Sunday, October 25, 2009

فرصه تفكرى


يعنى خلاص نويتى تمشى وتهجرى
بعــد كل الحب ليا
مـانا قولتلك ع اللى ف قلبى وقدّرى
متجيش انتى عليا
انا محـــتاج بس فـــــرصه.. واصبرى
بكره هتشيلك عنيا
هتــعرفى اد ايه احســاسى بيـكى
بس برضه حسى بيا
اتـــفـقـنا ......... ولا عايزه فــــراقـنا
ولا خـلاص اديــكى فــــرصه تفكـرى
آدى دبـلتــــك........ يــلا البســـيها
وفـرحى اسـمى المنقوش علـــيها
مـــانا لــو هـــــــلـف الكـــون بحـاله
مــش هـــــــــلاقى واحـــــده زيــك
تحـــبيـى الحــب ده
حنــيــنه زيـــك كـده
دا انتـــــــى حبيبــــــى وكل حــاجه
فى الـــدنيا ليــــكى بس اؤمــــــرى

127 comments:

donya said...

مساء الخير
الفرصه هنا لمين له والا ليها

donya said...

وبعدين ليه بكره هتعرفي
ومايعرفهاش النهارده ليه

بستغرب علي الحبيب اللي دايما عايز حبيبته تصبر
وهو مابيعملش حاجه اصلا تدي امل
طيب عايزها تصبر ليه
لازم يكون في شواهد علي التغيير
ولا ايهههههه

*تحياتي

اسماء واحلام فى وجدانى said...

مادام بتطلب فرصة تانية
يبقى انت كان عندك فرصة قبل كده
واهملت فيها

بس صح هو الكلام لمين
بس اى كان فـــ حد فيكم غلطان

donya said...

القصيده جميله
ومكتوبه حلو اوي اوي
وفي نفس الوقت ادانه لكتير من الشباب دلوقتي

ضحكات الحياة said...

مش عارف انا احجز التعليق اللي عليه الدور و خلاص كل فسوة فيها كومنت
ههههههههههههه

اسماء واحلام فى وجدانى said...

الحب ما كان فى ايدك ليه تضيعه
واضح انك اخدت فرصة واتنين
ولسة مصمم تبيع
والحزن بايدك تصنعه
الحب فرصة لو راحت مرة
كل دموعك صعب ترجعه

ضحكات الحياة said...

بوست جميل و كلماته سهله و حلوة بس مش معروف
هي من الأساس بتحب و لا طمعان انت في الحب ؟

اسماء واحلام فى وجدانى said...

اسماء واحلام فى وجدانى
انت يا عمونا اتجليزى صحيح
بس دمك حامى

متسالنيش جبت الكلام ده منين
انا وعدتك ومش هارجع فى كلامى
بس للاسف مش فاهم حاجة بجد

♥نبع الغرام♥♪≈ said...

طيب لما انت بتحبها كده

ممكن اعرف بتضيعها منك ليه

اممممممممممممممممممممممممممممممم

♥نبع الغرام♥♪≈ said...

ياريت كل واحد بيحب وحده يحاول يحتويها ومش يضيعها من ايده لان الفرصه الحلوة بتيجى مرة وحده فى العمر

وبصراحه كلماتك روعه
ربنا يوفقك يارب ويكرمك خير
مودتى
ايناس

romansy said...

donya
دنيا منورانى
بس الفرصه هنا بقى ليها الاول
علشان هى اللى قررت تقلع الدبله من ايديها
وكان لازم تفكر تانى قبل ما تاخد القرار دا

romansy said...

donya
اقولك يا دنيا
بكره هتعرف بالاثبات والفعل
انما النهاره للحب والتراضى
وتصبر لانها لو حصل كده تانى بعد الجواز والارتباط حياتهم هتتهد قبل ما تبتدى

romansy said...

اسماء واحلام فى وجدانى
اهلا يا احمد بيك
الكلام ليها المره دى
البوست اللى فات هى خد قرار الانفصال
المره دى برد عليها
بس علشان تكون عارف هى كانت عارفه كل شئ عنه قبل ما يرتبط بيها فى الخطوبه
لازم تصبر وتحاول تصلح اخطاء الماضى

romansy said...

donya
شكرا يا دنيا على كلامك الجميل بس دى مش ادانه اد ما هيه حجه ان لكل واحد فينا قصه حب جواه سوا الولد او البنت
بس الولد فى البوست دا كان صريح مع حبيبته من الاول
الحب اللى بيبتدى بصدق اكيد بينجح

romansy said...

