Saturday, October 25, 2008

تــــاج ســــبعاوى ايـــماوى تــيارى

اولا التاج دا وصلى من ايمى
ومن ضد التيار
وانا اتاخرت كتير عليكى يا ايمى
وشكرا ليكى يا ضد انك اهتديتى ليه التاج
بس كل حاجه فى ميعادها
نبدا بقى

أذكـــــــــر ستة أسرار قد لا يكتشفها من يقابلك لأول مره
انا مش عارف ولا حاجه من السته اشياء بس كل اللى انا عارفه ودا اللى بيقولوا عليه اصداقائى
اوقات كتير بتكون طيب بس لما تضايق بتبقى شرير قوى
وكمان زى ما بيقولوا اتقى شر الحليم اذا غضب
بس انا فعلا اللى بيضايقنى ان اشوف مظلوم مش واخد حقه ودا بيضايقنى اكتر فى مجال شغلى
لما احس ان فيه حد انظلم

سبع حاجات نفسك تعملهم
دول بقى مش سبع حاجات بس دول كتير قوى
من ايام طفولتى
اولا من زمان قوى وانا لسه طفل كنت بحلم اكون دكتور
ايوه دكتور لان المهنه دى جميله قوى بس للى بيحبها ومهتم بيهاممكن تبذل شويه مجهود تقدر تعالج انسان محتاج ويدعيلك وكمان الناس
كلها بتحبك لانك انسان مخلص فى عملك
وكمان يا بختك بقى لما تشوف مولود بيتولد قدامك بتحس ان فيه لحظه شروق جديده
تملى الكون كله سعاده ودى بتبتدى لما تشوف سعاده امه وابوه
ثانيا فى مرحله المراهقه ما اكدبش عليكوا كنت بحب وانا فى تلته اعداى
وكانت دى بدايه انى اكتب شعر صحيح كان كلام خفيف كله
بس الصراحه انا كنت حاسه وكنت ببقى سعيد قوى وانا جنب حبيبتى
هى كانت زميلتى فى المدرسه اصل المدرسه كانت مشتركه
ثالثا اما بقى فى مرحله الشباب انا نفسى اكون نفسى نفسى احقق ذاتى
نفسى اجتهد مع ربنا قوى ونفسى اجتهد فى شغلى ونفسى اكمل مملكتى بنفسى
وكمان الاقى الاميره اللى تكون ملكه فيها

سبع حاجات معرفتش تعملهم
دول بقى مش سبع حاجات بس دول برضه كتير قوى
معرفتش اكون منافق ولا كداب فى العالم اللى فيه المنافق هو اللى بيوصل لاعلى الدرجات فى الدنيا
ودا لانه بيتكلم اكتر ما بيشتغل مش عارف دى عيب ولا ميزه
وكمان معرفتش اكون دكتور
وكمان معرفتش اكون غير احمد بس

سبع حاجات دايما بتقولهم
والله
حسبى الله ونعم الوكيل
توكلت على الله
اهلا
يانهار ابيض
خليك هادى
ركز فى شغلك

سبع مشكلات فى حياتك ممكن تحلهم بالفلوس
ممكن الفلوس تحل مشاكل كتير الا انها ترضى صاحبها

سبع أماكن بتحبها
بلدى
واسكندريه
والقاهره فى ساعه الفجر
وسريرى
والمكان اللى بحبه اكتر هو خيالى

سبع أشخاص بحبهم غير بابا وماما واخواتى
زمايلى فى الشغل
جيرانى
وكل اللى بيحبنى
انا بحبه

سبع حاجات بتحبهم قوى
القلم
الورقه
الكمبيوتر
الشغل
النوم
العصافير

سبع مدونات بتحب تقرالهم
فى دى بقى هما ناس كتير
كل اللى بعلق عنده بحس بكلامه
وبالذات مدونه تامر الحسينى

اهدى التاج لمين بقى؟
بصراحه انا مش بهديه لحد معين
بس فيه اشخاص نفسى اديلهم التاج
بس لاسف مش بيحبوا التاج خالص
ورافضين الفكره دى وانا طبعا بحترم وجهه نظرهم

وكفايه اسئله بقى عاوز انااااااام
تصبحوا على خير

111 comments:

MISS\GH said...

حقيقى انا سعيده بانى اول تعليق على البوست الجميل ده شىء جميل ان قرائك فعلا يعرفوا ازاى بتكون شخصيتك وايه الى بتحبه وايه الى بترفض انه يكون فيك وايه الى بتحلم بيه وبتتمناه فى حياتك ....
من خلال قرائتى للبوست ده بحييك على تواضعك واحساسك الجميل وبتمنى لك علا حاجتين تجتهد اوى مع ربنا ونفسك وانك تلاقى الاميره الى تتوج مملكتك وتسعدك فى حياتك .مع خالص تحياتى

جوجو said...

السلام عليكم

اول مرة ابقى فى اعلق عندك تانى تعليق

يارب المرة الجاية يكون الاول ههههههه

حلو البوست اوى وعجبتنى جدا الجملة دى

معرفتش اكون منافق ولا كداب فى العالم اللى فيه المنافق هو اللى بيوصل لاعلى الدرجات فى الدنيا

تحياتى

Meme said...

