Saturday, October 18, 2008

هل جـــربتى الرحــيل





هل جربتى الرحيل يوما؟
هل دعاكى احد لرحله حول الارض؟
هل ممكن ان اكون اول من يدعوكى؟

فانا ذلك الرجل الذى يتمنى ان يرحل معكى انتى
وانتى فقط
لاننى مهما شاهدت من جمال واستمتعت به
فان جمالك انتى يمتعنى اكتر
انتى التى تضيفى للمكان روعته
فهل تقبلى ان تكونى رفيقه رحلتى؟
اذا فهيا بنا نرحل
دعينا نزور بلاد الشرق ونرى ما بها من سحر وجمال فتكون وجهتنا الاولى الى فلسطين
نصلى فى بيت المقدس ونرى اشجار الكروم واشجار الزيتون التى طالما سمعت عنها
ونتمتع بجمالها وصمودها منذ الالاف السنين ونرى من هناك لحظات الغروب فما اجملها من لحظات
ودعينا نذهب الان الى العراق لنسبح فى نهر دجله ونرى مالا رايناه من قبل
فدعينا نسبح ونغرق احزاننا هناك ونرى الاثار البابليه وننقش اول حروفنا عليها
ونتركه لازمان مقبله ليشهد اننى كنت معاكى فى هذا المكان
حبيبتى هل جربتى يوما ارتداء السروال المغربى فهيا ارتديه وسيفرح بكى
لانك انتى من لبستيه فدعينى الف حول عنقك اجمل العقود المغربيه التى تلبسها
العروس فى ليله زفافها .الا تريدين فنجان من القهوه المغربيه التى سمعت عنها ولم اتذوقها
فاصنعيها انتى فما اجملها من يدك
تعبتى من الرحيل .فانا لم اتعب طالما معاكى انسى اوجاعى والامى
اتريدين العوده ؟
نعم سيدتى انا طوع امرك ولكن بشرط ان اخدك معى فى احضان الفراعنه
فى حضن الهرم الاكبر الذى حاولوا كثيرا معرفه سره
ولكن معكى انتى سنعرف سره بمجرد زيارته
فدعينى اخذك الى رحله شراعيه فى نهر النيل وتلتف حولنا عرائسه
تزفنا بالعوده الى البلد الحبيب.فانتى بلدى ووجهتى
وكيانى .فدعينى احبك فى اى مكان فانتى حبيبتى

118 comments:

Sweet Violet said...

وااااااااااااااااااااو ترحال مع الحبيبه

مااروعه احساس

تسلم يارومانسى التفاؤل

nona said...

اية يا بنتى هو انتى بايت هنا و الا اية
ادعى اقول اية
ربنا يسعدك و تبطلى تباتى فى المدونات ههههههههههههههه

رومانسى احساس جميل لان الترحال و الغربة مع من احببناهم لا يعتبر رحيل لان تكون السعادة بعينها
تحياتى لك رومانسى

Nasimlibya `√ said...

اممم بمانك ترجوني الا اتجمل فحنقولك شعوري بالضبط عجبتني ومعجبتنيش
غريبة صح
حبيت الاخيرة الترحال بالنيل اكثر من المغرب ممكن احساسك بيها علي مش عارفة
رومانسي فين ليبيا من الرحلة ايه مش عجباك ولا ايه
:))
ارجوك لا تتجمل رد

EMMY BABY said...

دعينا نزور بلاد الشرق ونرى ما بها من سحر وجمال فتكون وجهتنا الاولى الى فلسطين
نصلى فى بيت المقدس ونرى اشجار الكروم واشجار الزيتون التى طالما سمعت عنها
ونتمتع بجمالها وصمودها منذ الالاف السنين ونرى من هناك لحظات الغروب فما اجملها من لحظات

عجبنى اوى احساس انك عايز تروح معاها الاقصى وتصلوا فى بيت المقدس

بجد احساس روعة بيزود الروحانيات والحب مابينكم

دمت رومنسى مبدع

تحياتى

ايمى

حـــــ الــجــنــة ـــــور said...

السلام عليكم
أولا إزيك يا رومنسي باشا بشكرك على ذوقك الجميل وهديتك الأجمل
ثانيا الحمد لله إنك عرفت ترسى مع حبيبتك في الأماكن الجميله دي بعدين فين الجزائر أنا كمان بعمل قهوه حلوه جداااا وكمان عندنا حلي وعنبر وكل تصديرة أفراحنا تحت أمر الرومانسيه هههه
بجد إحساس عالي وكلمات عذبه ربنا يحققلك كل أمانيك ويبارك فيك يا رب بوست هاااايل سلمت يمناك
سلاااام

عاشقة القمر said...