ضحكات الحياة
ماشى يا هندسه احجز اللى انت عاوزه
بس دلوقتى مفيش احتلال
الامور ماشيه تومام

ضحكات الحياة said...

الحمد لله ان الأمور ماشية تومام و مفيش احتلالات

ده انا اعصابي تعبت في كل حته احتلال

romansy said...

اسماء واحلام فى وجدانى
احمد انت مع الولد ولا البنت
خليك محضر خير
ماهو رجع تانى اهو يقولها يحسها ويعترف ليها ان الماضى ممكن يتغير ما دام فيه حب زيها وقلب زيها فى الدنيا

romansy said...

ضحكات الحياة
شكرا يا باشا
بس انا شايف ان الولد والبنت مظلمومين الاتنين
البوست اللى فات البنت بتحبه قوى وخدت قرار الانفصال
وبعد ما الولد فكر شويه عرف انه مش يقدر يعوض حبها تانى
وقرر انه يستمر معاها وينسى الماضى

Cute Kitty **sookra said...

اتجمل ايه ياعم
المهم ياترى الفرص دى هتستفادوا منها ولا هتكون زى اللى قبلها
وبعدين لما موش هيلاقى زيها فى الدنيا كلها ليه اصلا زعلها
والنعمه دى انتوا عاوزين الضرب
هههههههههههه

romansy said...

اسماء واحلام فى وجدانى
انت يا ابو حميد فاكرنى انى زعلت من احتلالك ولا ايه
يا باشا انا بهزر
علشان كده بقولك دمك حامى
خدت الهزار جد ولا ايه
بس وعدت مش هتحتلنى انا
ولا احتلال الجميع

ضحكات الحياة said...

بس انا يا جماعه حاسس في البوست ده ان البنت
ملهاش رده فعل تجاه الولد او شعور ناحيته اساسا و لا انا فوت حاجة

romansy said...

الأحــــــ إيناس ــــــزان
اهلا انوسه
ايه اخبارك
اقولك اقرى البوست اللى فات
خددبلتك دا على لسان بنت
والبوست دا على لسان الولد اللى اتقاله الكلام
دا صديق يا انوسه مش انا موقف حصل قدامى وكتبت عنه

romansy said...

الأحــــــ إيناس ــــــزان
ياريت يا انوسه
بس برضه هى تفهمه وتعرف مشاكله وتعرف ماضيه وحاضره ودا للعلم بس
وهى تكون بقى مستقبله

romansy said...

ضحكات الحياة
المره اللى فاتت احتلت احتلال سداسى
بس المره دى المدونه اتلغمت بقى
كل واحد يعمل حسابه

romansy said...

Saso
ههههههههههه
يا نهار ابيض
نعمل ايه بقى فى الحب
منه لله
بس ياريتها بقى تصفى قلبها كده
خلى الواد صاحبى يفرح
وهى فى ايديها تفرحه

romansy said...

ضحكات الحياة
هى مش مصدقه حبه بينى بينك بس لو فكرت شويه قلبها هيقولها ترجعله تانى وتلبس دبلته

ضحكات الحياة said...

ده هي اساسا لازم تاخد وقتها و تفكر تاني علي مهلها لأن بعد كده علي فكره عمر الجرح ما هيبقي سهل
تفكر شويتين و تلاته

romansy said...

ضحكات الحياة
طب قولها بقى تفكر علشان بعد كده هيبقى الامر صعب قوى

مي said...

انا من راي ترجع بقى وتلم الموضوع يعنى الراجل ما غلطتش الله يلا يا ياختى البسى الدبلة احنا بقالنا بوستين اهة بنتحايل على سعادتك
الله؟ ماتقول كامة يا رومانسى كبرنا فى القعدة يعنى
يلا ياحبيبتى ربنا يهديكى وارجعى لحبيبك ده باين بيموت فيكى بلاش تخربى على نفسك
ههههههههههه شفتنى وانا بهدى النفوس
ههههههههههه

عاقلة بس محدش عارف قيمتى يلا
دايما مبدع ياعمنا الرومنسى
تحياتى لحبك

لاسع افندى said...

حيرت الدبله معاك



تحياتى اللاسعه

صوت من مصر said...

اتجمل حتى اكتب لك انت رومنسى وحدك

ghorBty said...

حلوة اوي

سلمت يمناك

التفكير مطلوب جدا في المواقف ديه

والله يصلح الاحوال

شوية قهوة said...

no news in comment???????
:)

ساره said...

يمكن هي مصدقه حبه
ومش محتاجه تفكر
بس تبغاه يتحرك
عشان هي تتطمن
انا اقول يمكن
:)

yoyo said...