يا نهار ابيض هههههههه لا انت طلعت متواضع و دمك خفيف
على فكره مهنة الطب برغم انها مهنه حلوه بس مسؤلية صعبه اسألني انا
انا دايما بسأل نفسي هو انا درست طب ليه؟؟؟ ماكنت درست اي حاجه تانيه كنت بدل البهدله بشرب قهوتي وراء مكتبي و مرتاحه

EMMY BABY said...

رومنسى

العنوان عجبنى اوى :))

نيجى بقى للتاج

احلامك بسيطة ربنا يحققهالك كلها ان شاء الله

الحاجات اللى بتحبها بتدل فعلا على هدوءك ورومانسيتك

لعلمك انك معرفتش تكون حد غير نفسك او انك تكون كداب او منافق هو ده الصح اصلا يعنى انت كدة تمام

الكلمات اللى بتقلها بتدل على تفاءلك

ربنا يوفقك

تحياتى

ايمى

ندا منير said...

هااااااااى
ايه التاج الجميل دا

انا طبعا مليش اى تعليق على التاج خالص
الا تعليق واحد بس
حاول تكون احمد وحاجات تانية
اتمنى تكون فاهمنى
وبالنسبة انك مش قادر تكون منافق او تكدب
فمش لازم تكون منافق بالمعنى بس ساعات بنضطر للكدب عشان نمشى مصالحنا
ومش عيب ان الواحد يدور على مصلحته المهم متكنش على حساب مصلحة غيره او على حساب كرامته
بس

عالم ماريونت said...

من اخف اجابات التاجات الي شفتها
بس لفت نظري اوي انك كنت عايز اوي تبقى دكتور
هي اسبابك رومانسية اوي بس للأسف تفتكر ان عندنا دلوقتي دكتور ده همه؟
ربنا معاك ويوفقك
رنا

مهرة سالم said...

السلام عليكم..
أخي أحمد...
كما عرفناك دوما رومانسي حتى باجاباتك...
ربنا يكرمك يارب بالملكه التي
تستحق أن تكون زوجة ملك رومنسي مثلك...
في حفظ الله..

yoyo said...

فى الاول أتمنى تتقبل اسفى انى مش كنت متابعة اخر بوستين لك بس انا بالفعل قريتهم وان شاء الله ليا تعليق معليش بقى حاجة كدا زى ما يكون باثر رجعى
اعمل ايه بقى الشغل والعيال وابو العيال هههههههه هاقطع نفسى خلاص بقى عديها اوك

تعالى بقى للبوست والله احلى مافى التاجات دى انها بتوضح شخصية الانسان بصورة كبيرة يعنى التاج عرفنى عنك حاجات حلوة اوى
بالنسبة للصفة اتقى شر الحليم اذا غضب تعرف والله ولما بتهدى بتحس انك جرحت الشخص اللى قدامك وممكن كمان تزعل من نفسك بس وقت الغضب بيكون صعب بتكون انسان تانى خالص زى العاصفة من بعد الهدوء

ربنا يسعدك يارب ويسعدك قلبك و تحقق كل احلامك وامالك وتلاقى اميرتك

المفروض تكون احمد ومش غير كدا جميل جدا ان الانسان يكون نفسه ويكون مقتنع بنفسه وكمان حبيبها


امممممم شكلك كدا استاذ نوم ههههههه من ضمن الاماكن اللى بتحبها السرير( جزيزة القطن هههه) وكمان بتحب النوم هو كل اللى اسمه احمد كدا ولا ايه

بس بجد والله يا احمد اجابات بسيطة ومن القلب وبتدل على انك انسان جميل وبالفعل رومنسى ربنا يحقق كل احلامك يارب

يالا عقبال المرة الجاية وكل تاج وانت بالف خير

تحياتى
يويو

mohamed ghalia said...

الله عليك يا رومنسى(
بجد إجاباتك رائعة تدل على شخصية أروع
ربنا يحققلك كل أحلامك
وبالتوفيق دايما
تقبل تحياتى أخى العزيز

"عبير النجار "نيجار said...

رومانسي
أولا بشكرك على وقوفك جنبي وربنا يعلم غلاوتك عندي
بس قولي إيه الاجابات الحلوه دي إنت طيب جدا واضح ده من إجاباتك بس عارف أحلي حاجه إنت قولتها عن اكتر الاماكن اللي بتحبها وقلت خيالك بجد انت رومانسي جدا والله احسن مكان فعلاً هو الخيال
ربنا يوفقك ويحققلك كل أحلامك

Sweet Violet said...

رومانسى التفاؤل

بجد انت احلامك بسيطه و جميله

اما الحاجات اللى ماعرفتش تعملها كويس انك ماعرفتش

ربنا يوفقك

Bosssssy said...

طول عمرى اسمع ان الناس بتحب فى مرحلة المراهقة ... هى مرحلة المراهقة دى ماجتش عندى ولا ايه ؟؟؟؟؟؟؟ هههههههه

اجابات جميلة .. بالتوفيق

بوووووووووووسي

Purplewaves said...

