Thursday, May 28, 2009

حـب وحـنية


لية دايما افكر فيك
وانت مابتفكر فية
لية دايما احس عينيك

انها مش سئلة علية
لية دايما احس كلامك
وبدوب ف كلام الهمس
وعيونى دى حسا بك
وعيونك مش بتحس
دا اللى ف عينيك
يا حبيبى

كلة حب وحنية
لية دايما افكر فيك

وانت مابتفكر فية
شغلانى عنينك وجمالها
ولا حد ف دنيتنا بحالها
يستاهل منك رمش
دا اللى انت عنيك بتقولة
انا برضة عنية تقولة
وياريتك ماتفكرش
دا اللى ف عنيك ياحبيبى

كلة حب وحنية

118 comments:

فتاه حالمه said...

احجز اول تعليق بقي
لولولولولولي

فتاه حالمه said...

هييييييييييييييييه اخيرا
انا اول تعليق والتاني

فتاه حالمه said...

والتالت فوز ساحق لفتاه حالمه
هيييييييييييييييييييه

فتاه حالمه said...

ايه ده دي المدونه مهجورة
هيييييييييييييييييييييييييييه

فتاه حالمه said...

كفايه احتلال بقي ونتكلم بقي
ولا اقولك بلاش نتمم الخمسه الاول

فتاه حالمه said...

ممممممممممممممم يا تري اكمل احتلال ولا لا
بلاش خليني طيبه
بس انا مش طيبه انا شريرة

فتاه حالمه said...

لو حبيبك مش حاسس بيك يبقي اذاي يعنه كلها حب وحنيه
وبعدين كل الحب ده وهي مش شيفاه
يمكن لابسه نضاره شمس ولا حاجه
ههههههههههههههههههههه
مش تزعل انا بهرج
بس بجد اكيد باذن الله هتحسك وربنا يكرمك بالخير
عموما ربنا يحنن قلبها عليك يا رومنسي
ويكرمك بكل الخير باذن الله

(Joudy) said...

جميل جدا أن ترى ما فى عين حبيبك من حب وحنية فقلبك أدرك حقا ما بداخل ذلك القلب وما يخفيه فى جنباته وكثيرا ما تجد ممن تحب قلة السؤال ولكنك لا ترى أنه يسأل كل من يعرفونك عنك يسأل القمر عن حالك وسهرك يسأل عيناك عن سهادها يسأل يداك عن ارتجافاتها فإنه يعف كل خبر من أخبارك ممن هم أقرب إليك وأكثر من ذلك فإنه يسأل قلبه عنك قلبه الذى ينبض باسم حبك قلبك الذى ينبض بداخله وقلبه الذى ينبض بداخلك ...........

كالعادة وكما عودتنا برومانسيتك وحسك المرهف

دمت بكل خير ورومانسية

ماء تشرين said...

جميل الحب
في كل احواله
وحالته

تقبل مرورى

الفراشة الصغيرة said...

دا اللى ف عنيك ياحبيبى

كله حب وحنيه

حنيه مين والناس نايمين

هى بس تلاقى نظرها ضعيف حبتين

وانصحها تجيب نظارة

ههههههههههههههه
لا لا بهزر يا رومنس

الشعب لابد له من حكومه تشكمه said...

انا هرد باه المرادى وعلى فكره انا متابعه البلوج بتاعك ودايما اجيب صفحه الكومنت بس للاسف مش بلاقى اى تعليق اقوله ..لانى مبقتش بحس الكلام ده فى الزمن اللى احنا فيه..
بس انا قررت انهاردا انى اقولك ان بجد كلامك جميل حتى ولو مصدقتش او امنت بوجوده فى زمنا ده بس دا ميمنعش ان احساسنا بكلامك بيخلينا ندخل فى دنيا جميله نتمنى وجودها..:)

Anonymous said...

