بقلبك حنينى
كنت خايف اقول بحبك لتكونى قاسيه وتجرحينى
واما طيفك جه نادانى عرفت انك بالحنان بتقربينى
نظره عطف واحده منك تشفى جرحى وتداوينى
انتى عارفه انى انجرحت والدوا فى ايدك غيتينى
نفسى اعرف مين جرحنى مهما كان منك قريب عرفينى
وان عرفت منك انتى راح اسامحه صدقينى
وان عرفت منك انتى راح اسامحه صدقينى

47 comments:

كلام عيب said...

ياعم على الغرام و الحب
بس انا عايزه اعرف ازاى حتسامحه يعنى حتى لو هيا اللى قالت
مش مقتنعه انا بالوعد ده

SHAPE YOUR LIFE (ABOALI) said...

سامحه يا رومانسى سامحه من غير ماتعرف احسن علشان العبت فى الملفات القديمة يثير الذكريات وخلى طيف حبيبك يقرب منك يضمك يحضنك فى كيانه يحبك تدوب فيه تعشقه من روحك وكل قلبك
وتفتكر كل بسمة عليها قالك والسعادة بتغنى والربيع معياد دايما لنسائم صبرك والمك


جمييييييييييييل معنى البوست يا انسان


وممكن نقول
انتى عارفه انى انجرحت والدوا فى ايدك غيتينى


انتى عارفة انى انجرحت والدوا فى ايدك ضمينى

او ساعدينى

بس ضمة الايد شفا لكل لحبيب

ولالالالالالالالالالالالالا ايه يا انسان يا راقى

ريمان said...

السلام عليكم

ازيك يا رومنسى

لو البوست ده شخصى يبقى تسامحه احسن من غير ما تعرف وبجد بلاش تفتح الدفاتر القديمه عشان مش تتعب
انا بتفق مع راى اللىى معلق قبلى


تحياتى ليك

سعيده بمرورى هنا

زى الهوا said...

مش فاهمه حاجه

انجليزى دا ؟

( وش مطلع لسانه )

Eman said...

جمييييييل جميييييل

دمتَ لمن تحب
ودآم لكَ من تحبه

just waiting said...

وان عرفت منك انتى راح اسامحه صدقينى
ولماذا تريد ان تعرف
ان كنت ستسامح لا تفيدك المعرفة بشئ
مجرد اك كلماتشاهد ذلك الشخص ستتذر ذلك الجرح
الافضل ان تسامح من داخلك والا يفرق معاك

عايش... ولكن !!!! said...

جميله
لو التجربه دى شخصيه
يبقى سامح بدون ما تنبش فى الماضى
صدقنى عن تجربه

Anonymous said...

البوست جمييل اوووى

والمسامح كريم

إيمان said...

دوس على قلبك وسامح من غير ماتعرف
لتفتح جروح وتخلق خصام
وتعيد تجرح نفسك بايدك سيب جروح اللى فات الزمن يداويه وعيش حياتك انت اولى بيه
ربنا يوفقك يارب
تحياتى

Anonymous said...

تسلم ايدك يا رومنسى حلوة اوى

لاسع افندى said...

نظره عطف واحده منك تشفى جرحى وتداوينى

مشاعر جميله

تحياتى

ستيتة said...

رقيقة لأبعد حد
حلوة واجمل شيء يختم بيه الإنسان يوم متعب
تحياتي

صوت من مصر said...

على الساعه كام كده عشان استنى

hana said...

رائعة رائعة رائعة
حرف وموسيقى وإحسآآآآس
بجــد
يسلم الإحسآآآس الجميييل

ودي وإحترمي

ضحكات الحياة said...

يا سلام عليك
غرام و حب و دلع
هههههه

بجد عاشت ايديك دائما مبدع ابدا
كلماتك بجد رقيقة و لطيفة

Rosie said...

كره هرجع لما قلبك يحس بيا وينادينى
لما تنشال الغشاوه عن عيونك هتشوفينى
لما تحسى انى انجرجت ف قلبى لازم تسالينى
عن كل يوم فى الغربه عشته لسه ليا طمنينى
>>>>>>>>>>
قى الحب لازم تسامح عشان يستمر..حلوة اوى و بتهيألى لو قسمتها هتبقى احلى..و حلوة النهاية..

ليله شتاء said...

من لايسامح في الحب فهو ابدا لم يحب
هكذا قال أحسان عبد القدوس
دمت بخير ودام قلمك

romansy said...

كلام عيب
غرام وحب ايه بس والقلب مجروح بس اسامحه طالما بتحبه وطاما بتمنالها السعاده

romansy said...

SHAPE YOUR LIFE (ABOALI)
اهلا اهلا عمى ابو على
انت عارف قلب المنوفى الكبير دايما بيسامح حتى لو كان مطعون الف طعنه
وانا مش بقلب فى القديم
لانى اصلا منستش حاجه

romansy said...

