Thursday, October 23, 2008

عناصر الوثيقة التأسيسية للمدونين

عناصر الوثيقة التأسيسية للمدونين
1- عدم المساس لأي دين أو مذهب بالتجريح وعدم نشر العداوة بين المذاهب المختلفة
2- عدم نشر روح الأنهزاميه بين المدونين ومحاولة السمو بالأفكار والإستفادة منها للصالح العام
3- البعد عن المصلحه والأطماع الشخصية وجعل التدوين نزيه وله هدف سامي
4- المحافظة علي شرف التدوين ومحاولة الأرتقاء به لأعلي الدرجات
5- البعد عن تعليقات المجاملة والعمل علي النقض البناء الذي يهدف إلي تصحيح المفاهيم والتقريب بين الأفكار
6- نشر روح المحبه والأخوه بين الناس
7- البعد عن الأفكار الهدامه والتمسك بالقيم والمبادئ الإسلاميه الحنيفه
8- عدم التخلي عن التدوين قدر المستطاع ومحاولة التواصل حتي ولو علي فترات متباعده
9- مساعدات أخوننا المدونين علي قدر المستطاع ونشر الخير بينهم
10- عدم التعرض بالآساءة أو الألفاظ الجارحه لمن يقوم بالرد علي مدوناتنا
11- التضامن مع أخوننا في كل انحاء العالم وأظهار لهم روح الترابط والأخوة عن طريق التواصل عبر المدونات
12- متابعة تعليقات من نقوم بالرد في مدونتهم لكي يتم الاستفاده من هذا النقاش
13- عدم التسلط أو التطاول علي من يقوم بنقضنا ، ومحاورته بكل حب وتفاهم لكي يتم تصحيح المفاهيم
14- مقاطعة مدونات الشواذ والمثليين وارشادهم للصواب وتعريف المدونين بيهم لكي يتفادوا التواجد معهم
15- عدم نشر العادات السيئة والتقليعات الغريبة التي لا تمت بأي صله للإسلام ولا للعادات والتقاليد الشرقية
*******
اقسم بــالله الـعـظـيم أن احــــافــظ عــلــي شـــرف التدويــن وأن أعـمــل جــاهــدا عــلــي ان أرتـقـي بـهــذا
الـمـجـتـمع الإلكتروني لـكــي يـــكــون صـــوت الـناس وللناس وأن أقـــوم بنشر روح الأخـــوة والـمحبه بـيـن الـنـاس
وأن أعمـل جـــاهـــدا عــلــي رفـــع الـمـعـنـويــات لــدي الـمـدونين لــكــي يبدعــوا وأن نقف بجــانـب كـــل مــــن
يـحـتـاج الــعــون وأن نتـعـامــل مــع أخــوانـنـا الـمـدونـيـن بــالــحسنه والأخـــوه وأن التزم
أعضــاء اللـجـنـة الـتـأسيسية للـمــدونـيـن
********

مجنوووون
محاسن
ضد التيار
ايمي
princess
طوبه فضه وطوبه دهب

amr farouk
ساسو
M.K

mostafa rayan
ahmed_k
البحث عن أنا شىء جنونى
كـيـــارا
********
ملـحـوظـة
********كل من يقراء هذا الموضوع يقوم بنشره في مدونة لكي تعم الفائده وينتشر الموضوعولو حد عنده اي استفسار يتفضل وأن شاء الله يجد الإجابة

24 comments:

كـــيــــــــارا said...

تمام يااحمد

بس برده هتتعاد الصياغه عشان نوصل لافضل شي

وردشان smilyrose said...

فعلا

كدة تمام بس لازم

بردة نعدل لحد ما نوصل

لأفضل شئ يكون عالم متواصل

ومجتمع راقى للفكر وتبادل الأراء

وشكرا يا احمد على التعليق

سلالالالالالالالالالالالالاموز

smilyrose

روح الحب الصادق

شمس النهار said...