وحياة قلبك الصافي
وحياة حضنك الدافئ
عمري ما اكون غير ليكي
دانا ساكن جوه عنيكي
ومهما بعدت وتهت وغبت
ماليش ونيس غيرك يا حبيبي
ومهما قسيت ومهما نسيت
فضحاني عنياوروحي بشوقي ليكي

اهو حاولت محاوله فاشله انني ارد علي كلامك الجميل

بجد تسلم ايديك :)

♥نبع الغرام♥♪≈ said...

السلام عليكم
رومنسى




هايل هايل


الله على الحب وسنينه

جميل ما كتبت
احيك من كل قلبى



انوسه

تحياتى

mira said...

كلامك دليل على الحب والاحساس بمحبوبتك وفهمك لنظرات عينيها واللى عايزين يقولوه ..بس هيا بتتقل عليك شوية
تحياتى

لحظة تأمل said...

احببتها حقا

سلمت يداك

منــار فايد said...

مساء الخير يااحمد
يارب تكون كويس وكله تمام
رائع كالعاده
اصعب حاجه لما انت تحاول كام مره توصلها مشاعرك في وقت هي فيه ولا هنا وكانها مش عايشه في الدنيا


شكراااا
منارفايد

وردة said...

رومنسي ازيك
اخبارك ايه
مرسي علي سؤالك عني ربنا يكرمك
بس ايه الكلام الجميل ده
يابختها بيك
ماشاء الله
الكلام حلو اووي
وان شاء الله احساسك الجميل ه يوصلها
وتكون بتحبك جدا كمان
ربنا يوفقك
سلام

marmar said...

قلها بقى الكلمتين دول يا ابو حميد وشوف هيحصلها ايه
هطب منك وتقولك على اللي في قلبها شفت بقى طلعت بتبحك ازاي وعنيك شغلاها بجمالهم وسحراها
ربنا يباركلكم وتفضل تطب كده على طول :p

سامحني الفتره الجيا هبقى بمتحن ومش هعرف ادخل كتير :(
ادعولي

فراشة said...

يا عينى على الحب والحنيه

مش ممكن يشوف فى عنيك كل الحب والحنيه ديه
ومايكنش حاسس بيهم
بس يمكن تقلان شويه

جميلة كلماتك يارومنسى

Anonymous said...

لية دايما افكر فيك
وانت مابتفكر فية

جميلة جدا

والشعور دي متعب لما تكون بتفكر بشخص وتحس انه مش يفكر فيك

بس اعتقد انه بيفكر فيك بس من كترة حبك ليه بيبان العكس :)

اسلوبك رقيق ورائع جدا

تسلم ايدك

كيكى عوووووو said...

دى فتاه عاملة احتلال!!!
برافو عليها والله انا اشجع اللعبة الحلوة
***

لية دايما افكر فيك
وانت مابتفكر فية
لية دايما احس عينيك
انها مش سئلة علية
****
ياسلام على الكلمتان دول
اخ
عووووو

yoyo said...

يا قلب قلبى و حب عمرى كله
ازاى ممكن افكر غير فيك ؟؟
ازاى عيونى مش تشوف غيرك انت ؟؟
طيب ازاى وانا قلبى وعمرى وكلى ملك ايديك ؟!!
ازاى وحياتى على ايدك بدأت
منك اتعلمت ازاى العين تعشق
ازى بحب و الحنية املك الدنيا
ايوه هاملك الدنيا لحظة ما اكون بين ايدك وعينى فى عينيك

yoyo said...

صباحك سكر

تسلم ايدك والله يا أحمد
بس هو احيانا اللى بيحب بيكون حابب انه يحس بحبه حبيبه اكتر وبشكل أشمل
دوما المحب طامع الى ماهو اكثر

دمت مبدعا يا ملك الرومانسية
تحياتى
يويو

Unknown said...

تسلم ايدك ع الكلمات الرائعه
ولو كنت بتحب وهي مش حاسه بيك
نصيحه مني تصارحها.....


,,

اسماء واحلام فى وجدانى said...