يااااااااااااااااااه ماجمال ماتكتب احسس رائعه جدا منيك
بوست رئعه
تزفنا بالعوده الى البلد الحبيب.فانتى بلدى ووجهتى
وكيانى .فدعينى احبك فى اى مكان فانتى حبيبتى
يارب دعواتك تسجياب
ربنا يحقق امنياتك

طوبه فضه وطوبه دهب said...

الله عليك يا استاذ الرومانسيه ما كل هذا الابداع وفقك الله بمن تحبك كما تحبها وبمن تقدر كل هذا الحب وتصونه تحياتى

Selfmeaning said...

كنت حاسة انها فى الاول رحلة كلها رومنسية
جت فى الاخر لقيتها رحلة سياحية
بس فى كلا الحالتين لسه برده متربع على العرش

MISS\GH said...

كان نفسى اكون اول تعليق بس ان شاء الله متعوضه عجبنى جدا البوست وفكرته جنان شكلك من هاويه الترحال والمغامره بس بيكون ممتع اكتر زى ما قلت لما يكون مع الحبيب .......فعلا ممكن تنسى معاه هموم ومتاعب السفر و تلاقى متعه
فيه وتحس ان الوقت نفسك ما يمرش بسرعه وانك عايز تعيش معاه كل ثانيه وكل دقيقه .
تحياتى ليك يا رومانسى ودام ابداعك

كريم بهي said...

لا اتجمل

جميلة اوى رومانسيتك الصافية بدون اى عقد او زيف او كذب

تحياتى لمرورك عندي
ولكلماتك الجميلة

كريم بهي
انا رديت على كومنتك

كـــيــــــــارا said...

ايه ده


لالالا منقدرش علي الكلام والوصف ده


بجد رحله زي العثل

romansy said...

ضد التيار
الله يسلمك
من بعض ما عندكم

romansy said...

nona
ايه بس يا نونا بتطفشى المدونين ليه بس
ههههههههههه
ربنا يخليكى الاحساس بالغربه معدوم وانا معها

romansy said...

nasimlibya
اهلا باجمل نسمه من نسيم لبيبا
رايك جميل فعلا
ممكن اكون علشان بحب بلدى قوى
اما بقى بخصوص ليبا دى جوانا كلنا
مش نقدر ننساها

romansy said...

EMMY BABY
الله يخليكى يارب
فعلا احنا محتاجين نزود الروحانيات بتاعتنا
وبالذات مع اللى بيحبهم

mahasen saber said...

لله جميله طبعا ويكفى انه بيطلب الرحيل معاها مش من غيرها ونرجع نعيط بقه...
...
بس معلش اعذرلى جهلى وقلة ذوقى هيا دى قصيده لشاعر ما
اعتقد لاما نزار او مطر او درويش انا مش متذكره ولو انتا اليى كاتبها انا فاكره انى قريت قصيده بالمعانى والمحتوى ده لشاعرما يمكن جويده
انا اسفه انا مش بشكك فيك بس انا متاكده المعانى دى قريتها قبل كده ممكن واكيد تواردخواطر
...
بس ارجوك تقولى وتعذرنى لو انتا اليى كاتبها بس انا هحاول اعرف المعانى دى قريتها ودخلت قلبى فين قيل كده
....

romansy said...

حـــــ الــجــنــة ـــــور
ومين يقدر ينسى
الجزائر
بس
دى طبعا بلد جميله
وانا فعلا نفسى ازورها
وياريت تكون عجبتك الهديه

romansy said...

عاشقة القمر
اااامين يارب
انا فرحان ان البوست عجبك
شكرا ليكى

romansy said...

طوبة ذهب وطوبة فضة
انا مش استاذ الرومانسيه
انتى اللى استاذه
منكم نستفيد

romansy said...

Selfmeaning
سواء رحله سياحيه
او رومانسيه
الاهم انى معاها بس

romansy said...

MISS\GH
الى الاستاذه
تحياتى ليكى فعلا الانسان بيحتاج التغير والخروج من الجو اللى حواليه
بس طالما مع اللى بيحب بيحتاج ينسى الدنيا

romansy said...