اجاباتك بسيطة وجميلة وربنا يحقق لك كل احلامك وتوصل للي انت عايزه ان شاء الله



تحياتي

princess said...

يعنى مش كفاية متاخر فى الرد وبتكتب وانت عايز تنام كمان هههههه
وبعدين ليه كل الاسئلة اجابتها بتبقى كلمتان لا حاجات كتيييييييير هههههه
عموما ربنا يحقق ليك كل اللى انت عايزه ان شاء الله
تحياتى

Tamer Alhosiny said...

اخي العزيز رومنسي

طبعا مكنش مفاجئة لية اني القي ان مدونتي اكتر مكان بتحب تزوره وتتابعه
عارف ليه لان مدونتك
انا مش بعتبرها مدونة لمدون
انا بعتبرها مدونة من مدوناتي وببقي سعيد لما بلاقيها ناجحة وموضوعتها جديدة

اما عن التاج
فاسمح لي
اني اجاوب علي اسئلته
من وجهة نظري فيك
-----------------------------------
أذكـــــــــر ستة أسرار قد لا يكتشفها من يقابلك لأول مره

من يقابل احمد لاول مرة يكتشفه بالكامل
لان احمد انسان شفاف جدا وطيب جدا جدا
بجد يا جماعة
طبعا بيبقي في اسرار في حياة الانسان
واحمد سر حياته سر كبير الاي يعرفه يقدره جدا ويحترمه
لانه بجد انسان تحمل الكثير في حياته
طبعا مش هقدر اقول اكثر من كدة


---------------------------------
سبع حاجات نفسك تعملهم

اكتر حجات احمد نفسه يعملهم

انه يكون اسرة سعيدة ويلاقي حب حقيقي
حب قوي مفعم بالحيوية والمشاعر
لانه زي الزهرة التي تقطر عطر
دائما تحتاج لحد محتاج بجد للعطر ده
علشان يستمتع بيه ويحس بقيمته

----------------------------------
سبع حاجات معرفتش تعملهم

هههههههههههههههههههههه
انا هقول نفس كلامه
احمد معرفش يبقي اي حد غيره
وده شيء كويس اذا كان المقابل ليه هو حجات كتير مش كويسة في حياتنا

------------------------------------

سبع حاجات دايما بتقولهم

هو قالهم كلهم بس نسي يقول واحدة دائما يقولهالي

يا حبيبي

----------------------------------

سبع أشخاص بحبهم غير بابا وماما واخواتى

طبعا احمد كان خبيث في الاجابة
ههههههههههههههههههه
اتمني ليك الحب يا صديقي واتمني
يكون الحب ده بمستوي جنونك


------------------------

اتمني يا احمد ليك السعادة
ويارب كل احلامك تحقق قريب
ويارب في سعادة دائما

تامر الحسيني

مؤمنه said...

السلام عليكم ورحمة الله وبركاته

رزقك الله حبه وحب من يحبه وحي عمل يقربك الى حبه

اكتر حاجه شدتنى فى الكلام
ان الفلوس بتعمل حاجات كتير الا انها ترضى صاحبها
فعلا حكمه اتعلمتها من حضرتك
ان حبناها كرهتنا وان كرهناها حبتنا

دومت بخير
والسلام عليكم ورحمة الله وبركاته

سندس وأمل said...

بجد بجد حضرتك تستحق التاج ده

ولا الإيجابات جميله أوى ماشاء الله

وأحلمك صغنطوطه وجميله أوى

بجد ربنا يحققهالك ...........أمين

"سندس"

حبيبه said...

ازيك يااحمد؟
اجاباتك حلوة اوي واحلامك جميلة وبجد باتمني انك تحققها كلها
وباتمني تلاقي اميرة مملكتك
وباتمني لك كل الخير
تحياتي لك

مجلة الأم الصغيرة said...

أحلى حاجة في أي تاج إنه بيعرفنا أكتر على صاحب المدونة !! شخصية رائعة , صريحة , متواضعة .. يا رب دايما

كـــيــــــــارا said...

يعني اعملك انا فيك ايه

اديك باجاباتك قلبت انتيمتي عليا

وقعدت تقولي

اشمعني هو قال تامر اللي بيحب يشوف مدونته

وانتي مش قلتي مدونتي

اعملك انا ايه بقي

عااااااااااااااااااااااااااااااا

طـائر الليــل الحـزين said...

رومانســــى
كيفك . وايه الاخبار
بالنسبة بقى للتاج اجاباتك حلوة ودمها خفيف . بس حسة انك مختصر شوية فى الاجابات . بصراحة احلى حاجة عاجبتنى الحاجات اللى كان نفسك فيها . بتعبر قد ايه انت حد نقى وطيب واحلامك جميلة وهايلة
تحيـــــاتى
ويارب تبنى المملكة وكمان تلقى الملكة

Foxology said...

:)

اجابات جميلة تنم عن شخصية رائعة تعجز الكلمات عن وصفها :)

Unknown said...

اجابات جميلة
ربنا يعينك ماشاء الله انت ممتاز فى الاجابة على الامتحانات هههههه
بس اجاباتك رائعه
تحياتى

Unknown said...