بصراحة التعليق رقم خمسة وعشرين لبنى


ادم غلبان زيى ده اسمه انجاز

Unknown said...

انا قلت لك قبل كده
اللى يطنشك طنشه
سيبه ودور على
غيره يعرف قيمتك
لكن انت بقى عامل
زى القط اللى بيحب خّناقه

Unknown said...

كلامكــــــــــــ
حلو يارومنســـــــى
از يووووووووووووجول:)

wafaa said...

جميلة كلماتك فى حبها وعتابها وهمسها

صوت من مصر said...

حب وحنيه وشويه ميه
عموما تسلم ايدك

romansy said...

فتاه حالمه
ايه دا بقى

احتلال

romansy said...

فتاه حالمه
لا بقى دى تانى مره
مع انى مامن المدونه

romansy said...

فتاه حالمه

فوز ساحق ايه بس


مبروك يا اميره

romansy said...

فتاه حالمه

تقريبا كده مفيش حد
كله خاف منك

romansy said...

فتاه حالمه

خمسه وخمسيه ولا ايه

romansy said...

فتاه حالمه


طيبه ومش شريره
ايه بس

اومال ايه اللى عملاه ف المدونه
يا طيبه

romansy said...

فتاه حالمه

لا بقى لا بقى

مش لا بسه نظاره بس تصدقى عيونها جميله قوى وبحس بيها مع انها اوقات بتتعبنى معاها

romansy said...

(Joudy)

اهلا بيكى

جميل قوى اننا نلاقى الحب فى عيون اللى بنحبهم والاجمل اننا نفهمهم برضه بالرغم ان فيه شويه صعوبات بس المهم ان العيون تتلاقلى

romansy said...

ماء تشرين

اهلا اهلا

الحب جميل

بالرغم من القسوه احيانا

romansy said...

الفراشة الصغيرة

ماشى يا فراشه
هخليها تجيب ميكرسكوب بقى

والناس صايحه وزى الفل اهو

romansy said...

الشعب لابد له من حكومه تشكمه
زيارتك ليه شرف كبير

احنا محتاجين اننا نحب فى اى وقت

وفى كل وقت علشان نعيش

romansy said...

hager za3bal
لا بقى يا هاجر
يا قمر
انتى بكده بقى
وبكلامك اجميل دا
تستاهلى امتياز

اكيد متوفقه كدا فى الدراسه


منورانى يا هاجر

romansy said...

عاشقة الأحزان

اهلا ايناس
هنعمل ايه بس فى دنيتا اللى محيرتنا والحب اللة محيرنا دا

نحب بقى

romansy said...

mira
اهلا بيكى
اتمنى انها تكون بتحسنى قوى وتخاف عليه قوى كده


زى ما بحبها

romansy said...

لحظة تأمل

اهلا يا امل

ايه اخبارك

اى نعم

romansy said...

شباك موارب
اهلا بيكى
انا الحمد لله بخير
بس نعمل ايه فى قلوبنا اللى حبت وعاشت واتهنت وتتمنى احساس جميل تعيشه برغم القسوه

romansy said...

وردة
اهلا بيكى يا ورده
نورتى المدونه
الحمد لله انك بخير وبسلام
طبعا كلامك انتى اللى اجمل
وانا يدوب لسه على قدى

romansy said...

marmar

اهلا ريمو


اخبارك ايه
عاوزك ترجعلنا بالشهاده الكبيره

لو قولتها الكلام دا هتحس بايه بقى

ربنا يوفقك يا ريمو

romansy said...

فراشة
اهلا فراشه

ممكن تكون عاوزه تسمع كلام اكتر

ممكن

romansy said...

ঔღঔ نـــوارة ঔღঔ

نوراه الجمال

نورتى المدونه
ممكن بس برضه احساس بالحب عمره ما بيدارى وبيبان

فى العيون

romansy said...