صباحك سكر يا احمد

بما انى مش كنت متابعة البوست اللى فاتت اللى هو خد دبلتك
اعتقد ان البوست مرتبط بيه وكان لازم اشوفه
اروح اشوف الجديد ابقى وارجع تانى

yoyo said...

فرصة تانى فيها افكر
طيب ازاى وانا قلبى مش قادر يسيطر
عقلى بيقولى فوقى و قررى
وقلبى بيقولى ازاى بس هتقدرى ؟!
صبرت لحد ما مل صبرى و نفذ
وكلام الناس عذبنى ومنه القلب انجرح
امته حبيبى هيجى بكره
امته تكون ظروفنا اقوى
ياااااااه يا حبيبى نفسى فى بكره بحلوه دى يجى و تعيش ليا و تبقى أنيسى

yoyo said...

انا لو لفيت العالم كله
انت و بس حبيبى وناسى
انت الللى دخلت قلبى و ملكت كل احساسى
بس انا محتاجة منك تغيير
عاوزاك تتمسك بالفرصة دى
عاوزاك تتحدى الكون
عاوزة اسمى و اسمك مكتوب على ورقة
مش بس حتة دبلة
عاوزة اكون لك و انت ليا
وساعتها مش عاوزة حاجة من الدنيا
اتفقنا خلاص المرة دى
ولا انت عندك اى قرار تانى ؟!

yoyo said...

هو انت حبيبى انانى بتقولى فكرى تانى ؟!
يعنى مش حاسس بنارى و عذابى ؟!
مش حاسس بطول ليلى و آلامى ؟!
مش حاسة منك تغيير
مش لاقية عندك اى تجديد
فين حماستك و شوقك ؟!
فين حبنا اللى هنتحدى بيه اى ظروف
فين وعودك ليا ؟؟؟
مش شايفة غير بس سراب
مش هالومك ولا اعاتبك على ظروف اتخلقنا فيها
بس هالومك على فرصة كانت وانت ضيعتها فى يوم من ايدينا
بس هتقدر تحافظ على الفرصة الاخيرة اللى بعدها هتكون النهاية الاكيدة

yoyo said...

ولا امر يا حبيبى ولا حتى طلبات
مش عايزة غير بيت يضمنا
ظروف تكون فى صفنا مش ضدنا
مش عايزة غيرك انت وبس
هى طلباتى صعبة انى اعيش وياك
انى اتحدى الكون وياك
اتمسك بالفرصة ديا
وانا جنبك مهما يكون
بس انت اثبتى حبك بافعال مش بس كلام وخلاص

yoyo said...

مش عارفة حاسة انها مظلومة معاها برغم انه بتحبه و هو بيحبها بس هى بالفعل محتاجة تغيير محتاجة تلاقى اى خطوة لقدام البت بتكون فى موقف صعب جدا من الناس و خصوصا من اهلها اللى عاوزين لبنتهم احسن الناس
يبقى لازم يقدر حبهاا و تمسكها بيه و يتحاول عشانها يتغير و يتحدى الكون معاها مش بس هى مشتتة بين كافة الاطراف وهو ساكت و مطمن انها بتحبه
قرارها دا بيكون فى لحظة ضعف و تعب وهى من جواها بتتقطع و تتألم بس هونها انها جايز تخفف ضغط عليها و تجرح قلبها بايدها

لو سمحت بفرصة اخير بيكون لازم بيها يتمسك و يثبت لها انه شاريها مش بس كلام

ياااااه انا طولت عليك يا احمد
معليش بقى هو كلامك السبب
تسلم ايدك و الله

دمت اخى بالف خير وسعادة
تحياتى
يويو

مهرة سالم said...

السلام عليكم..
دي عين واصبتكم
لازم ترقي نفسك يا أحمد....
...
كلمات جميله كالعاده
وصادقه...
...
في أمان الله

romansy said...

مي
اهلا ميويه اخبارك ايه
ايوه كده يا عقله عقليها
انا تعبت معاها يا ميويه
الواد صاحبى عمال يقولها بحبك
وهى برضه بتدلع شويه ومش عاوزه ترجعله تانى
البسى الدبله بقى ودى اخر مره هيحرم يفكر فى حد تانى
طبعا عقله يا عقله
بكره يعرفوا قيمتك
الله يكون فى عونه
يارب

romansy said...

لاسع افندى
اهلا بيك يا استاذنا
طب اعمل ايه بس
الحيره بقت ساكنه القلوب
تاتهت فى الزمن دا المشاعر

romansy said...

