Saturday, October 11, 2008

حــــــبـــــك مــــرســــــــــــــــى



بــــحبـــك ومـــش خــــايــف
بــــحبـــك ومـــش شــــايــف
لــــحبـــك مـــــــرســـــــــى

بــــحبـــك وانــتـــى عـــارفة
بــــحبـــك بــشــوق ولـهفـــة
بــــحبـــك ولا مــره انــسـى
بــــحبـــك ومـــش شــــايــف
لــــحبـــك مـــــــرســـــــــى

تــعـالى نـحدد طــريـق نـمشـيه
بـس اوعـــديـــنى نـــكــمــل فـــيه
والــحــب نـوصـل مــعانـيـه
وعـلـى شـط الـــحب نـر ســـــى

بــــحبـــك ومـــش شــــايــف
لــــحبـــك مـــــــرســـــــــى

155 comments:

EMMY BABY said...

اول تعليق

EMMY BABY said...

ارغى براحتى بقى

حلو اوى الدخلة الصريحة واعترافك بحبها

بجد لما الانسان بيحب بيبقى عايز يصرخ باعلى صوته ويقول انا بحب دى

كلمات رقيقة من رومنسى

حلو الهيد بتاع البطيخة ده يعنى محدش يدخل مدونتك وهو جعان

تحياتى

ايمى

rovy said...

كلماتك جميله و رومانسيه يا رومنسى

بجد حلوه قوى

اتمنى ان تجد لحبك اقرب مرسى وان يمنحك الرحمن السعاده مع من تحب

تقديرى و تحياتى

سمكه واحده said...

انا مش بجامل اهو

ربنا يكرمك وتلاقي مرسي قريبه بقي بدل الف والدوران علي الشواطئ دي والشمس متعبه جدا

كل سنه وانت طيب وربنا يدوم عليك السعاده والصحه

تحياتي
متهيقلي تقبل مروري المره دي من غير جمرك

سمكه

رندا said...

وانت بتقولها بحبك
انا سمعتها من عندى
حتى كل الى فى المرسى قالوا ياااة فى واحد بيحب اوى الحقوة
ههههههه

يارب تحبك قد مابتحبها

تحياتى

رندا

كـــيــــــــارا said...

بـس اوعـــديـــنى نـــكــمــل فـــيه


جميل اوي يااحمد

ربنا يوفقكك

Purplewaves said...

مفيش أجمل من الكلام المباشر الصريح من غير لف ولا دوران "بحبك ومش خايف" بجد كلماتك جميلة


تحياتي

carol 2002 said...

شكرا لزيارتك لمدونتى الفقيرة
و لإضافتها داخل قائمتك
أتمنى لك كل التوفيق
:)

Desert cat said...

ربنا يجمعكو على خير

Meme said...

الله الله ايه كل هالرومانسيات يا عم يا رومنسي؟؟؟؟؟

Sweet Violet said...

تــعـالى نـحدد طــريـق نـمشـيه
بـس اوعـــديـــنى نـــكــمــل فـــيه
والــحــب نـوصـل مــعانـيـه
وعـلـى شـط الـــحب نـر ســـــى

واااااااااااااااااااو

بجد احساس حلو مووووت يارومانسى التفاؤل

ربنا يجمعك بحببتك ياااااااااارب

وردشان smilyrose said...

بحبك وبشوق غريب

بحبك ومش خايف

وغير شوقى ليكى مش شابف

حبيبتى اوعدينى نكمل سوا الطريق

حبيبى اوعدنى وانا هقهر المستحيل

بجد رائع حبك لها

ربنا يجمعك بيها فى طريق

نهايته السعادة والحب

ابدعت يا رومانسى

smilyrose

روح الحب الصادق

سلوى said...

كلمات جميله وبسيطه

بس ليه عايز تشوف مرسى

الحب الصادق هو المرسى :)

وفقك الله أخي

romansy said...

EMMY BABY
مبروك عليكى يا ايمى اول تعليق
طبعا ارغى براحتك المدونه مدونتك
انا فرحان ان البوست عجبك ولو فيه شويه صراحه اتعلمتها منكم
وعجبتك البطيخه
شوفتى اللون الاحمر
جميل ازاى
تاخدى حته ههههههههه

romansy said...

rovy
الله يخليكى يا روفى
انتى اللى كلماتك ارق
وياريت نلاقى المرسى اللى بندور عليه

romansy said...

سمكه وحده
اهلا بيكى فى مدونتى المتواضعه
نورتيها
وبعدين انا سايب البحر دا كله يجيلى سمكه واحده طب الحمد لله دا رزقى
كل سنه وانتى طيبه
وطبعا كلامك من غير جمرك ولا ضرايب

romansy said...