كيكى
شوفتى بقى اللى حصل انتى معاها ولا ايه

ابعد احسن بقى


بس بعد ما اشكرك على زيارتك


سلام

romansy said...

yoyo
مهما تبعدنا الليالى برضه بحبك
مهما كان بينا
هتلاقينى جوه قلبك
قلب يتمنى حنانك
يتمنا يبقى جنبك

romansy said...

yoyo
اهلا يويو
اخبارك ايه
اللى بييحب دايما مش بيشوف غير مميزات حبيبه بس

romansy said...

شريـــــــــف

اهلا بيك
منور المدونه
واتمنى تكون المدونه عجبتك


تحياتى

romansy said...

اسماء واحلام فى وجدانى
ليه بس يا احمد كده
انت تشرف
وتنور فى اى وقت

romansy said...

norahaty

اعمل بقى ايه فى قلبى يا دكتوره

لو تعمليلى عمليه انا موافق افصله شويه يرتاح
يبقى كده تمام قوى

romansy said...

norahaty

شكرا يا دكتوره جدا على ذوقك

بس اوعى تنسى
الحب بهدله

romansy said...

wafaa
اهلا وفاء اخبارك ايه

مبروك المعرض واتمنى مزيد من التوفيق

romansy said...

صوت من مصر
اهلا محمد
شويه
الميه
شريان الحياه

نورتينى يا

كيمو

blue-wave said...

حلو الكلام

kimo said...

ايه الحنان ده كله
اوعي يكون خنان الام
هههههههههههههه
كلمات رقيقه وناعمه
بس في حد اليومين دول
يستاهل الكلام ده
اشك
تمنياتي لك بالتوفيق

kimo said...

ايه الحنان ده كله
اوعي يكون خنان الام
هههههههههههههه
كلمات رقيقه وناعمه
بس في حد اليومين دول
يستاهل الكلام ده
اشك
تمنياتي لك بالتوفيق

may said...

السلام عليكم

رومنسى غيابى ليس لعدم حضورى

ولكن لا اجد ما اضيف امام الكم الهائل من المشاعر

التى نفتقدها فى هذا الزمان

دمت مبدع

وانا هنا وبعون الله لن اغيب

ميووش

Kiara said...

اللي فاتت كان احساسها احلي

ودي محتاجه تظبيط في الاوزان

فيها كلام موش راكب

لكن كمضمون تحفه طبعااااااااا

طـائر الليــل الحـزين said...

رومانسى
كلامك جميل بس حسة فيه تناقض غريب
الغريب فيه فى مشاعرك انت مش فى مشاعر حبيبتك
عشان كده ممكن يكون فى خلل فى وزن الكلام
بس انا شايفة انه كلام جميل
بس مشاعرك ممكن تكون محتاجة ترتيب داخلى منك مش اكتر
تحياااااااااااااتى ايها العاشق
وكم من قصة حب
اهدرنا فيها سنين العمر

moory-mero said...

السلام عليكم و رحمة الله و بركاته

الله الله الله
بجد احساسك فوق الرائع حلو كتييييييييير
تسلم يا رومانسي وربنا يوفقك يارب

في رعاية الله

ميرا ( وومن ) said...

رومانسي
ازيك عامل ايه بقالك كتير مش بتزورنا قولت ازورك انا

بس ايه الجمال والحلاوة دي طب ممكن استلفها علشان هي لايقة علي حد اعرفة
هه ممكن ؟

شمس النهار said...

كلامك جميل يا رومنسي

جميل جدا

mimi said...

مليون مرة أقول للمرة الخمسين

بطلوا تنشروا بوستات بتعليقاتها .. كده تزوير وهبلغ عنكم اونكل بوجر

اما بقي بالنوسبة لهذا البوست أيها هذا الومانصي ..

أنه بوستون جامدن ... ملئ بالكلمات العسولة ....

وتحس كده أنه فيه واحدة مش بتعنبر حبيبها ...طب ليييييييه

حد لاقي؟؟؟؟

مش عارفة بنات أخر زمن

اوفيدرزين

"سلام بالألماني معلش أصلي باخد كورس جديد واحب امارس اللغة أنت فاهم "

Soul.o0o.Whisper said...