كريم بهي
بشكرك صديقى كريم
على كلامك الجميل
ودايما كده منورنى

romansy said...

كـــيــــــــارا
طيب الحمد لله انى عجبت نفرتيتى
انا كنت خايف احسن اكون مسحت خريطه العالم
وحطيت خريطتى انا بس

romansy said...

mahasen saber
والله انا اللى كاتبها
بس ياريت اكون زى شعرائنا الكبار دول
انا والله اتمنى
بس هى دى حكايه فعلا حصلت قدامى
حلم

دايما والله منوره

shimaa said...

أحسست بانى اطوف مع كلماتك
حقا انتقل احساسى بين كلماتك فكاننى هناك

اشتقت حقا للترحال مع من احب

سلمت يداك

ساسو said...

بجد حلوه
جميل اوي انك ترحل مع من احببت مش مهم فين او امتى المهم انك معاه وبس
وعجبني اوي رحلت الاقصي
تصدق اني بحلم بيها
ربنا يحققها لكل من تمناها ونكون مع حبايبنا برضه

mohamed ghalia said...

فدعينى احبك فى اى مكان فانتى حبيبتى
كلمات رائعة وإحساس أجمل
تقبل تحياتى
دمت بود

e_emy said...

:)

بوست حلو اوووى
يارب تحققه يارب

حبيبه said...

رحلتك حلوة اوي واحلي مافيها انها مع حبيبتك
تحياتي لك

Unknown said...

جميله اوي

ربنا يسعدك
(:

Mony said...

احساس عالي

و كلمات رقيقة




دمت مبدعا

وردشان smilyrose said...

ما هذا الشعور الرائع

كم تمنيت الرحيل

معه كم تمنيت ان يكون رفيق طريقى

ان نكون بعالم ليس لأحد سوانا

اه من تلك الأمنية

كانت ستغمر حياتنا سعادة ليس لها مثيل
اذا رحلنا الى طريق يجمعنا

طريق زادنا فيه هو الحب

ابدعت يا أحمد

smilyrose

روح الحب الصادق

Lola said...

صدقنى لا اظن المرأة تريد اكثر من دلك ....تختلف الأماكن والبلدان يا رومانسي ويبقى قلب الحبيب هو الموطن وهو السكن. كلماتك تنقلنى من عالم لعالم ويسرح معها خيالى حقا00تعرف يا رومانسي ..احيانا كثيره اتمنى لو كنا عصافير.ترى كيف هو عشق العصافير ؟؟ وكيف هو الحب الطائر فى سماء مفتوحة

تحياتى لك ودمت بكل خير

لولا

Empress appy said...

يا بختها اللى لفت العالم دى ورجعت
لاحلى بلد فى الدنيا
جميله الصورة اللى نقلتها وجميله الصورة المصحوبه معبرة جدا

Anonymous said...

كلمات جميله عزيزي
فكرتني بأغنيه شاديه أي مكان صحرا ان كان او بستان يبقي أمان
وحدي انا و حبيبي

فعلا اي مكان بيكون أحلي بجانب الحبيب
دايما بقول مش مهم المكان المهم الصحبه
تسلم ايدك علي الكلام الحلو
تحياتي ليك

RaRa said...

جميل اوى البوست
والاجمل منه احساسك الجميل
والاحساس بالرحيل مع من نحب
لنرى ماحولنا ونعيش اجمل اللحظات مع الحبيب


تحياتى

romansy said...

شيماء طلعت
ما اجمل الترحال مع من نحب
انه حقا يغير ملامح المكان
اسعدنى تعليقك

romansy said...

ساسو
اهلا بيكى ساسو فى مدونتى المتواضعه
ياريت اننا نرحل مع من نحب فعلا
ما اجمل تلك اللحظات
ونتمنى فعلا ان نصلى بالقدس
شكرا على زيارتك

romansy said...

mohamed ghalia
اهلا بيك محمد
اسعدنى جدا كلامك الجميل
يارب دايما
زيارتك

romansy said...

e_emy
ايمى
اهلا بيك
يارب اااامين
اسعدنى تعليقك

romansy said...

حبيبه
يارب دايما كده رحلات جميله مع من احب
نورتينى بالزياره

romansy said...

esraa
اسراء
شكرا ليكى على زيارتك
ودايما كده منوره يارب

romansy said...

mony
اهلا اهلا
ايه اخبار الشاورمه
انا بحبها
ابقى خلى ليه شويه
شكرا على كلامك الجميل
تحياتى

romansy said...

smilyrose
اسعدنى جدا كلامتك الرقيقه
ما اسعد السفر والترحال مع الحبيب
وما اسعدها من لحظات

romansy said...