صوت من مصر
يا محمد بيك
انا بكتب اللى بحسه بس او اللى بتاثر فيه فى المواقف حصلت حواليا
المهم بقى اجدعن انت وحب

romansy said...

ghorBty
اهلا بيكى
المطلوب منها تاخد فرصتها علشان متندمش تانى بعد كده لا يفيد الندم

romansy said...

كلام من قلبي
اهلا بنوته
خلص الكلام
بس كفايه زيارتك ليا

romansy said...

ساره
ممكن يا ساره
تكون نفسها تربط بيه فعليا يبقى فيه ميثاق بينهم ارتباط حقيقى مش مجرد دبله فى ايديها

منورانى يا ساره

تحياتى

romansy said...

yoyo
اهلا يويو
اخبارك ايه
ايوه هو مرتبط بيه
بس شوفى الاول كده وقولى رايك

romansy said...

yoyo
بكره هيجى يا اغلى ماليا
بكره هيجى وهنسى ماضيا
بكره هيجى وانتى الاحلى
انتى نور الدنيا وضى عنيا

romansy said...

yoyo
اتقفنا خلاص مدام انتى حبيتى ودايما
هحارب بس عيون الناس علشان تبعد عنا حسدها
ايوه بحبك وانتى حياتى
ايوه بحبك يا امنياتى
كل الدنيا ماتسوى نظره
كل الدنيا من غيرك مره
ايوه بحبك ومش هفرط فيكى تانى

romansy said...

yoyo
ايوه فى حبك قلبى انانى
عاشق ومش لاقى حنانك
هلف وارجع ليكى تانى
وهجيبلك كل الدنيا عشانك
انتى حبيتى كفايه عذاب
كفايه بعاد مانا قلبى انا داب

romansy said...

yoyo
انا مقدرش انا ابعد عنك
انا دايما هفضل جنبك
ومش هسيبك ثانيه تانى
انتى كل الكون بحاله
وانتى حياتى وكل الدنيا
هيجى اليوم السعيد وهفرحك
بس اصبرى

romansy said...

yoyo
عارفه يا يويو
فعلا كلام الناس دا شئ صعب بيخلى دايما القلب مجروح بس طالما هى بتحبه وهو ندم على اللى عمله انه بيفكر فى الماضى تانى ومش مقدر اد ايه هيه خايفه عليه
هى لحظه ضعف منها
ولحظه ضعف منه
بس كل واحد دلوقتى عرف هو بيحب التانى اد ايه

شكرا يا يويو
على تعليقاتك الرقيقه

romansy said...

نهــــــــــار
اهلا نهااااااار

قولى بقى نرقى الواد والبنت دول اللى بكتب عنهم
دول كانوا بيحبوا بعض قوى
بس عيون الناس

نورتينى
يا ارق نهار

زهور الامل said...

لو بتحبك بجد مش هتفكر انها ترتبط بيك

غنوة حلوة

تحياتي

(Joudy) said...

الحقيقة الاتنين محتاجين يفكروا علشان يعرفوا ايه السبب اللى وصل لكده ولو فى نصيب للرجوع يبقى علشان حاجة زى دى مش تحصل تانى

دمت بكل الخير والسعادة

آخر العنقود said...

حلو قووووووووووى بجد النقاش الممتع ده

بس بصراحة يارومانسي كل واحد محتاج يفكر كويس
وبلاش نبص على الغلطة اللى حصلت بس
خلينا نشوف الحبيب على بعضه
ماهوه اكيد كل واحد له رصيد عند التانى
ياربت فعلا نحب من غير مانجرح
نحب ونراعى ونخاف على شعور حبيبنا
ونقدره ونحافظ عليه
قبل مايجى وقت الندم اللى ماينفعش وقته اى ندم

واللى اعرف كمان
" عندما يحين الوقت فإن الحب يتدخل ليكمل النواقص فينا ويزيل كل العوائق "

وهوه ده اللى هما محتاجينه بس يدوروا جواهم كويس وبصراحة
:)
دمت بكل الحب والرومانسية

زهور الامل said...

اللي بيحب حد بيرتبط بيه من غير ما يفكر حتى لو كان مليان عيوب
علشان كدة هي لو بتحبك بجد هترتبط بيك وهي مغمضه عينيها ومن غير اي لحظة تفكير

miroooo said...

والله تحفه بجد زى ماعودتنا دايما ربنا يوفقك يارب الكلمات لمست قلبى والله جميل ان الانسان يطلب من حبيبته انها تكون جمبه وتصبر عليه ربنا يديم الحب على كل المحبين يارب وماتنساش تزورنى يارومانسى

حـــلـــم كـــان said...