كويس انك نشرتها ياريت كمان تدخل اللنك بتاعهم عشان تحط اي ملحوظه عندك اللنك ضد التيار وكيار كتبينه عندي في التعليقات

سهر الليالي said...

اهادف جيده وهتفيد الكل
وانا بشوف دا اللي بيحصل
يعني مفيش جديد
علي العموم شكرا يا احمد
علي نشرك عناصر الوثيقه

تحياتي
فراشه الشتاء

طـائر الليــل الحـزين said...

برافــــو عليـــــك يا رومانســـى
اكيد هحصلكم قريب .....
تحيـــــــاتى

Tamer Alhosiny said...

اخي العزيز رومنسي

اولا تحياتي ليك واتمني تكون بخير
لقد اطلعت علي الوثيقة التاسيسية للمدونين

وسعيد جدا بها
لكن
ارجو ان لا اكون الانسان
السلبي الذي يرفض هذه الوثيقة
ولكني لن اوقع عليها او اقبلها
وهذه هي الحقيقة لكني في نفس الوقت لا ارفضها
فكل ارائها قرئتها بعناية وقارنت بينها وبين مباديء مدونة انسان عاشق حر
ووجدتها في حالة اتفاق لكن السبب انني لن اقبل الوثيقة
هو ان التزامي الاخلاقي مرجعه هو فلسفة مدونتي ورؤيتها الخاصة
وهي نابعة من اسم المدونة

انسان عاشق حر

فانا مع الانسانية والخلاق والباديء الانسانية التي تحترم الانسان لكونه انسان دون النظر للدين او اللون او الشكل او اي شكل عنصري

واعشق الحياة واتمني ان اعيش حياتي في حالة عشق لبلدي لامي لوطني لحبيبتي وشريكة حياتي

والحرية هي التزامي وتعني اني انسان حر لا اقود حرية الاخرين في التعبير واحترم كافة الاراء

هذه هي المرجعية التي اعتمدها
في اي موقف
وسعيد ان اجد المدونين يلتفون حول وثيقة مباديء
ربما لن انضم لهم فيها لكني سعيد بتوصلهم اليها

تحياتي علي المجهود الكبير والافكار الرائعة واتمني لكم التوفيق

تامر الحسيني
انسان عاشق حر

طوبه فضه وطوبه دهب said...

ايوه كده اهو دا الشغل ولا بلاش هن مدونه الى مدونه باذن الله تحياتى لهذا الحماس

EMMY BABY said...

كدة تمام جدااااا يا رومنسى

طب بالنسبة للمدونة بتاعت الوثيقة التدوينية للمدونين

عايزة اكون معاكم فيها ولا انت مشتركتش لسة فيها برضه ؟

تحياتى

ايمى

kmt said...

السلام عليكم ورحمة الله وبركاته

ليه وثيقة وقوانين
كل واحد يكتب مايحلو له بالطريق التي تحلوله واذا دخلت مدونه لم تعجبك دوس
F4 وALT
التدوين حرية هربنا له علشان نعبر عن اللي جوانا بدون قيود


اتفق معكم بسبة كبيرة واراها مبادئ تدعو للقيم ولكن ليس كل المدونين العرب مسلمين
كما اني لم افهم كيف نساعد اخوانا المدونين

تقبلني ولكل وجهة نظر

تحياتي
الي اللقاء

عُمر said...

أه

جميلة أوي الوثيقة دي

إحنا في مصر موش كده ؟

أه تمام

تحياتي

Anonymous said...

برافوا عليكم اللي انتم بتفكروا تعملوه
واضح ان الحزب ده للمسلمين بما ان كتير من مبادئه بتذكر فيها المسلمين و الاسلام

دلوقتي نبص نلاقي المسيحيين كمان يعملوا مواثيق للتدوين و يبقي فيه حزبين و ربنا يكركم كلكم
ماتنساش تبقي تقاطعني اصلي من المنصوص عليهم في الفقره الاربعتاشر
بالتوفيق انشاء الله

Happy Hope said...