السلام عليكم و رحمة الله و بركاته

بص
لو فعلا مش حساك

يبئا بلاش تعذب نفسك بالتفكير

.............

بس البوست جميل

و كلماته حلوة



دمت بود

romansy said...

blue-wave
اهلا يا دكتور
اخبارك ايه
اتمنة تكون بخير

وتنورنى بزياتك الجميله على طول

romansy said...

kimo
اهلا كيمو
شو اخبارك الحمد لله انك كويس
خوفت حد يعمل فيك جاجه
ياريته يبقى حنان الاوم
كنا ارتحنا وريحنا

romansy said...

kimo

خد بالك من نفسكك يا كيمو

وابقى بلغنى لو فيه حاجه

romansy said...

may
اهلا بيكى يا مى اخبارك ايه
انتى عارفه كويس ان المدونه مدونتك
وانا كمان عارف انك انسانه حساسه ورقيقه
بشكرك على زيارتك يا مى

romansy said...

كيــــــــــــارا
اهلا كيارا
ايوه كه بقى
انا بحب اللى يقولى الصراحه
الكلام اللى مش راكب مكن يكون احساسى دلوقتى
لخبطه كده
احتارت المشاعر فى الوصف

romansy said...

طـــائر الليــــل الحـــــزين
اهلا بدنيا الحب
انا برضه حاسس بكده
بس احب اقولك يا دنيا انها بالرغم من انها مش بتفكر
ودا اعتقادى الا انى حاسس بحب كبير ليه وحاسس انها تقدر تدى حب كبير
وحنيه اكبر
بس الاوزان هبقى اخد بالى منها

romansy said...

mero-moory
يااااااااااااااه


طولتى الغيبه علينا

نورتى الدنيا بحالها

بشكرك على تعليقك وكلامك الجميل

تحياتى

romansy said...

وومن
اهلا اهلا اهلا
بيكى
حمد الله على سلامتك نورتى المدونه
الحممد لله انك بخير واتمنى انك تلاقى حل لمشاكلك
انا مش باجى عندك علشان انتى كنتى فى امتحانات وغير كده بقالك كتير مش بكتبى بوستات
الحمد لله انك بخير

romansy said...

شمس النهار
اهلا يا شموسه اخبارك ايه
بشكرك يا شموسه على انك دايما بتشجعينى
وبتدينى امل واحساس من جديد

romansy said...

mimi
بقى كده يا ميمى
طيب
ايوه يا ستى بنات اخر زمن على رايك
بس مش بتعبره قوى يعنى دا بيحبها وهيه بتحبه وبالرغم ان فيه شويه مشاكل
بس يلا
كله يهون

romansy said...

Soul.o0o.Whisper
اهلا يا دكتوره
احترت يا دكتوره معاها احترت اديلها حب بحس اوقات كده انها مش مقتنعه واوقات كتير بحس انها قريبه منى
محيرانى دايما

ريمان said...

كلمات بسيطه لكن بتحمل معانى كتير ه اوى



تحياتى ليك ولقلمك

سمكه واحده said...

ياعيني علي الحنيه والحاجات الحلوه ديه
ياسيدي ياسيدي

انا اقلك
البطل يروح ماسك البطله من شعرها كده ولافف شعرها علي ايده وقايلها زي اللمبي كده
جري يابت انتي مفيش حد مالي عينك والا ايه متكلميها ياما

اخبارك ايه يا رومانسي هه اخبارك يعني
فينك وكده
تحياتي

رحلتنا في الحياة said...

غريب احساس الحب والحنية واللى بيقابل بجفاء غريب من الطرف التانى ياما فى الحب التناقض
تسلم ايديك كلمات جميلة

ميرا ( وومن ) said...

ميرسي يا رومانسي بس انت مقولتليش استلف القصيدة ولا لاء

وحي القلم said...

السلام عليكم
بجد تدوينتك رائعة جدا
احساس عاااااااااااااااالي
ربنا يديم ابداعك
تقبل مروري

همس الاحساس said...