يادى الدبله اللى محيركم

طـائر الليــل الحـزين said...

اكيد فى امل
طالما فى فرصة للتفكير
وبعدين ازاى حد يسيب حد يحبه كده
ويكتبله كل الكلام الجميل ده
اكيد هترجع من تانى للدبلة وصاحب الدبلة

Anonymous said...

دا انتـــــــى حبيبــــــى وكل حــاجه
فى الـــدنيا ليــــكى بس اؤمــــــرى


بذمتك فى حد دلوقتى بيحب كدا وبيقول كدا

مكنش الدنيا بقى حالهاكدا

بس الكلام جميل

والصبر حلو بس بحدوووووود

MISS\GH said...

الله عليك يا احمد بوست جميل اوى

حلو اننا نتمسك ببعض مدام متاكدين ان قلوبنا مش شايفه غير بعض ومش حاسه غير ببعض

انا لو الاقى حب كده عمرى ما افكر مجرد تفكير انى ابعد عنه مهما كان المستقبل والمنتظر معاه من حلو ومر

بس لفتت نظرى جمله بتقول (انا لو هلف الكون بحاله مش هلاقى وحده تحبنى زيك كده حنينه زيك كده)حاسه ا الموسيقى اللى فى البوست كله اختلت هنالانك تقريبا خرجت عنها

خلى بالك بقى المره الجايه وكملنا القصه

mimi said...

لو هتمني أكتب بوست

هتمني أكتب الكلمات دي

أدام الله إبداعاتك

جارة القمر said...

فرصة تفكري اني شاريكي فماتبيعيش

فرصة تفكري اني قلب وفي فماتخونيش

فرصة تفكري اني زي حبي بدا ماتلاقيش


انا قلب حبك وصانك فماتبعديش

رائعة رومنسي

يسلموووووووووووووو

rony said...

انا حاسه ان انت اللى محتاج تفكر
وتراجع نفسك الاول
باى باى

mohamed ghalia said...

تحفة يا احمد
حسسها لحد معين فى بالك
يلا ياعم ربنا يوفقكك

------ said...

قل اعوذ برب الفلق

خمسة وخميسة فى عين اللى حسدنى

بس حلو برضو ان الواحد يكون 8

احم احم
قصدى 68

الناس دى عنيهم وحشة يابنى
هههههههه

------ said...

صباااح الفن والويد والياشمين

ياصبااح اللى بتغنى

عمو مناديلى الحلو بيقولك

شاطر انك اديتها فرصة تفكر
برضو

والصلح خيييير

------ said...

نروح نقرأ البوست

ونيجى

مكانى محجوز طبعا

------ said...

حلو التثبيت دا هههههه

بص يابنى
انا لما بحب حد بحبه اوووى اووووى اووى

ويمكن لدرجة مش تتخيلها
ودا تعابنى نفسيا
لانى مش قادرة اتخلى عن صحابى دلوقتى

بس لما حد يقولك انا همشى ومش عايز حبك
يبقى مش باقى عليك
ومنتحايلش عليه لا مش هنغصبه يحبنا

يبقى تقول اييييه
ماشى يانننوس عين خالتو
افتح الباب وامشى
بس وحياتك والدك خد الباب فى ايدك


من حبك حبه واخلص له
ومن سابك سيبك ولا تحن له

ومن حبنا حبناه وصار متاعنا متاعه ومن كرهنا كرهناه حرمت علينا اجتماعه
صح كدا ولا اييه هههه

ودى طبعا نصائح مناديلوا افندى
لو اخدت بيها هتروح ورا الشمس

انا لما قابلت واحدة مرة وحبيتها خالص وهى مش حسيت بدا ومكنش فارق معاها اكون جنبها ولا لا
عملت المستحيل علشان اثبتلها بس بهدوء يعنى
وفى مرة كنا فى رحلة بنانيتى مسكت المايك وحت قايلالها انى بحبها جدا واتمنى ان نكون اصدقاء
ولدوقتى مش اقولك

فاانت كويس انك رجعت دلبتك
وفكر كويس يمكن انت غلط فى اختيارك او حبك
وهى تفكر كويس برضو

والسلام عليكم ورحمة الله وبركاته

romansy said...

زهور الامل
اهلا يا زهور الامل
مش هترتبط بيه علشان بتحبنى
متقوليش كده الواد صاحبى يزعل لو قرى الكلام دا

romansy said...

(Joudy)
اهلا جودى
علشان كده هو طلب منها فرصه وادالها فرصه تفكر علشان متحصلش مشاكل بعد الجواز

romansy said...