ربنا يحقق كل كل احلامك وامانيك
وتقدر تبقى اللى تحبة وتعمل اللى يرضى ربنا
تحياتى

سمكه واحده said...

ياراجل اتقي الله بتحب وانت في اعدادي هههههه

اجباتك جميله كمان احلامك جميله
رومانسي بقي نقول ايه
واحلي حاجه ان الانسان ميكونش منافق ولا كداب ويكون بطبعته
وربنا يكرمك بملكه بقي عسوله كده متكونش في اعداي ثانوي ماشي؟ ههههه
تحياتي
سمكه

نوسه وريمان فى هاكونا مطاطا said...

اللسام عليكم

كل تاج وانت طيب

واجابات جميله وصريحه بس انت يعنى مكروتها شويه

هههه

يلا بقى تصبح على خير

dina said...

هههههههههههههه
كان نفسك تكون دكتور ؟
ليه بس كده
تعال يوم واحد الكليه عندنا واكيد هتغير رايك
بس الحمد لله على كل حال ربنا اعلم مننا وكل واحد اكيد فى مكانه
بس حقيقى كل الكلام اللى قلته جميل بس لسه مش حصل ولا شناه حتى الان 5 سنين بين الكتب والورق ولسه
بس ياريت بجد الكل يدعيلنا اننا نكون سبب لرحاه الناس وشفاهم ومش نكون سبب لاذيه حد ابدا

Unknown said...

انا كمان

بحب العصافير

وكنت نفسي ابقي دكتورة
واشوف البيبي وهو بيتولد

يااااا احساس جميل

بس عمري ما كنت نفسي ادخل كلية الطب
معرفش ازاي هو بس انا كنت عايزة ابقي كدا من غير ما ادخل الكلية

خيال اطفال بقي تقول اية

تاج جميل
واجابات اجمل

سلام

كاميليا بهاء الدين said...

هههههههههههههه

جميل اوى اوى التاج ده

افتكر انهم اثنين او اكتر

اجاباتك عفوية ونابعة من قلب جميل

تحياتى واحترامى

shimaa said...

حلوة اوى فكرة التج بجد بتقدر من خلالها توصل للشخصية الحقيقة للانسان لانه بيتكلم بصراحة

فعلا اجابتك جميلة وصادقة

دمت بخير

Anonymous said...

انا مش عارفه اقولك ايه

بس بجد بعد ماقريت كلامك مش هقولك غير حاجه واحده بس
انت انسان جميل اوي

تحياتي

kmt said...

السلام عليكم ورحمة الله وبركاته

عارف فيك براءة الاطفال
وللاسف دي حاجة نادرة اوي دلوقتي

تحياتي
الي اللقاء

سهر الليالي said...

كان جميل منك ان تعرفنا عليك اكتر
البوست جميل

واكتر حاجه لفتتني فيه
حبك لاسكندريه لاني بعشقها
وحبك انك تكون في خيالك
دا دليل علي انك بجد بجد رومنسي

تحياتي
فراشة الشتاء

الآنسة حنفي said...

اجاباتك جميلة خالص اخر حاجة

احييك عليها

اتمنى تونرني في مدونتي و تقولي رايك فيها بليز

باي


نوفا

الجواز و سنينه said...

انت فعلا رومانسى عن حق
و كويس انك ما درتستش طب
انا مش بحب الدكاتره اوى
ما بوش ملايكه و لا حاجه
لما يروحلهم مريض يمص دمه علشان يدفع اللى وراه على حساب الناس
و يبعت الناس لاماكن معينه للتحاليل و الاشعه علشان ياخد منهم النسبه
مش بقولك كويس انك ما دخلتش طب

Empress appy said...

انا قولت عليك هادى
بس عموما فيه اسرار احنا مش دايما بنقوله نفسى اقفش فى زمارة اللى عمل التاج ده بجد

nona said...

و كمان عايز تنام يلا قوم اصحى فوق احنا مش فتحناها مستشفى للنوم
باة كنت عايز تطلع دكتور طب كويس يا ابنى لانك ساعتها كنت هتفتح عيادة بالمجان عشان كلنا طبعا هنيجى نكشف عندك و بما انك قلبك ابيض هتدينا حق العلاج و احنا خرجين من الكشف
فحمد ربنا انك ماطلعتش دكتور احسن
بس احساسك جميل انك تطلع دكتور عشان تعالج الناس وتخفف عنهم الالمهم
بس اية حبك للسرير شكلك خم نوم بجد و من عشاق النوم
ربنا يحقق ليك كل احلامك و امالك يا رب

زى الهوا said...

ممكن الفلوس تحل مشاكل كتير الا انها ترضى صاحبها


الجملة دى رنت فى ودانى , جميلة اوى

وبالنسبة للتاج فهوه حلو اوى واجابات حضرتك احلى كمان ممكن ادعيلك تكون نفسك وتحقق احلامك باستثناء الطب طبعا لأن الموضوع خرج من ايدينا

همس said...

تعرف احلى حاجه عجبتنى ايه

انك جبت سيرة النوم


فعلا والله النوم دا اجمل نعمه

بيوقف التفكير ...احلام ....