Lola
ما كل هذه المشاعر
ما كل هذه الاحاسيس
تمنيت ان اكون دائما بجوارها
وتمنيت ان املك ذلك البساط السحرى لكى الف به العالم انا وحبيبى

romansy said...

~*§¦§ Appy §¦§*~
اتمنى فعلا ان تكون تلك الكلمات تكون معبره عن سعادتى وهى بجوارى

وشكرا على ذوق حضرتك
واسعدنى تعليقك جدا

romansy said...

اجندا حمرا +Heart Beat
اهلا بيكى عزيزتى
اتمنى فعلا الكلام يكون عجبك
تحياتى ليكى ولكلامك الجميل

romansy said...

rara
اهلا بيكى عزيزتى
شكرا على كلامك الجميل
واتمنى فعلا اننا نلاقى لحظات سعاده
مع من نحب

مهرة سالم said...

كلمات رومنسيه......
لا تصدر الا من شخص رومنسي بحق مثلك..
..........
ما أجمل شاعريتك..
وما أروع رحلتك...
فهنيئا لحبيبتك...
رحلت الحب ...
..............
الله يرزقك يا أخي أحمد بالزوجه الصالحه فتكون لك حبيبه تدللك و تهنيك ....
وتسعدك مثلما اسعدتنا بكلامك
الجميل...
.....................
في أمان الله...

سمكه واحده said...

لالالا كلامك بيكسفني
طبعا هو انا اقدر اقول لاء طبعا موفقه مش رحله بقي وهناكل حجات حلوه
بس لما نروح الاهرامات خالي بالك ابوالهول عينه مني اه انا وخده بالي بس مش عايزه تهور ومطاوي وخنقات وكده لا انا بقلك بس عشا تحترس نفسك
ههههههههههه
اصلا احلي ما في الموضوع الترحال ما اجمله من بلد لبلد وتتعرف علي طبيعه كل بلد والحضارت والتقاليد
بجد بوست تحفه ومااجمله خاصا لو ترحال مع ناس بتحبهم ويحبوك
تسلم ودمت مبدع
سمكه

بنت مصريه said...

ايه يا عم عمال انت حبيبتى انت مش عارف ايه
ممكن اى بنت جديده ف المدونات تفتكر انك بتكلمها
وتروح ف داهيه
هههههههههههههههههههههههه

بس ايه البلاد اللى تفتح النفس دى
ما شاء الله
من فلسطين للعراق يا قلبى لا تحزن
منقيلها البلاد اللى فيها حروب
شكلك عايز تخلص منها
ويكون الموت قضاء وقدر
ويسألوك تقول دا انا كنت بفسحها
ههههههههههههههههه

سيبك م اللى فات دا كله تعريج
البوست رائع بجد
واحسن حاجه فعلا الفسحه مع الحبيبه او الحبيب
لان بيكون ليها احساس خاص
احييك عالبوست

انا حره said...

ياسلام ياسلام

ايه الرحلات الجامده دى

بس ادام هيا احلام ليه مثلا متروحش باريس وتطلع فوووووووق فوق خالص فبرج ايفل بالليل

ولا تروح اماكن من اللى بنسمع عنها فى اوربا دى

ملقتش الا العراق يامفترى عشان جماعه ارهابيه تخطفكو وتطلب فديه ووقتها ابقى دور اللى يدفع هههههههههه

انا بهزر طبعا الاسلوب جميل

تحياتى ليك

Bosssssy said...

جميلة أوى الرحلة وأجمل مافيها انها شرقية . ودى دعوة منى لو جبتها وجيت الامارات ابقى ادينى رنج وانا و m.k هنستقبلكم ....هههههههه

موضوع جميل جدا ......

مع تمنياتى بالتوفيق .....

Pusssssy

linda said...

بأختصار رائعة

DINA ABBAS said...

ياااااااااه قد ايه احساس رائع وجميل

احساس بحق لا يوصف

ما اجمل ان ترحل مع حبيبتك انه فعلا اجمل رحيل

قلمك ددوما مبدع ادامه الله عليك

لك منى كل التحيه

Anonymous said...