آخر العنقود
اهلا بيكى نورتينى
عندك حق كل واحد لو فكر شويه ايه اللى اداه للتانى
اكيد هيلاقى حاجات حلوه كتير
هو الحب ايه غير اننا نكمل اللى ناقصنى لما اشوف حبيبى
احساس الحب لما يكتمل عند الانسان مش بيحتاج حاجه تانى م الدنيا

romansy said...

زهور الامل
ايوه كده
كده انتى طمنيتيه شويه
بس انا حاسس انها عملت كده من ورا قلبها
مش عارف ليه بتعمل كده علشان حبيبها يوجهه عواطفه كلها ليها

romansy said...

miroooo
اهلا بيكى يا ميييييرووووو
اخبارك ايه
شكرا على كلامك الجميل ما هو لازم يطلب منها علشان كل واحد عارف كويس نقطه ضعفه
وبعدين هو هيلاقى حد احسن من حبيبته يشتكى ليها

romansy said...

حـــلـــم كــــان
هههههههههه
ادعيلهم بس
ان ربنا يوفقهم ويتجوزا ونخلص بقى

romansy said...

طـــائر الليــــل الحـــــزين
ايوه كده يا دنيا الحب
طمنى قلبه
انا برضه حاسس انها هترجع ليه تانى
طالما هو بيحبها وهى بتموت فيه كده
مشاكل عاديه بتحصل بين اى حبيبن

romansy said...

7annen
اهلا حنين
كتير بيقول كده
بس لاسف بقى فيه كتير من البنات
بتقول اشتغالات وكلام فاضى من دا
بقى فيه حد بيحب حد
يتقال عليه انه بيشتغلها

romansy said...

MISS\GH
اهلا اهلا بيكى
جميل اننا نتمسك ببعض لغايه اخر يوم فى عمرنا
بس ليه لا اكيد فى الدنيا دى فيه كتير بيفكروا كده
بس فى اوقات كتير
البنت مش بتحس بالامان
معلش بقى
انا كتبت ساعتها اللى طلع منى
بس هاخد بالى المره اللى جايه
منورانى دايما يا استاذه

romansy said...

mimi
اهلا ميمى

انتى كاتبه احسن منى بكتير
الواد العسليه هيلزق الدنيا
فى مدونتك

romansy said...

جارة القمر
الله الله
ايوه كده ياريتها تقرى الكلمتين دول
انا قلبى حبك وصانك فماتبعيش
منورانى يا اجمل جاره للقمر

romansy said...

rony
انا افكر
تانى
قصدك البطل صاحب الكلام
هو محتاج يفكر انه خلاص بقى دى فرصته ان الانسانه دى بتحبه قوى
ومش هتقدر يستغنى عنها
ولازم يعرف ان دى فرصته

romansy said...

mohamed ghalia
اهلا يا محمد بيك
تعرف يا محمد
اتمنى الاقى انسانه احبها الحب دا كله ومش كفايه عليها
بس دى بقى يا محمد لصديق
حصل معاه الموقف دا

romansy said...

همســات عــلى ضــوء الــقمر
حلو قوى كده
كل مره احتلال يعنى

romansy said...

همســات عــلى ضــوء الــقمر
شاطر ان الولد صاحبى ادها فرصه تفكر وهو كمان يفكر علشان مش يندم تانى
على اى حاجه بعد الارتباط

romansy said...

همســات عــلى ضــوء الــقمر
لسه مقرتيش
يا منديلى الحلو


طيب اقرى براحتك بقى

romansy said...

همســات عــلى ضــوء الــقمر
بقى فى حد بيحب حد يقولوا كده
تعرفى
يا منديلى الحلو ان الحب مفيوش كبرياء
طالما فيه حب
الحب طالما موجود بين الطرفين ليه يتكبروا عليه
مع ان عارف انها بتحبه
وهى عارفه انه بيحبها
لو حد قال الكلام دا يبقى الدنيا مش هيبقى فيها محبين بقى
روحى ذاكرى احسن

نهر الحب said...

الله عليك يا أحمد
رائع ومبدع دائما.

بس ازاى هى تصلح لوحدها لازم يساعدها وما يهدش اللى بتعمله عشانه ويقول هى اللى سابتنى. ربنا يوفق الجميع

خالص تحياتى

نهر الحب

سلمى said...

لا تقلق ان كانت تحبك فلن تتخلى عنك ابدا
لكن احظر تضيع الفرصه اذا اعطتك اياها

زى الهوا said...

الله جميل _ برافو عليه والله

Radwa said...