دماغ


يلا حصل خير يا سبعاوى

ههههههههههههه

Selfmeaning said...

مبروك التاج و يالاب التاج الجاى تكون حققت حاجة من الحاجات السبعة اللى نفسك تعملهم

زهرة الجنة said...

مليييون ميروك علي التاج
تستحقه عن حق

ايه حكاية بتبقي طيب لكن لما بتتضايق بتبقي شرير ؟؟ بتتحول يعني وعينك بتنور احمر والا بتخوفنا هههه

باحييك علي نصرك للمظلومين وده مش موجود في ناس كتير

السبع الحاجت اللي بتحبهم
الورقة والقلم والكمبيوتر والشغل والعصافير دي حاجات في ناس كتير بتحبها وانا منهم
لكن في حد يحب النووم ؟؟هههه النوم ده بيوقف العقل

وكمان بتكتب لنا وانت نايم والله نيمتنا معاك (وش بيتاوب)هههه

أتمني تحقيق كل احلامك وتكوين مملكتك والعثور علي أميرتك

تحياتي ليك

Enta Omery said...

ممكن احطك في اختبار صعب بس ع انسان ذكي زيك مش هيبقى كده
شوف البلوج ده بتاعي
وفكر كده ممكن اكون مين
انتا اول حد يا خد البلوج ده وبيتهيقلي ممكن لو خمنت صح مش هاديه لحد غيرك
انا بلوجي الكبير الأساسي
بنفس نمط العناوان ده فكر كده وشوف احساسك هيوصلك لأيه؟؟
مستنيا اول كومنت ليك

romansy said...

MISS\GH
اهلا بيكى يا استاذه ومبروك عليكى اول تعليق فعلا عندك حق التاج دا فكره جميله بس بشكرك على تعليقك الجميل واتمنى فعلا انى اجتهد مع ربنا والاقى اميرتى اللى عشت طول عمرى احلم بيها

romansy said...

جوجو
اهلا بيكى عزيزتى
فعلا يا جوجو مينفعش الانسان يعيش فى جو ملوث بالنفاق والكدب لانه من جواه هيتعب قوى
ويارب يا جوجو المره الجايه تكونى اول تعليق

romansy said...

Meme
الاول عيد ميلاد سعيد ويارب تكون عجبتك الهديه
ثانيا بقى دى فعلا كانت امنيه بس اللى ممكن اقولهولك ان اكيد بعد التعب دا لازم ترتاحى فى يوم واكيد هتسدعى فى يوم لما تشوفى انك نجحتى فى حياتك
وقدرتى تسعدى اللى حواليك
نورتينى يا ميمى

romansy said...

EMMY BABY
شكرا على العنوان اللى عجبك وشكرا على التاج فعلا انا بحاول اكون نفسى فعلا يا ايمى
بس اتمنى فعلا انى احقق احلامى ويارب انتى كمان تحققى احلامك وامنياتك
ونورتينى يا ايمى

romansy said...

ندا منير
اهلا يا ندا ايه اخبارك
بحاول يا ندا انى اكون نفسى وحاجات تانيه دى مش بايدى
بس يا ندى ان الواحد يدور على مصلحته دى مش عيب
بس يا ترى هيكون راضى عن نفسه
مش عارف

نورتينى يا ندا

romansy said...

يوميات نائمة في الأرياف
اهلا رنا
حمد الله على سلامتك
دلوقتى فعلا المهنه ممكن تكون مش كده بس اكيد فيه ناس كويسين
بس نادرين

شكرا على تعليقك
نورتينى

romansy said...

M.K
دايما كده تعليقك جميل
بس ياترى هلاقى الملكه اللى تستحق حبى دا
شكرا ليكى
واهلا باهل الامارات

romansy said...

yoyo
اهلا بيكى بعد الغيبه الطويله
يا اميرتى ولا يهمك المدونه مدونتك
وانا عارف مشغولياتك اكيد انتى ملكه فى بيتك ولازم الملكه تتحمل المسئوليه
اما بقى بخصوص التاج فانا فعلامقتنع بنفسى كده ومش هغيرها
اما بقى للنوم فانا من النوع اللى بيحب يدى لكل حاجه حقها
حتى النوم
تسلمى يا ملكه على التعليق
وحتى لو انتى مش موجوده منوره

romansy said...

mohamed ghalia
اهلا بيك
شكرا على ذوقك وتعليقك الجميل
ودايما منورنى يا رب

romansy said...

نيجار
متقوليش كده
لازم كلنا نقف جنب بعض
اما صداقه ازاى بقى
ربنا يخليكى انا فعلا بحب خيالى قوى لانه اقرب انسان ليه
وكمان دايما بيكون ليه الصديق اللى بيخرج احزانى

يارب دايما كده يديم الصداقه
ودايما منوره يارب

romansy said...

ضد التيار
اهلا بيكى يا ضد
ايه اخبارك
انا جاوبت على التاج اهو
يارب كده تاجات كتيره تكون معاكى يارب
وشكرا ليكى على التعليق
وربنا يحقق احلامك

ودايما منوره زى الشموع

romansy said...