ريمان
اكيد هسامحه
طالما بقى جزء منها

romansy said...

زى الهوا
مش مهم انتى تفهمى

بس ايه رايك فى النظام

romansy said...

وحبي لك لن يموت
ربنا يجعل قلوبنا ميانا حب دايما

romansy said...

Just waiting
بس برضه يهمنى اعرفه
ودا علشان اوصيه على اجمل وارق انسانه فى الدنيا

romansy said...

عايش... ولكن !!!!
التسامح من شيم المنايفه

هسامحه يا مان

romansy said...

star in the sky
ربنا يخليكى
والتسامح من شيم الكرام

romansy said...

emymony
خلاص انا قررت اسامحه واريح عقلى لانه مش ذنبه اللى حبته
انا بحسده على انها حبيبته
بس بسامحه برضه

romansy said...

7annen
ايزيك يا حنين
بشكرك جدا جدا

تحياتى

romansy said...

لاسع افندى
انت اللى اجمل يا استاذى

ربنا يسعدك دايما

romansy said...

ستيته حسب الله الحمش
اهلا يا دكتوره
والله انتى الى رقيقه بتعليقك الجميل وكفايه حضرتك منورانا

romansy said...

صوت من مصر
لسه الجواب موصلش يا كيموووووووو

romansy said...

hana
نورتى المدونه
وبشكرك جدا جدا على تعليقك
واتمنى مزيد من التواصل


تحياتى

romansy said...

ضحكات الحياة
ايزيك
يا هندسه
اخبارك ايه
يلا هانت اهى

romansy said...

Rosie
التسامح شئ جميل
وياريت دايما الصفه دى تبقى فى قلوبنا

romansy said...

ليله شتاء
كلمه جميله قوى لاستاذنا الكبير
علشان كده لازم نسامح
وانا عن جوايا مسامح والحمد لله

طـائر الليــل الحـزين said...

رومانسى
واللهى واحشتنى فعلا
ومتشكرة جداااااااا على سؤالك
غبت ورجعت وطبعا لسه كلامك جميل زى عادته
يارب تفضل دايما موجود ومنور التدوين

أميرة الرومانسية said...

كلام رقيق اوي يا رومانسي بجد
وهي حتي لو عارفة مش هتقولك
عشان اكيد هي بتحبك ومش عاوزة حتي تأذيك ولو بالاحساس
انسي الجرح طالما هي جنبك
وبلاش تفكر في مين اللي جرح

salwa said...

السلام عليكم اخ رومنسي
ادراج شفاف و معبر
التسامح صفة جميلة خاصة لمن يستحقها
سلام

زى الهوا said...

طب مش مهم افهم ليه ؟

هههههههههه

اه قصدك انك بتوصلها لحد معين

( وش بيغمززز )

طيب ربنا يهنى رومانساوى بالحد المعين

صدى الصمت - عاشقة الورد - said...

كلمات جميلة أحييك عليها

Unknown said...

وان عرفت منك انتى
راح اسامحـــه صدقينى
ياهـ!! انت طيب وقلبك
طيب زيك يارومنسى

romansy said...

طـــائر الليــــل الحـــــزين
اهلا اهلا يا دنيا
اخبارك ايه وفينك كده من زمان
طولت الغيبه علينا
واحشنا كلامك انتى
كلام دنيا الحب
منتظرين جديدك

romansy said...

شبــ اون لاين ـــاب
يا هلا يا هلا

نورت يا باشا
واهلا بيك فى اى وقت
وحمد الله على سلامتك

romansy said...

أميرة الرومانسية
اهلا بيكى يا اميره
ربنا يخليكى يارب
وبعدين انا لو كنت عاوز اعرف كنت عاوز اعرف علشان اغير من نفسى
جايز فى يوم من الايام كنت وحش
وبعدين فى جروح عمرها ما تتلم
بس هحاول

romansy said...

salwa
اهلا بيكى يا استاذه
التسامح صفه جميله
واتمنى فعلا انها تكون فينا


تحياتى يا استاذه

romansy said...

زى الهوا
هههههههههههههه
انتى هتخلينى اشد فى شعرى
ايوه ايوه حد معين ومستطيل ومربع
يوووووووووووو
نسيت انك مدرسه لغه اجنبيه مستعمره

romansy said...

صدى الصمت - عاشقة الورد -
اها بيكى يا استاذه

بشكرك جدا جدا
واتمنى ان شاء الله ان ك انسان فينا يمتلك صفه التسامح اكيد هيخلق حب بينا كبير

romansy said...

norahaty
اهلا بيكى
يا دكتوره نورا
اخبارك ايه واخبار عييانينك
انتى دكتوره باطنه
ولا ايه
عرفتى منين ان قلبى طيب
بس
يلا بس انتى اكيد دكتوره شاطره