يا نهار ابيض
الحب دا كله ومش طامر
والله دا كتير
بس بجد جميييييله اوى
بس اهم حاجه انك تعملها حاجه تخليك تستاهل الانتظار فعلا
لان اصعب حاجه على البنت انها تنتظر دون تغيير
.................
رضوى

mahasen saber said...

جميله يا احمد الكوبليه الاخير ده
بس اؤمرى

هو ده الحب وعطاء المحبين

تسلم موهبتك كل اشعارك جميله وممتعه

Selfmeaning said...

اكيد هتفكر تانى

عشان عمرها ما هتلاقى قلب رومنسى

زى قلبك الطيب الحنون

اقصوصه said...

ما في احلى

من ان الانسان

يحس بقيمة الطرف الثاني :)

romansy said...

نهر الحب
اهلا نهر
اخبارك ايه
لازم يصلح ما هو خلاص ابتدى يصلح مشاعره ويوجها ليها بس برضه محتاجين صبر علشان يرجعوا زى الاول

romansy said...

سلمى
اهلا سلمى اخبارك ايه
متخفيش اكيد الفرصه مش هضيع تانى
دا مصدق يمسك فيها

romansy said...

زى الهوا
اهلا سماحه
اخبارك ايه واخبار الواد الامريكانى ايه
برافوا عليه انه قدر يقولها انه بيحبها وما يقدر يتخلى عنها
بس شكلها كده عناديه ومش عاوزه تلين
مش عارف ايه نشفوفيه الدماغ دى

romansy said...

sendrlla
اهلا رضوى
اهو بيحاول الولد دا يعمل اللى عليه
بس هو بيحبها علشان هى اديلته حبها كله
وكانت تتمنى ان دا يبقى فتى احلامها
بس هو كان مشغول بحبه الاول علشان كده طلب منها انها تصبر عليه

romansy said...

mahasen saber
اهلا بيكى يا استاذه
اخبارك ايه
اكيد كل شاب فينا بيحاول يدى كل اللى عنده لانسانه اللى بيحبها
بس برضه اتمنى ان الانسانه اللى هتبقى حبيبتى تدينى كل اللى عندها من مشاعر وحب

romansy said...

Selfmeaning
اهلا بيكى
نورتى المدونه بعد غياااااب طويل
القلب الحنين مش كل حاجه دلوقتى عند البنت
فيه حاجات تانيه كتير الدنيا اتغيرت
بس على العموم
دى حكايه حصلت قدامى وكتبت عنها
ربنا يصلح الاحوال

romansy said...

اقصوصه
اهلا قصوصه
ايه اخبارك
ياريت كل انسان يحس بقيمه اد ايه الطرف التانى بيحبه ويقدره

سوسو الاموره said...

ههههههه انا نفسي افهم هو ليه بتحبوا ترجعوا الحاجه الي بعد ما تبئه بين ايديكم وبعد ما تمتلكوها تبئوا مهملين فيها اوي ولما تجي تبعد عنكم يباه بتفوئوا بسعتها الي بستغربه اكتر انكم بتفضلوا ورها لغايت ما ترجعلكم بس لما ترجعلكم وتديكم فرصه تانيا مش بتعرفوا ايمتها وبتغلطوا نفس الغلط لحظت الحاجه دي اوي بئغلبيت الرجاله الي بالمجتمع العربي خصوصا هههههههههه كلمات جميله طبعا الموضوع عجبتني موت وطريقت كتاباتك جميله تسلم ايدك على المدونه الجميله جداااا
تقبل مروري

نوادر said...

الزيارة الاولى ليا بس فعلا كانت زيارة موفقة القصيدة جميلة اوى واتمنى ليك التوفيق وانكوا تاخدوا فرصة تانية وبالتوفيق

مدينـة من النسـاء said...

كتير مش بنحس قيمة اللي معانا غير لما يبعد عننا
مش عيب نعترف بالغلط ونطلب فرصه تانيه
أكبر إثبات انه يرضى ويسامحك
وفرصه ليك انك تعوض اللي كنت هاتضيعه من ايديك

جميله أوي معناها ...

لو عرفوه هيحبوه said...

السلام عليكم ورحمه الله وبركاته

اسال الله ان يوفقك لكل ما يحبه ويرضاه

نتمنى زيارتكم لحمله لو عرفوه هيحبوه لنصره النبى صلى الله عليه وسلم فهذا اقل واجب يمكن ان ننصر به نبينا صلى الله عليه وسلم

نسعد بتواجدكم

صدى الصمت - عاشقة الورد - said...

جميلة قوى بجد وعنوانها كمان مختلف
تحياتى

marmar said...