اهلا رومانسي،
شعر حلو وانشالله تقابل رفيقة عمرك وتلف معاها الدنيا كلها،
بس أنا بنعاتبك ليش ليبيا مش من ضمن جولتكم على فكرة لو زرت الآثار في ليبيا حتحبها وحتعجب رفيقة عمرك.
سلام

Tamer Alhosiny said...

هل جربتي يوما الرحيل؟
لن نرحل الي فلسطين لنصلي سويا في الاقصي
ولن نرحل الي العراق
حيث دجلة والاثار البابلية
ولن نرحل الي المغرب
حيث العقود والقهوة المغربية
ولن نعود للقاهرة حيث النيل
والنقوش الفروعونية

سنرحل سويا الي الا مكان
حيث انتي وانا فقط
سنرحل سويا اليكي
وادخل قلبك واكتشف القمار والكواكب الفضية
سارحل لعينيكي حيث السحر والموسيقي الكلاسكية
سارحل الي شفتيكي
حيث الزوبان والاهات
الرومنسية

اليك يا اخي العزيز رومنسي
اجمل تعليق لاجل عمل
انا سعيد جدا جدا
لان بعد ساعات قليلة سوف نلتقي من جديد

تحياتي
تامر الحسيني
انا اتصلت بيك من شوية
وقالو لي انك بتحلق شعرك
ههههههههههههه
نعيما مقدما

مستنيك بالليل
وعارف انك هتبقي شيك جدا

تحياتي
تامر اخوك

المستنصر بالله said...

كلماتك جميله
واتمنى ان تقوم بهذه الرحله فعلا وتحقق احلامك

تحياتى

فراشة المرج said...

كلمات جميلة
وخاطرة رائعه

حروفها من ماء الذهب
ونسيمها عليل
ولها اريج فواح

سلمت يمناك

سهر الليالي said...

رحله جميله جدا
ابدعت في وصفها
قد عشت كاني فيها
اشكرك علي تلك الرحله
الله لا يحرمك حبيبتك وترحل معها الاف الرحلات

تحياتي
فراشه الشتاء

kochia said...

يعني الرحلة هتبدأ من عند الهرم لحول الارض ثم هترجع تاني ؟
والله رحلة لطيفة اوي

حلوة الفكرة دي
ورومانسية فعلا

همس said...

تصدق بالله انا دى رابع مره اعلق والنت يستندل معايا


انا كدا هجرب شئ مختلف عنك

هجرب الطفشان

هههههههههههههههه

بقلك ايه مفيش مكان زياده ينوبك ثواب

انا ليا صديقه مغربيه هبص عليها بصه


بجد مش هقول خيال لا دا واقع عشناه معاك باحساس حلو اووووووووى


تسلم يا عم الرومنسى
على الفله الجامده
اللى ورمت رجلينا دى

سمـــــــــا said...

جميل ان يكون رحيلنا وعودتنا مع الحبيب

والاجمل ان يكون وطننا وبوصلة ايامنا هو حضن الحبيب

خالص الود

ســـــــهــــــــــر said...

اختلطت رومانسية المشاعر برومانسية الاماكن
و جمعت بين الحبيبه و حب الاوطان
و ضغطت برفق على جروح لم تندمل بعد

انى لك كل هذا ؟

انه سحر خاص

تحياتى

mahasen saber said...

طب بتحلف ليه والله صادق
....
بس على فكره كلامى ده المفروض بقه يبقا وسام على صدرك وتاج على دماغك لسبب بقه انك كده اتاكد انك موهوب فعلا طالما احساسك وسموك بالكلمه وصلنى انا وغيرى مثلا اننا نحس ونشطح انها من اعمال كبار شعرائنا فده شئ بيدل على صدق موهبتك
.....
انا اسفه جدا لو دايقتك بس والله انا سعيده جدا انك انتا اليى كاتبها وسعيده اكتر باحساسى لانه اكدلى قد ايه انتا موهوب
....
تقبل خالص تحياتى وتقديرى وبرافو عليك ربنا يوفقك ويباركلك فى موهبتك....
اختك محاسن...

سميرة said...

الكلمات جميلة بجد والمعاني خطييييرة
الحب اجمل شئ ففي الوجود وممكن علشانه نعمل اي حاجة
يسلم قلمك يااحمد
تحياتي

شمس النهار said...