Bosssssy
اهلا بوسى
وباهل الامارات ومصر
ومش عارف ايه تانى
اكيد كان فيه ناس بتحبك بس انتى مش واخده بالك
وكمان باين عليكى انسانه متزنه جدا
وكنتى جد جدا
شكرا ليكى على تعليقك
ودايما منوره يارب

romansy said...

Purplewaves
اهلا بيكى
اخبارك ايه يارب تكونى كويسه
انا طبعا عذرك علشان الشغل ربنا يوفقك
شكرا ليكى على التعليق
وياريت تعذرينى
سلام
ودايما منوره يارب

romansy said...

princess
اهلا باميرتنا
انا مش متاخر ولا حاجه
ومقدرش انى اتاخر عليكى
وبعدين خير الكلام ما قل ودل
شكرا ليكى يا اميرتنا
بس مش تخافى من الكلاب تانى
هههههههههه
نورتنيى

romansy said...

Tamer Alhosiny
اخى العزيز تامر
بشكرك على تعليقك الجميل وضحت فيه حاجات انا كنت ناسيها بس انت ادرى بيه
انت دايما كده يا تامر حاسس بيه وباللى عاوز اقوله واللى جوايا
نعمل ايه بقى ما انت اخويا
بشكرك يا تامر
وبحييك على بوستك الجديد

romansy said...

مؤمنه
اهلا بيكى ونورتينى وشكرا على انك قولتى انك اتعلمتى منى حاجه
انا دايما اللى بتعلم منكم
بحييك على تعليقك وبشكرك عليه
نورتينى يا مؤمنه

romansy said...

سندس وأمل
اهلا بيكى يا سندس
اهلابيكى يا امل
وربنا يخليكوا لبعض يارب
شكرا على تعليقك
هيه ايمى كده بتوزع تاجات هنعمل ايه يعنى

ربنا يوفقكوا

romansy said...

حبيبه
اهلا بيكى
يا حبيه
ايه اخبارك
يارب دايما يا حبيه كلنا نحقق احلامنا
هى عاوزه تعب شويه بس لما نحقهها هتبقى جميله قوى

romansy said...

قطرات من شواطئ الحياة
اهلا بيكى يا قطرات
شكرا ليكى على كلامك
وياريت اكون فعلا كده
الله يخليكى

دايما كده منورانى يارب

romansy said...

كـــيــــــــارا
خلاص خلاص مش تعيطى
اعمل ايه بقى
بحب تامر
قوى
اعمله ايه
وكمان انا مقولتش حاجه غير فعلا اللى جوايا
شكرا ليكى يا كيارا
وخلى انتيمك ميوقعش بينا
شكرا ليكى
ومنوره كتتتتتتتتتتييييييييير
يارب

romansy said...

طـــائر الليــــل الحـــــزين
الحمد لله كويس
ربنا يخليكى يارب
معلش بقى اجابتى مختصره لان خير الكلام ما قل ودل
اما بقى بخصوص اللملكه فجارى التجهيز فيها هى خلاص قربت بس فاضل الملكه بقى
دايما منوره يارب

romansy said...

Foxology
اهلا يا هندسه
ايه اخبارك
يارب تكون كويس
وشكرا ليك على التعليق وعلى ذوقك
كل سنه وانت طيب
ودايما منور فى اول زياره ليك

romansy said...

نهر الحب
اهلا بيكى وايه اخبارك يارب دايما تكونى كويسه
وربنا يسمع منك يارب
ويتقبل دعائك
اللهم اااامين


ودايما
م
ن
و
ر
ه

شخـا بيــط مـحـجـوب said...

اخبارك يارومانسى عامل اية واحشنى اوى بس ياريتك تسال عنا مهما كان فى عيش وملح انا مبسوط اوى علشان مدونتك تحفة جميلة جدا وكل يوم فى زيادة وتئلق بجد مبسوطلك اوى
تحياتى

شخابيط mahgoub

romansy said...

سمكه وحده
اكدب يعنى اعمل ايه بقى لقلبى
ويارب يا صديقتى الاقى الملكه
بس اعمل ايه مش عاوزه ثانوى علشان تقدر تذاكر
منوره يا صديقتى

romansy said...

حسام وريمان فى هاكونا مطاطا
اهلا بيكوا فى الزياره الاولى لمدونتى ويارب تكون عجبتكم
هى مش كروته هى اختصار فيه حاجات كتيره مش ينفع تتقال
شكرا ليكوا
ودايما تنورا عندى يارب

romansy said...

dina
اهلا بيكى
ايه اخبار الكليه
انتوا ملايكه الرحمه
مش كده
انا عارف ان الموضوع صعب بس انتوا قدها وقدود
لازم تتعبوا واكيد هتلاقوا النجاح
دايما منوره يا دينا

romansy said...

My Hope$
مين اللى قال ان دا خيال اطفال
انتى احلامك جميله قوى
بس انتى كده اكيد احسن
وكل سنه وانتى طيبه
دايما يارب منوره
كده

romansy said...

كاميليا
اهلا بيكى
ايه اخبارك
لا هى واحده بس
شكرا على زيارتك
ودايما منورانى

romansy said...