فى أسئلة بتطرح نفسها

ما هو التدوين ؟

و هل هو قاصر علي فئة معينة أو دين أو فكر أو بلد بعينه ؟

ما مفهوم حرية الرأى و الفكر ؟
ما معنى الحرية الشخصية ؟

أنا أرى أن هذه الوثيقة هى مثال للتعصب و الانغلاق الفكرى و التناقضات

التدوين ليس مجتمع الكتروني قاصر على مجموعة من الأشخاص أيً كانت الملة أو الهوية أو الاعتقاد و التفكير

التدوين عــــالـم الكتروني

الكل حر أن يطرح ما يفكر به
و الكل أيضاً له حرية الاختيار و الارادة فى الاطلاع على المدونات التى يرى انها تناسبه أو لا

هذه ليست وثيقة بل يجب أن يطلق عليها أسوار و جدران و غطاء للعين و العقل


فعلا تأسفت لحال العقل المصرى الذى يطالب بالحرية و الديمقراطية و يرفض القمع و يدعو الى التسامح و من ناحية أخرى أجده هو ذاته من يضع القيود و الأغلال حول عقله

التدوين ليس له وثائق و ليس له شروط

التدوين حـريــة
حـريـة
==============
==============

جوجو said...

السلام عليكم

حلو اوى البوست ده بجد

بحيك جدااااااااااا عليه يااحمد

وياريت كلنا نعمل بيه

تحياتى

Unknown said...

الحريه لا تحتاج لوثيقه ..

مش عارفه كلامي إيه وقعه ..

بس عموما .. انا هقول رأيي

التدوين عمره ما كان قيد شروط أو وثائق

و كل إنسان بيتعامل بطبيعته .. يعني اللي متعود يجامل مثلا .. من الطبيعي انه هيجامل حتي لو ماضي علي مليون وثيقه ..

حاجه تانيه ..

*التقليعات الغريبة*

انتي ممكن تبقي شايفاها غريبه لكن صاحبها شايف انها عاديه جدا

*شرف التدوين*

سوري مع إحترامي الشديد بس مين قال ان التدوين أصلا ليه علاقه بالشرف ؟؟ .. أنا مش بتباهي إني بدون و لا اللي مش بيدون عنده نقص لما هو مش بيدون

*البعد عن المصلحه والأطماع الشخصية وجعل التدوين نزيه وله هدف سامي *

مش عارفه بصراحه أعبر عن اللي عاوزه أقوله .. مصلحه شخصيه إزاي يعني ؟؟ .. عدد تعليقات أكتر مثلا ؟؟ و لا إيه بالظبط ؟؟؟

*النقض*
علي فكره إسمها نقد

*النقد البناء الذي يهدف إلي تصحيح المفاهيم والتقريب بين الأفكار*

علي فكره لو هو ده النقد البناء .. أومال فين الاختلاف ؟؟ .. ده الدين و العبادات فيها إختلاف .. و قبول الآخر موجود من زمان .. منين أصحح فكرة واحد من خلال وجهة نظري أنا و أنا بشر زيي زيه ؟؟ .. عاوزه أفهم بس إزاي نصحح يعني مفاهيم الناس؟ و من أي ناحيه؟

*الأفكار الهدامه والتمسك بالقيم والمبادئ الإسلاميه الحنيفه *

التدوين مش قيد دين .. و وضعه ف غلاف ديني أو اننا نقاطع مدونات أصحاب المذاهب و الديانات الاخري انا مش شايفه انه ليه أي علاقه بالحريه .. دي أهواء شخصيه و مباديء خاصه بكل واحد

الأفكار عموما عامله زي مكعب كل واحد شايفه من واجهه .. و اللي شايفه من واجهة مش شايف الواجهة التانيه .. عشان كده انتوا شايفين انكوا عندكم حق..

سؤال يعني معلش علي النقطه دي *قاطعة مدونات الشواذ والمثليين وارشادهم للصواب وتعريف المدونين بيهم لكي يتفادوا التواجد معهم*

إذا كانت الرحمة مفتوحه للجميع و التوبه باب لا يغلق إلي يوم القيامه منين حضرتك تقفله ف وشهم ..