والله كويس انه فيه احساس ومشاعر لسه بعالمنا
بجد اسلوبك حلو اوى خلانى اعيش كل كلمة بتقولها
بجد اكثر من رائع

جارة القمر said...

للرومانسية والحب


سحر يأخذنا الى هناك حيث اللا مكان


رائع ماكتبت


استمر


احترامي

زى الهوا said...

جميل واجمل مافيه العنوان

وبعدين انا اسمى زى الهوااااااااااا مش الهوىىىىىىى


بدال ما اقولك يارومانساااااااا
بدال يارومانسىىىىى


((وش منتصر ))

Adam said...

الله عليك في مشاعرك الجميله
ولكن الكلمات تنقصها شيء من التظبيط
تحياتي

طبعا احساس رائع

ادم

جوجو said...

السلام عليكم

جميل اوى ورقيق جدا

تحياتى

romansy said...

ريمان
اهلا بالملائكيه
الريمانيه
بشكرك جدا على تعليقك
واتمنى اننا نلاقى الحب اللى بندور عليه

romansy said...

سمكه واحده
يا نهار ابيض على المشهد الرومانسى دا
خليتى دموعى تنزل يا سمكمك
انا كويس الحمد لله
وبعد اللى المشهد دا
بقيت كويس اكتر

romansy said...

ايوشة
احساس غريب فعلا يا ايوشه
بتضايق قوى لما تدى حب وفجاه يترد الاحساس بالقسوه
بالرغم ان الحنيه احيانا بتكون موجوده

romansy said...

وومن
ميرسى بس على ايه
مفيش ميرسات بين الاخوات
وطبعا المدونه تحت امرك
استلفى اللى حضرتك عاوزاه

romansy said...

مصعب صلاح
اهلا بيك يا مصعب
اخبارك ايه
بشكرك جدا جدا
على تعليقك واتمنى انك دايما تزورنى وتقولى رايك


تحياتى

romansy said...

همس الاحساس
اهلا بيكى يا همس
الحب والاحساس بيه موجود فى عالمنا وهيفضل موجود
شكرا على كلامك الرقيق

واتمنى زيارتك باستمرار

romansy said...

جارة القمر
اهلابجاره القمر
للحب اشياء تسعدنا وتاخذنا معه فى عالم نتمناه جميعا

romansy said...

زى الهوا
لا بقى
هى زى الهوىىىىىىىىىىىىىىىىىىىىىىى
وانا منوفى وقفلت معايا
زى الهوى ىىىىىىىىىىىىىى

عبد الحليم قالها كده

ماسك الهوىىىىىىىىىىىىىىىى
بايديه
زى الهوىىىىىىىىىىىىىى

هه بقى

سلام

romansy said...

Adam
بشكرك يا ادم على زيارتك
وكلاماتك اللى بعتز بيه

واتمنى زيارتك ليه

romansy said...

جوجو
اهلا جوجو

بشكرك جدا
خلصتى امتحانات بقى
عاوزين كل يوم بوست

وردشان smilyrose said...

السلام عليكم

كم اوحشتنى كلماتك

كم تقوينى مشاعرك اخى الغالى

جميل احساسك وحبك

مرهف قلبك رقيق بمشاعره

نادر حب قلبك فى زمن فقد معنى الحب الصادق

ولكن هانت تقول ان الصدق موجود

والحب موجود مهما كان

اختك

وردشان

smilyrose

روح الحب الصادق

Rehab said...

تسلم علي تعليقك
وبجد انت كمان كلامك حلو جدا...
بتمني تقرا القصة الجديدة وتقولي ايه رايك

salwa said...

السلام عليكم
كما قالت كوكب الشرق
بفكر في يللي ناسيني
ادراج فيه صدق و شفافية
سلام

Rehab said...

أشكرك علي تعليقك
وبتمني تكون القصة عجبتك...