شيماء طلعت
اهلا بعزيزتى
ايه اخبارك
هى فكره جميله لان الواحد بيكون على طبيعته مع الكتابه من غير تفكير
شكرا ليكى
ودايما منورانى

romansy said...

hager za3bal
هاجر
انا النهارده عيد عندى
ايه اخبارك
يارب تكونى كويسه
شكرا ليكى
انتى انسانه طيبه وحساسه
بس ليه الحزن دا
دايما يارب تنورينى على طول
ويارب تكون المدونه عجبتك

romansy said...

kemet
اهلا بيكى
مش عارف الصراحه
شكرا على ذوقك وتعليقك
ويارب تنورينى عى طول يارب

romansy said...

سهر الليالي
اهلا بيكى يا سهر
ايه اخبارك
عيد ميلاد سعيد لاحمد
وانا بموت ى اسكندريه فى الشتاء بقى
او فى الصيف
هى جميله على طول
نورتينى يا سهر

romansy said...

الآنسة حنفي
اهلا بيكى فى عالم التدوين واول زياره ليكى
شكرا على تعليقك
وياريت بقى يا نوفا يكون فيه تواصل بينا
وتنورينى على طول

SemSem said...

اول زيارة لى فى المدونة
ماشاء الله المدونة شكلها حلو اوى
وباذن الله مش هتكون الاخيرة

تحياتى

romansy said...

الجواز و سنينه
اهلا بيكى
فى مدونتى المتواضعه
مش كلهم والله فيه ناس كويسين قوى
بس لاسف مش كتير

اشكرك على تعليقك
ونورتينى

romansy said...

~*§¦§ Appy §¦§*~
طبعا فيه حاجات كتيره مش يبنفع تتقال
كده كفايه
وبعدين ليه تفشى فى زماره رقابته
سبيه فى حاله
يا ام حلموس
نورتينى
الله ينور عليكى

romansy said...

nona
انا صاحى اهو بس اعمل لقلبى ممكن يحصل فعلا كده دا طبعا يبقى شرف ليه
انى اساعد اى حد محتاج
وبعدين مالو النوم
لازم ندى لكل حاجه حقها

نورتيمى يا نونا

romansy said...

زى الهوا
اهلا بيكى
ايه اخبارك
برضه انا شايف كده ان الموضوع خرج من ايدينا
بس فعلا الفلوس لو معاك وانت غلط

عمرها ما ترضيك

romansy said...

همس
دا فعلا اجمل حاجه فى الدنيا
الانسان بيرمى همومه وينام
واجمل حاجه الاحلام
وبالذات لو جميله

بشكرك
ودايما منوره

romansy said...

Selfmeaning
اهلا بيكى
يارب احقق احلامى وانتى كمان تحققى احلامك
يارب

نورتينى
دايما

romansy said...

زهرة الجنة
هههههههههههههه
تعليقك جميل والله يا زهره
بس انا مش بتحول
دى طبعتى
واعمل فيها ايه
وكمان انا مش بكتب وانا نايم ولا حاجه
دا بس الوقت كان متاخر
نورتينى يا زهره

romansy said...

Enta Omery
طبعا عرفتك
اسلوبك فى الكتابه
ممكن يكون جديد
بس عرفتك
من كلانك الجميل واول تعليق
شكرا ليكى
ويارب دايما كده منوره عندى فى اى بلوج


انت عمرى

romansy said...

شخـا بيــط مـحـجـوب

اهلا بيك
يا احمد
انا مش ناسيك والله
ودايما فاكرك
وبسال عليك
مبروك على الشغل الجديد
وشكرا على كلامك الجميل
وتنورنى على طول

romansy said...

SemSem
اهلا بيك
ويارب المدونه تكون عجبتك
وتنورنى على طول

La RoSe said...

السلام عليكم

لذيذ أوي العنوان

وإيجاباتك جميلة أوي

بس تعرف النفاق والكدب وماشابه واللي أصبح من متطلبات المعيشة بغض النظر عن إنهم بيوصلوا الإنسان بسرعة للي هو عايزة بدأت أحس إن أصحابهم مرتاحين نفسياً أكتر..

بأي حال.. ربنا يعفي عنّا جميعاً

اسمحلي بقى آخد التاج من عندك ،ده بعد إذنك طبعاً :)عشان عاجبني

وكل تاج وأنت طيب

تحياتي :)

romansy said...

La RoSe
اهلا بيكى وزيارتك ليه
اظاهر احنا عايشين فى عالم مش بتاعنا
فيه النفاق والكدب
بس لازم نعيش ونكافح على قد ما نقدر
اما بخصوص التاج
انا تحت امرك
المدونه مدونتك
ويارب دايما تنورينا

امل said...

السلام عليكم
تاج جميل طلعت منه بانك انسان بتحب شغلك جدا وأكيد مادمت بتحبه يبقى ان شاء الله مخلص فيه فيه كلمة من الكلمات اللي انت بترددها انا دايما برددها برضه هي حسبي الله ونعم الوكيل بس مش عارفه ليه ناس بتاخدها بمعنى وحش أو انها دعوة على حد

وردشان smilyrose said...