الله الله الله عليك يا روميوووو انت
يا بختها بيك بس مش هيا بس اللي حنينه لانك منبع الحنان كلووو


كلمااااتك حلووووة يا روميو يا سكروووز

gogo!sf said...

ايه يا احمد انت هتفضل تتحايل عليها كده كتير .... خلاص هى حرة مش عايزة تلبس دبلتك براحتها؟؟؟

طبعا انا عارفه ان الحب يعمل اكتر من كده ولو وصلنا الامر الى ان ننحنى ونخضع للاوامر فعلينا فعل ذالك

بتعجبنى طريقه كتاباتك جدا جدا لانها
احياناً بتكون من واقع الحياة

تسلم يا احمد

سمكه واحده said...

لا اصبر فين
ياعم انت في طريق وانا في طريق
لالا ياما سكت واتحملت
واقول يابت اسكتي يابت اتحملي يابت اصبري
يمكن حاله ينصلح
انما لحد كده لاااااااااا
كله الا كده

انا قلتها كلمه وكل شئ قسمه وادي قسمتي وياااااك
تبقي انت بايعني ومش عارفه ايه وليا حق معاك تيرارار وكفايه معرفش ايه
ياعبد الواهاب ياحلو انت
الله يرحمه بقي
سلام ياعم انت بقي

سمكه واحده said...

بعدين انتوا كده ياراجاله تغلطوا وبعد كده ترجعوا تندموا
مفيش فايده فيكوا ابدا

بنت مصريه said...

طول عمرك يا رومانسى ليك عالمك الخاص
وفقت فى اختيار اسم المدونه (رومانسى ) بجد اسم على مسمى
شعر هايل يا بخت اللى يتقالها الكلام ده

Aиgel said...


رومنسي
يسكنني عجز
ويعتصرني
فذات النبض لم تدركه
أحرفي
فمازلت اتجرع نقاء
الأبجديه
فَ إنحناءة أتضرع بها
تبجيلاً لك

أبدعت وأكثر

Angel love


Tamer Moghazy said...

مممممممم..
ايه الرومانسية دي كلها..؟

romansy said...

سوسو الاموره
اهلا سوسو
اوقات كتير مش بيكون فى ايدينا بتكون حاجات انفرضت علينا
او ساعات الواحد بيكون نفسه او فى دماغه انه يعمل حاجات كتير قوى قوى
ولما يفشل فى تحقيقها بيحس ان كل حاجه منه ضاعت

تحياتى

romansy said...

رابطة هويتي اسلامية

شكرا على الدعوه الجميله

romansy said...

نوادر
اهلا نوادر
منوره مدونتى
ويارب تكون عجبتك اتمنى دايما زيارتك ليا
تحياتى

romansy said...

مدينـة من النسـاء
اهلا بيكى
ادينا بنعمل اللى علينا
طالما النيه خير خلاص
يبقى ربنا معانا بقى

بكرك على زيارتك الجميله

romansy said...

لو عرفوه هيحبوه

الللهم اااااامين


يا رب العالمين

romansy said...

صدى الصمت - عاشقة الورد -
اهلا بيكى يا استاذه
بشكرك جدا جدا
ادينا بنحاول
نلاقى اللى ناقصنا فى الدنيا

romansy said...

marmar
انتى يا ريمووووووو
لو تبطلى بس قر الامور هتمشى كويس
بس بقى اقولك ان الموضوع دا مش يخصنى دا يخص صديق ليا

romansy said...

gogo!sf
ايزيك يا جوجو
تعرفى
انه الولد بيحبها قوى قوى
ومصدقانها تفكر ترجع ليه تانى وهى بتحبه برضه بس مش عارف فيه ايه بقى

romansy said...

سمكه واحده

اهلا ميكووووووووووووووووو

عارفه لو قرت كلامك دا والموضوع باظ

هاجى اخليكى شادر سمك
هههههههههههههههههه

romansy said...

سمكه واحده
بقى احنا برضه يا ميكووووووو
ماشى

romansy said...

بنت مصريه
اهلا يا بنوته اخبارك ايه
ربنا يخليكى يا رحابيه انتى
اهو ادينا بنحاول نوصل الفكره بس
على ادنا يعنى

romansy said...

Angel

ايه الكلام الكبير دا
انا مش اده

بشكرك جدا جدا يا ملاك واتمنى ان شاء الله ان كل انسان ينول اللى عاوزه

romansy said...

Timo..

تيمووو
منورنى

المدونه نورت
يا سيدى واتمنى انها تعجبك دايما
شكرا على زيارتك


تحياتى