لطيفه قوي فكرة الرحيل مع الحبيبه
تعرف دي ممكن تكون فكره لشهر عسل عربيه جديده جامده وجوله حول الوطن العربي
احسن من الفلوس اللي بتضيع علي الافراح والناس مابتنبسطش
نفسح العرايس احسن

Unknown said...

هاى يارومانسى
مدونتك حلوة اوى بجد شدتنى وعجبنى جدا الفيديوهات الى موجوده خصوصا بتاع دبدوبة :)

ورحلاتك مافيش اجمل منها
تدوينة حلوة اوى بجد ويابختها من تصحبك فى تلك الرحلة

طـائر الليــل الحـزين said...

رومانسى
احساس جميل . كلمات رائعة . رومانسية لا تصدق من رجل من زمن لا يعرف الرومانسية . رحلة من منا لا يتمنى اى يسافر فيها . احسيس جميعنا نفتقدها . اماكن نتمنى ان نزورها . احييييييييييك على كل هذة الكلمات الجميلة المليئلة بتلك الاحسيس الرائعة
تحيــــــــــاتى
واشكرك على السؤال وحسن المتابعة يا رومانسى

زى الهوا said...

حلوة اوى الرحلة بس انا تعبتلكوا ما تركزوا فى بلد وخلاص ههههههه , لأ بس فعلا جميل ما كتبت

Desert cat said...

بص انا كنت داخله ابدى اعجابى بالوست
لكنى زعلت منك لما لاقيتك غيرت صورة كاظم ده روحى روحى روحى

romansy said...

M.K
شكرا اختى على كلامتك الجميله
وبلدك الجميل الامارات
كنت اود تكمله الرحله الى هناك ولكن فضلت العوده الى ارض الوطن
بناء على رغبه من احببت
شكرا ليكى

Ahmed Mohamed said...

بصراحه
الاماكن مش رومنسيه بالرغم انك احساسك انت الي رومنسي
وبعدين هيه زوجتك ولا حبيبتك ولا واحده لسه متعرف عليها
؟
تقبل مروري

romansy said...

سمكه وحده
ههههههههههه
متخفيش انا مش متهور ولا بتاع مطاوى
انا بعرف اعوم فى بحر العشق
ومش بصطاد غير سمكه واحده بس
مش بحب اطصاد غير واحده
هى تكون كل حياتى
نورتينى بتعليقك الجميل واللى دمه خفيف

romansy said...

بنت مصريه
ههههههههههه
ايه يا اجمل بنوته
متخفيش
انا لما روحت البلاد دى
حبيبت اوريها الحاجات الايجابيه فى البلاد دى
فعلا دى بلاد فيها حاجات جميله
ثانيا بقى
انا مليش دعوه
انا مش قصدت حد

romansy said...

انا حره
ومين بس اللى قالك كده
انا نفسى اروح معاها باريس
ونتعشى فى برج ايفل وكمان نشوف نهر السين
ونتفرج على القصور ونتمشى فى شوارع الشنزلازيه
بس هيه رفضت
وانا بحترم وجهه نظرها
ههههههههه
بس الحمد لله مفيش حد خطفها ولا حاجه

romansy said...

pusssssy
اهلا ببوسى
منوره فينك من زمان
وحمد الله على سلامتك
انا زى ماقلت فى تعليقى ل
m.k
حبيبتى اللى مرضتش
تعبت
بس انا نفسى اخد جوله ببرج دبى قوى
المره الجايه بقى
نورتى مدونتك
ومدونتى

romansy said...

linda
اهلا بيكى
نورتى
شكرا لكلامك
وباختصار نورتى
ودايما كده منوره

romansy said...

عاشقة الاستقرار
شكرا ليكى على كلامك الجميل
منكم نستفيد
قلمك انتى اللى مبدع
وفعلا عندك حق ما اجمل الترحال مع الحبيب
فانه ينسى الالام والاوجاع
وكل متاعب السفر

romansy said...

Sarora_S.K
اهلا ساره
ايه اخبارك واخبار ليبا
انا عمرى ما اقدر انسى ليبا بس اعمل ايه
حبيبتى تعبت من الرحال
علشان كده انا فضلت ارجعها تانى
المره الجايه بقى

romansy said...

Tamer Alhosiny
اخى العزيز تامر
بشكرك كتير كتير على تعليقك الجميل
امبارح كان طبعا اسعد ايام حياتى
لانى شوفتك وقعدت معاك
فعلا يا تامر
سارحل حيث وجودها
فى اى مكان

romansy said...