وعلي فكرة القصة لما بيكون فيها ماساه ساعت كتير بتدي قوية
يارب فعلا تكون عجبتك

mahasen saber said...

هقولك للمره المليون
مفكرتش تكتب اغانى

اشعارك تجنن تجنن صدقنى هتنجح قوى قوى فى المجال ده
لو يهمك يعنى المجال ده

طوبه فضه وطوبه دهب said...

الله الله جميل كالعاده يا استاذ الرومانسيه ومتاخره عليك كالعاده برضو بس لن اتنازل عن انى الحق اعلق حتى لو اتاخرت او انشغلت تسلم ايدك بجد

mahasen saber said...

ويشكرك يا دسوقى جامد بس النت مامهلنيش اكل كلامى

بشكرك من قلبى على الكلام الطيب الييى قولتهولى فى مدونتى

الف شكر واكتر يا دسوقى يا اخويا الكريم

انتا طيب وعسوله ومجامل
جاملتنى واسعدتنى ربنا يسعد ايامك

romansy said...

smilyrose

السلام عليكم يا سمايلى
اخبارك ايه
بقالك كتيرغايبه عننا
يارب تكونى بخير
القلوب اللى بتحب كتير يا سمايلى
وموجوده معانا
القلوب مش بتقرب الا لما تحس بالحب الحقيقى

romansy said...

Rehab
بشكرك يا استاذه
انا فعلا قريت القصه وعجبتنى جدا

بشكرك جدا

romansy said...

salwa
اهلا بالاستاذه سلوى
بشكرك جدا بس الاغنيه دى غناها عبد الوهاب
مش كوكب الشرق

romansy said...

Rehab
اهلا بيكى يا استاذه
القصه عجبتنى فعلا
سردها جميل
وفيه حاجات كتير بتحصل دلوقتى
نتمنى انها مش تحصل فى عالمنا
الماساه اللى فى النهايه
جزء كبير من الواقع اللى بنعيشه

romansy said...

mahasen saber
اهلا بيكى يا استاه محاسن
اخبارك ايه
ايوه كده
عاوزك تفرحى وتخلى الدنيا جميله

romansy said...

طوبة ذهب وطوبة فضة
اهلا بيكى يا دهب اخبارك ايه
الله يكون فى العون
يا دهب
انا بكون سعيد بزيارتك
بس احب اقولك سلسه زمن ماتت فيه الرومانسيه
انا مش معاكى فيها الرومانيسه موجوده فى الدنيا
بس ممكن تكون فى اوقات يعنى الشغا بيكون زياده شويه وضغط الحياه
وانتى عارفه بقى

romansy said...

mahasen saber
يا نهار ابيض يا استاذه
دا حقك او حتى جزء من حقك انا مش مجامل لان اكيد اللى انا شايفه ناس كتير شايفاه
اتمنى السعاده تبقى كل حياتك يا استاذه

سلوى said...

حلوة أوى
بس على رأي كاظم
منين أجيب إحساس للي ما بيحس :)

صعب تحس بإنسان وهو ولا هنا

فراشة said...

يا جماعة مدوناتنا كلنا مسروقة
واحنا قاعدين مش حاسين بحاجه
لازم يكون لينا موقف
بصراحه صديقتنا طفلة صاحبة مدونة
احساس طفلة محبة للرومانسية بس عاطفية
هى اللى نبهتنى لده
بشكرها جدا
كلنا نعمل اى حاجه ونبلغ بعض

romansy said...

سلوى
اهلا بيكى يا استاذه سلوى

انتى بتحبى كاظم
فعلا منين اجيب احساس
بس انا حاسس انه عيونه مليانه حب وحنيه
بس

اتمنى تكونى بخير دايما

romansy said...

فراشة
عندك حق يا فراشه
بس ياريت يكون فيه شئ نقدر نعمله
ومين اللى يقدر ياخد كلمه مش من حقه
بس
وليه
ياريت نبلغ بعض ونكلم الشخص اللى خد حاجه مش من حقه