رندا
سمعتيها
داانا صوتى عالى قوى
اهم حاجه هى اللى تكون سمعتها
نورتينى يا استاذه

romansy said...

كيارا
ويوفقك يا كيارا

romansy said...

Purplewaves
خلاص بقى تعبنا من اللف والدوران
نورتينى
ويارب دايما منورانى

romansy said...

carol 2002
شكرا يا كارول على كلامك الجميل وزيارتك الرقيقه

romansy said...

Desert cat
امين يارب العالمين
شكرا على كلامك الجميل

romansy said...

Meme
اهلا بميمى
وباهل ليبيا كلهم كلهم
دا بعض ما عندكم
شكرا ليكى
ولزيارتك

romansy said...

ضد التيار
طب الحمد لله انه عجب ضد التيار احسن انا مش بعرف اعوم ضد التيار
نورتينى يا قمر

romansy said...

smilyrose
اهلا باجمل ابتسامه
شوفتى لما زورتينى جت نسمه هوا جميله ازاى
كلامك احسن من كلامى
نورتينى يا اجمل ابتسامه

romansy said...

سلوى
عزيزتى سلوى
انا مش عاوز اشوف مرسى الا وهيه معايا لازم فى يوم نرتاح بقى
نورتينى
وكويس ان البوست عجبك يا جميل

MISS\GH said...

كلماتك حلوه اوى اسم فعلا على مسمى حقيقى الكلمات دى والمشاعر الرقيقه دى بقينا مفتقدينها اوى مبقاش موجود الحب الى بجد بجد انت بكلامك دهخ بتحيى معنى الحب من جديد.يارب دايما تمتعنا بكلامك الجميل ده وتحياتى لقلمك.

Rosie said...

دخلة جامدة و صريحة..لذيذة..عارف تنفع اغنية..
بس يعنى أيه مرسى؟

مهرة سالم said...

أخي أحمد......
كلمات رقيقه تنساب باسلوب عذب
واضحه وصريحه...
هادئه جدا كلماتك تشعرني بسكون داخلي جميل...
............
اتمنى ان تجدا المرسى
...................
اسمحلي على التقصير ...
...........
دمت بخير

Tamer Alhosiny said...

بحبك
ةمش شايف لحبك مرسي
بحبك
وانا عارف
اني في بحرك غريق
ومش خايف
اني في قلبك صديق
ومش خايف
اني مهما مشيت فطريق
اكيد واصل
ليكي تاني
وقلبي عمره ما ينسا

ومش خايف

اجمل ما في كلماتك تحدي الخوف
فعلا في حب بيفضل طول الوقت صداقة بسبب الخوف
وفيه قلوب بنخاف نجرحها
بكلمة حب
ويبقا الحب في القلب
وعلي الهامش
ويفضل في العيون دمعة حب


تحياتي يا اخي الحبيب
علي اجمل واروع احساس

مش عارف ليه رغم انك كاتبه سعيد وجميل
انا قلبته حزين
وخايف
رغم انه مش خايف

Anonymous said...

على فكرة كلامك جميل أوى

و بجد الحب ده اروع شعور ممكن أى واحد يحسه
مفتقده الشعور ده من أيام ما كنت فى أولى ثانوى
:)




بس البطيخة اللى فوق دى جامدة آخر حاجة

انا حره said...

ربنا يجعلكو من نصيب بعض وتكملو حياتكو سوا ان كان فقربكو الخير ليكو انتو الاتنين

romansy said...

MISS\GH
شكرا يا استاذه على كلامك لجميل واللى هو فى الحقيقه ارق من نسمه صيف
ياريت دايما تنورينا

وبشكرك على اهتمامك ومتابعتك

romansy said...

Rosie
اهلا بيكى
عجبتك الدخله طب الحمد لله
اما بقى كلمه مرسى فدى معناها كبير قوى
ممكن يكون المينا اللى بيرسو عليها السفن
او كمان قلب بيدور على حنان والحنان هنا هو المرسى

شكرا ليكى ولزيارتك الجميله

romansy said...

M.K
اهلا باهل الامارات
شكرا على الكلام الحلو دا
ويارب فعلا الانسان يلاقى المرسى اللى بيحلم بيه
بشكرك تانى
وتالت
ودايما كده منوره

romansy said...