المستنصر بالله
اهلا بيك اخى
يارب البوست يكون عجبك
انا نفسى اكمله
عن قريب ان شاء الله

romansy said...

فراشة المرج
اهلا بيكى وبزيارتك الاولى
وباهل الامارات
شكرا على كلامك الاروع
ودايما يارب منورانى

romansy said...

سهر الليالي
اهلا بيكى فراشه الشتاء
نورتينى فى زيارتك الاولى
ودايما يارب رحلات موفقه كده مع الحبيب

romansy said...

kochia
اهلا بيكى
هبدا حيث تبدا هى
فانا معاها حيث كانت
نورتينى

romansy said...

همس
ههههههههههههه
تحت امرك
صحيح الحصان مش بياخد غير اتنين
بس تعالى وامرى على الله
بس انا خايف انها تغير منك
بصى على زميلتك ونرجع بس نشرب القهوه الاول
ههههههه

romansy said...

سمـــــــــــا
اهلا بيكى
نورتينى
فعلا والله كلامك صح
الاجمل اننا نكون مع من احب

romansy said...

ســـــــهــــــــــر

اهلا بيكى سهر فى زيارتك الاولى
احنل كلنا بلد واحد بنحس ببعض دايما
وميختلفش حب الوطن عن حب الحبيب
بشكرك على زيارتك
ويارب تتكرر

romansy said...

mahasen saber
لا طبعا انا مش مضايق ولا خاجه
ومين بس مش يحب انه يكون زى الشعراء الكبار دوول
شكرا ليكى وعلى اهتمامك

romansy said...

سميرة
الله يخليكى يا عزيزتى سميره
الحب اجمل شئ فى الوجود
وبيهون علينا كتير قوى
متاعب الترحال والحروب
بس الاهم انك مع حبيبك

romansy said...

شمس النهار
برضه فكره
بس مش المشكله مكان شهر العسل
المشكله ان حبيبتك تكون موجوده دايما معاك
هتبقى حياتك كلها عسل فى عسل

romansy said...

totaaaa
الله يخليكى
فرحتى بتعليقك عندى اكبر من الدنيا وما فيها
ويارب المدونه تعجبك اكتر واكتر
نورتى يا توتا

romansy said...

طـــائر الليــــل الحـــــزين

اهلا بيكى وحمد الله على سلامتك
نورتى مدونتى ومدونتك
دايما يا عزيزتى الانسان يتمنى انه يكون مع حبيبه دايما حتى لو فى اصعب البلاد
مش مشكله المكان
زى ماهو مهم مين اللى معاك فى المكان
شكرا ليكى
ودايما منوره

romansy said...

زى الهوا
التعب دا مش بيكون محسوس خالص
طالما بتحبنى وانا بحبها
يبقى عمرنا مش هنحس باى تعب
منوره
دايما
دايما

romansy said...

Desert cat
اهلا بيكى يا قطه
انا طبعا مقدرش على زعلك
بس لو لحظتى الترحال من بلد الى بلد نوع من التغيير
لازم الشخص يمر بيه
وغير كده كاظم مش صوره بس
دا احساس
بشكرك يا عزيزتى
وميهونش عليه زعلك

romansy said...

ღღAhMedღ3LaMღღ

اهلا بيكى عزيزى
مش لازم الاماكن تبقى رومانسيه خالص
ولا لازم الزمان يكون محدد
جرب يا عزيزى رحله مع من تحب
هتلاقى الدنيا جميله
مش هتخاف من اسد
مش هتخاف من حرب
مدام انت وحبيبتك
يبقى انت كده ملكت الدنيا
بس

مجلة الأم الصغيرة said...

إنك حقا رومانسي !!!!!!ا

الفراشة الصغيرة said...

جميل جدا انك تحب
بس الاجمل انك تستمتع بالحب
تعيشة وتدوب فيه
مع من تحب

دومت خيرا
وتسلم ايدك
رودى

(green eyes) said...

والله لو هرحل في مكان زي اللي في الصورة دا انا معنديش مانع :)

.............
سعدت بهذه الكلمات وبتلك المدونة
..............
تقبل مروري

rovy said...

كان يجب ان اعلم من اختيارك لام رومانسى ما تحمله من رومانسيه و لكنى لم اتصور ابداكل هذه الروانسيه باحد من قبل . .

ما اجمل ان تدعوا حبيبتك لرحله حول العالم .. و ما اجمل ان تراها الاجمل مهما صادفت من جميلات فهذا هوالحب الحقيقى الذى كم نفتقده هذه الايام ..