يااااااااااااااااااااه شكلى اتأخرت

بس غصب عنى والله كنت تعبانة

المهم انى لحقت

بجد يا احمد اجاباتك جميلة

ويارب تحقق كل احلامك

وفعلا اجمل شئ بحسه فى كلماتك

اعتزازك بصداقة عمرك

فعلا اجمل شئ

اتمنى لك التوفيق

smilyrose

روح الحب الصادق

Rania Lelah said...

بجد بجد اجاباتك حلوة قوى قوى
لذيذه -- خفيفه --- صادقه جدااااا

تحياتى ليك

طوبه فضه وطوبه دهب said...

كلامك صادق بجد يا رومنسى عشان كده وصل لنا بكل صدق ربنا يكرمك وتحقق كل اللى ما عرفتش تحققه وتنول كل اللى تتمناه تحياتى لصراحتك وصدق اسلوبك واسفه على تاخيرى الدائم ولكنها ضغوط شغلى فارجو المعذره

Unknown said...

حلوة اجاباتك مع انك مكروت شوية بس مااااااااااااااشى هنعديها ولا يهمك

e_emy said...

حلوة اوى اجاباتك :)

يارب تحقق كل الى بتتمناه

ربنا يوفقك

Rosie said...

البوست حلو قوى...الاجابات و الأسئلة..أكتر حاجة عاجبتنى اجابتك فى الأماكن اللى بتحبها..الخيال..تصدق أنه فعلا من أحسن الأماكن

Selfmeaning said...

انت شكلك فرحان اوى بالتاج

لدرجة انك مش بتكتب اى بوست جديد

سميرة said...

عجبنى اوي
المكان اللي بحبه اكتر هو خيالي
جميلة يارومانسي
تحياتي لك

HeBa said...

عجبني البوست أوي

معرفتش اكون منافق ولا كداب فى العالم اللى فيه المنافق هو اللى بيوصل لاعلى الدرجات فى الدنيا

حلوة الجملة دي

بجد عبرت عن نفسك كويس جدا وببساطة

تحياتي

romansy said...

امل
اهلا بيكى
شكرا على كلامك الرقيق
كلمه خسبى الله ونعم الوكيل
دى كلمه جميله قوى انك بتوكلى ربنا سبحانه وتعالى فى كل حاجه
بشكرك يا امل
وتحياتى

romansy said...

smilyrose
عزيزتى سمايلى
ايه اخبارك
الف سلامه عليكى لو اعرف كنت جيت زورتك وجبيت ليك بوكيه ورد ولا حاجه
انتى تيجى يا سمايلى فى الوقت اللى تحبيه
المدونه مدونتك
يارب دايما نحققااحلامنا
واكيد انا بعتز بصداقه عمرى
تحياتى
والف سلامه

romansy said...

Rania
اهلا بيكى
بشكرك على زيارتك
وعلى تعليقك
ودايما منوره يا رانيا

romansy said...

طوبة ذهب وطوبة فضة
اهلا بيكى
طبعا يا عزيزتى انا عذرك ومقدر كويس
شغلك ومش زعلان طبعا
يارب كده تقدرى تحققى احلامك يارب
وتنوريينى دايما ببوستاتك الاجمل

romansy said...

enjy
اهلا بيكى انجى
ايه الاخبار
مش كروته والله
بس مفيش كلام تانى دا احساسى بس
بشكرك يا انجى

romansy said...

e_emy
اهلا بيكى
يارب دايما كلنا نحقق احلامنا
وشكرا ليكى يا ايمى

romansy said...

Rosie
اهلا بيكى
شكرا ان الاجابه دى عجبتك
بس فعلا دى الحقيقه
اوقات الخيال بيكون خير صديق
لانسان لانه بيحقق اللى معرفش يحققه فى الواقع
بشكرك
ودايما تنورينى

romansy said...

Selfmeaning
اهلا بيكى
ايه اخبارك يارب تكونى كويسه وبخير
انا بهتم والله برومنسى بس انا عندى مدونه تانيه اسمها امنيات
برضه بكتب فيها
بس ممكن الحاجه المحيره شويه
ابقى تابعيها ويارب تعجبك
http://omnyat.blogspot.com/

romansy said...

سميرة
اهلا بيكى يا استاذه
اوعى تضربى
انا جاوبت كويس
انا فعلا بحب خيالى وبعشقه
لانه بكل سهوله يقدر يحقق
بشكرك
ويارب تنورينى على طول

romansy said...

Heba
اهلا بيكى
الانسان منا لازم يحاول يكون كويس فى وسط العالم اللى بقى زى الغابه
لما اكون كويس اكون كويس لنفسى
مش للناس
بشكرك
ويارب تنورينى على طول على طول

Muslima said...

اولا انا اول مرة اسمع عن حكاية التاج دى
بس بجد لزيزة جداااا

وحقيقى اجابتك فى السوال بتاع الفلوس فيها حكمة رائعة
معك حق فعلا
ممكن الفلوس تحل مشاكل كتير الا انها ترضى صاحبها

مع تحياتى

romansy said...

Muslima
اهلا بيكى
التاج دا بيعرفنا
عن احلام الشخص التانى
لما يجلى تاج هبقى ابعتوهولك

كل سنه وانتى طيبه