Tamer Alhosiny
تامر انا مش لاقى كلام ارد بيه عليك بعد الكلام الجميل والرومانسى اللى انت كاتبه
صحيح الخوف ممكن يهد فينا حاجات كتير علشان كده لازم نقهره بالتحدى والاصرار
ودايما مش لازم الانسان يخاف لانه لو خاف مش هيقدر يحقق حاجه خااااالص
شكرا يا استاذى

romansy said...

انا ودماغي

منوره دايما كده يارب
انتى على كده حبيتى بدرى قوى
بس الاحساس بالحب عمره ما بيتنسى

شكرا على كلامك الرقيق

romansy said...

انا حره
اهلا بزيارتك الاولى
نورتينى وياريت دايما تنورى على طول

Unknown said...

وعايز المرسي ليه

(:

رفقة عمر said...

قال رسول الله صلى الله عليه وسلم
لم اجد للمتاحبين سوى النكاح
بمعنى الزواج
جمعك الله بها على خير
قريبا ان شاء الله

إنتظارات شاهقة said...

تــعـالى نـحدد طــريـق نـمشـيه
بـس اوعـــديـــنى نـــكــمــل فـــيه
والــحــب نـوصـل مــعانـيـه
وعـلـى شـط الـــحب نـر ســـــى

هنا يبدأ العمل الفعلى
تحديد الطريق والمضى قدما
الاستمرار والحماس لاكمال الطريق
وفى الاول والاخر ربنا الموفق

نحن من نحددالمرسى
حدد مرساك على خريطة اعمالك واذهب الية

دام حسك
ربنا يسعدك

احترامى

بنت الصالحين said...

حلوة اوي الكلمات دي


تحياتي

Lola said...

بحبك ومش شايف لحبك مرسي
هذا اصعب حب يا عزيزى00حب مرصود للمجهول0
اعجبنى جدا التعبير00لأنه شديد البساطه ويختصر الحكاية0

لولا

جوجو said...

السلااااااام عليكم

ايه البوست الجامد ده

تــعـالى نـحدد طــريـق نـمشـيه
بـس اوعـــديـــنى نـــكــمــل فـــيه

بصراحة كلمات جميلة جدااا

تحياتى

طوبه فضه وطوبه دهب said...

ربنا يكرمك يا رومنسى وتجد البر والرمرسى الذى تستقر عليه ويهدا بالك وترتاح نفسك تحياتى واسفه على التاخير

Unknown said...

تــعـالى نـحدد طــريـق نـمشـيه
بـس اوعـــديـــنى نـــكــمــل فـــيه

الكلمتين دول حبتهم اوى خصوصا الايام دى يعنى

عين بتغمز
:)

الصورة كمان الى انت مختارها جميلة اوى و راقية مش مبتذلة و اضفت احساس و بعد اكتر لكلماتك الجميلة

kmt said...

السلام عليكم ورحمة الله وبركاته
ازاي مش خايف وانت مش شايف مرسى

بــــحبـــك ومـــش خــــايــف
بــــحبـــك ومـــش شــــايــف
لــــحبـــك مـــــــرســـــــــى

عارف امتي لما تحب من اجل الحب مش من اجل الحبيب
تحياتي
الي اللقاء

romansy said...

esraa
اهلا منورانى
بصى بقى يا اسراء
انا محتاج المرسى مش عشانى
علشانها اصل انا بخاف عليها قوى من البحر وهى جت معايا علشان بتحبنى بس
مهما كان خوفها
شكرا ليكى يا قمر

romansy said...

رفقة عمر
اهلا
دايما منور
اللهم امين يارب
شكرا ليك

romansy said...

احلام اليقظة
شكرا بجد على الكلام الجميل دا
والكلام دا مش ليه بس برضه لاى حد لازم يحدد هدفه وبعدين يتوكل على الله ويخوض فيه
وربنا ان شاء الله هيحقق احلامه

romansy said...

عاشقه الفردوس
شكرا على مجاملتك الرقيه
دا من ذوق حضرتك
ودايما كده منوره يارب

romansy said...

لولا

عزيزتى لولا
اتعلمت منك الكتير ودا جزء منه الجراه
اما الحب بقى
فممكن يكون حلاوته فى عذابه

دايما منوره يا لولا

romansy said...

جوجو

الله يكرمك دا على قدنا كده

دايما يارب منوره كده
على طول على طول

romansy said...

طوبة ذهب وطوبة فضة
ممكن يكون جوه كل واحد فينا حلم بيحاول يوصله
ويلقيله مرسى بس ان شاء الله المرسى قريب

دايما كده يارب منوره

romansy said...