اسلوبك حالم و جميل و معبر جدا ..

حقيقى ما اروع احساسك .

تقديرى و تحياتى

إيمان قنديل said...

ماأجمل أن تكون الحبيبة هي الوطن

Unknown said...

حلو جدا

وبجد

اي حد يتمني يبقي مكانها

ويرحل
فعلا
الرحيل
مع الحبيب
بتشوف بعينة ومعاها
الدنيا احلي بكتير

حتي لومكان عادي وبسيط
وجودة بيحلية

وبيسب ذكري فية

واهو بردة تغير

يلا انا كمان نفسي ارحل

سلام

romansy said...

قطرات من شواطئ الحياة
شكرا يا قطرات الحياه
نورتى ومنوره دايما يارب

romansy said...

الفراشة الصغيرة
يكفى الحب وحده فى هذه الحياه
فهو يغنى عن كل شئ
نورتينى يا اجمل فراشه

romansy said...

green eyes)
انا اللى اسعد طبعا بزيارتك
واتفضلى المكان اللى فى الصوره
تحت امرك
نورتينى
ودايما منوره يارب

romansy said...

rovy
ما اجمل احساسك انتى
فهو الاجمل فى الرد الجميل
تحياتى

شخـا بيــط مـحـجـوب said...

اية يا رومانسى الحجات الجمدة دية صحيح رومانسى من يومك تحياتى ليك يا بحميد
ربنا معاك دة تعليق مبدئى وهرجعلك تانى
تحياتى
mahgoub شخابيط

romansy said...

كباريه
حبيبتى هى وطنى
وقلبى وكل كيابنى
اشكرك وياريت دايما فى تواصل

romansy said...

My Hope$
لو كنت اعرف كده كنت خدتك معانا
بس من بعيد لبعيد
علشان فيه كلام سر
تحياتى ودايما منوره

romansy said...

شخـا بيــط مـحـجـوب
اهلا بيك يا احمد
عامل ايه
يارب يكون البوست عجبك
دا يا احمد من بعض ما عندكم
بشكرك
وابقى طمنى عليك

شمس النهار said...

ده يتوقف عليك انت هتفضل
حبيب وصديق وزوج والا لا
لورعتها ورعية الحب اللي بينكم
وراعيت ربنا في نفسك وفيها وفي حبكم فعلا حياتكم هتفضل عسل
بس شويه كتير ابيض
وحبه كده صغيره اسود بس اهو عسل برضه
ربنا يبعت لك الحبيبه الزوجه اللي ترضيك وترضيها

romansy said...

شمس النهار
دايما كده يا شمس لما تعلقى فى كمان تنوريه
يارب يا شمس
ادعى بس انتى
وابقى نورى على طول

Unknown said...

يخرب عقلك.. احم سوري

بس بجد انا بقول الجمله دي لما حاجه تعجبني جدا .. و فعلا مش لاقيه غير الكلمه دي ..

رائعه بجد

romansy said...

عاقلة علي ارض الجنون
يخرب عقلى
الله يسامحك
بس كيد دا انفعال حقيقى
علشان وصلنى على طول
شكرا ليكى

DoNyA said...

معك علي ارض الشرق والغرب
نغرق في دجله
ونسير علي رمال صحرانا
نتعطر بالعطور الشرقيه
ونغفر كل خطايانا
نرمي للهوا بسمه
تاهت يوما في حنايانا
لم اجرب يوما الرحيل
لكن معك سأجازف
بين الحاء والباء
سأفعل المستحيل
بين هاذان الحرفان
اسلم لك راياتي
وهذه يدي
خذني الي منحني ليلك الطويل
خذني الي
الاهرام والنيل

****
كلمات أقل ما يقال عنها
رائعه بمعني الكلمه
أخذتني لمنعطفات جمه
أذلت لساني
لبعثرة تلك الكلمات بين يديك
فتقبل مروري
مودتي

romansy said...

DoNyA
اهلا بيكى
مش عارف ارد بايه
ولا اقول ايه
كلامك ارق من كلامى


تحياتى ليكى

zainab said...

ياه جميل قوى يا رومانسى الرحلة دى

يارب فعلا نروح كلنا فلسطين و نصلى هناك

تحياتى

romansy said...

zainab elmosalamy

ربنا يخليكى يارب

ويارب نصلى فى القدس