أنا بكل ثقه و حزم مش معاكم .. لأني أؤمن بالحريه .. و اللي بتقولوه يمكن فيه كتير أنا ممكن أكون بعمله من غير قصد لكن مش شرط إن واحد بيعمل كده أو مجموعة ناس بتعمل ده يبقي لازم ده يتعمل ..

و السلام عليكم و رحمة الله و بركاته

و زي ما قلب مصري قال قبل كده .. انا بكتب اللي انا عاوز أكتبه مش اللي الناس عاوزه تقراه ..

أنا أحترمكم لأنني أؤيد الاختلاف و أحترم كل واحد يختلف معايا

و لكن بكل إحترام انا مش معاكوا

"ملحوظه
فيه مدونات انت بتزورها ضد الوثيقه اللي انت كاتبها"

دي جمله هنشوفها بعد الوثيقه ؟؟

عندي سؤال كمان ..هل هتقاطع مدونات انت متابعها عشان مضيت علي الوثيقه ؟؟

أنا مش أقصد أي تجريح أنا كل اللي بعمله اني بستفسر ..

خالص إحترامي ..

و السلام ختام

صوت من مصر said...

الاستفسار انى مفهمتش للاسف ممكن اكون غبى؟

romansy said...

بشكرك يا

كيارا
smilyrose
شمس النهار
سهر الليالي
طـــائر الليــــل الحـــــزين

طوبة ذهب وطوبة فضة
جوجو
EMMY BABY

شكرا على رايكو
بس دا علشان نكون احسن من اللى احنا فيه
على فكره انا مقتنع بكلام المعارضين
واللى بيقولوا ان التدوين حريه
وانا معاهم

romansy said...

Tamer Alhosiny
عزيزى تامر
عندما فكرت فى نشر تلك الوثيقه
لم اقل ان التدوين له قيود
وانا معك يا عزيزى فى كل كلمه

romansy said...

kemet
التدوين حرية هربنا له علشان نعبر عن اللي جوانا بدون قيود

ودا راى

romansy said...

عمر
احنا فى مصر
بس زمايلنا حبوا يعملوا
حاجه جميله
بس هتتعدل

romansy said...

اجندا حمرا +Heart Beat
اولا مش تزعلى من اى حاجه
انا دايما بحترم كلامك
واسلوبك
ودا بيخلينى اعلق عندك
من غير ما اعرف انتى ايه

وانا مؤمن ان التدوين حريه
مش احزاب

romansy said...

Happy Hope
التدوين ليس له وثائق و ليس له شروط

بشكرك على وجهه نظرك
انتى عارفه كويس
انى بعلق عندك ومعجب باسلوبك
مش مهم انتى مين
اهم حاجه بتكتبى ايه

romansy said...

عاقلة علي ارض الجنون
الاستاذه عاقله
عجبنى قوى تحليلك للموضوع بنقد بناء
صحيح كلامك صح
بس الوثيقه مش غلط
احنا غلطنا اللى وضعنا بعض النقط
ودا مش عيب
اننا نعترف بغلطنا
بس مش عيب اننا نحلم بعالم ابيض جميل
فيه الناس كلها بتخاف على بعض
مهما كانت جنسياتهم
او ديانتهم
او اسلوبهم
انا من وجهه نظرى
اللى يهمنى كلامهم
واسلوبهم معايا
انا مش هحاسبهم
بس فى حدود القيم والاخلاق
المعروفه
شكرا على كلامك

E73 said...

بسم الله الرحمن الرحيم
السلام عليكم ورحم الله وبركاته

عوزة اقول حاجة بجد
تسلم اياديكم واحب انضم لمشجعي الوثيقة واعضائها
ايد في ايد نخلي التدوين عالم سعيد

romansy said...

الزعيمة
اهلا بيكى
شكرا على زيارتك
ياريت نبقى فى عالم سعيد