عاليا حليم
اهلا باستاذتنا
شرف كبير ليا انه يعجبك الكلام دا طبعا
والمشاعر والاحاسيس دى ملكنا يعنى مش بنحب نهينها
ونطلعها فى صور مش كويسه
دايما كده منوره يارب

romansy said...

kemet

اهلا بيكى

منورانى
وازاى اخاف وانا معاها
ومش شايف المرسى لانى عاوز اكون معاها على طول على طول

nona said...

كلماتك جميلة و كلها حب و تفائل
قوى كدة امال اسمك رومنسى ببلاش يعنى
لازم نشوف احلى الكلام منك

romansy said...

nona
ماشى يا اميره نونا
من بعض ما عندكم
انتى اللى كلامك اجمل

Happy Hope said...

مش عارفة ليه لما قريت الكلمات حسيت انها حب من طرف واحد
بدون أمل
بدون مرسى
حبها هو المرسى
لكن انت مش شايف المرسى
لكن فيه اصرار على حبك بدليل عدم خوفك

كلمات جميلة من القلب
أتمنى انك تلاقى بر الأمان و المرسى

تحياتى

yoyo said...

بحبك و مش خايفة
بحبك ومش شايفة
غير حبك مرسى
فأنا على شط عيونك رسيت
وفى سكنك أدمنت وبك احتميت
فهل سيخرجونى منك ؟!

أنا أحبك مع كل دقة من دقات قلبى
عاهدتك أنا بحبى و لأجل حبك أضحى
أحــــــــــــــــــبك
وحبك أمل باقى فى حياتى
أحبــــــــــــــــبك
يا نور تغلغل فى اوصال فؤادى
أحــــــــــــــــبك

طالما بتحبها وهى اكيد بتحبك هتقدر تعلم المستحيل وترسم أحلى حياة مادام قدرت تزيل حاجز الخوف اللى ممكن يدمر الحب من قبل ما يبدا

احساسك جميل اوى وكلماتك بسيطة و تلقائية ودخلت القلب بسرعة كمان
وحسيتها منك اوى كلمة ( بحبك ) كانك بالفعل بتوجها لحبيبتك

دام احساسك المرهف ومشاعرك الجميلة
تحياتى
يويو

Unknown said...

رائعه
الحب
اسمى ما فى الوجود ان اردت الصدق
زيارتى الاولى ولن تكون الاخيره تحياتى

kochia said...

حلو البيتين الصغيرين دول
لخصوا القضية كلها

تحياتي

حاتم عرفة said...

جميل يا رومنسي
جميلة أحاسيسك قوى
وتعبيراتك الشعرية تحغة

أحييك بجد

تتعلما العوم سويا فى بحر لا تدريان عنه شيء..
ولكنه مطمئن..

و مريح
و مفرح

يوما ما ستصلان الشاطيء..
وعندها سيصبح البحر كله لكما

...........

حبيبه said...

ايه الرومانسية الجامدة دي
يارب تلاقي المرسي قريب لانك لو لقيته هتحس بحاجات اكتر واكتر

Selfmeaning said...

لا والله تستحق لقب رومنسى عن جداره

:)

RASHA said...

جميل جدا احساسك بيها اللى ترجمته لكلمات بجد حلوةاوى

romansy said...

Happy Hope
جميله قوى كلامتك لازم طالما الانسان بيحب حبيبه لازم يكون معاه لاخر لحظه فى عمره
نورتى
ودايما كده منوره يارب

romansy said...

yoyo
انا بجد وقفت قدام تعليقك مش عارف اكتب ايه ارد على ايه بالضبط
على الشعر الجميل
ولا الاحساس الجميل
ولا كلامك الاجمل
حيرتينى يا يويو
وياريتك تحيرينى على طول
ومش عارف اشكرك ازاى على كلامك الحلو دا
ويارب كا واحد فينا يلاقى المرسى اللى بيدور عليه
نورتينى يا اميره على عرش الحب

romansy said...

احمد بدر الدين
نورت يابو حميد
يارب تكون المدونه عجبتك
ودايما كده يارب تواصل فى تواصل

romansy said...

kochia
شكرا على تعليقك
وذوقك
دول لخصوا كل المشاعر والاحساسيس
نورتينى

romansy said...

حاتم عرفه
مش البحر بس يا حتوم
دى ساعتها الدنيا كلها ليه
كل زياره وانت طيب
ويارب بقى تكرر الزياره

romansy said...

حبيبه
امين يا حبيبه علشان الواحد تعب بقى
خلاص نفسنا نرتاح
بس اقولك دا احلى تعب
كل مرسى وانتى طيبه
ونورتينى

romansy said...

Selfmeaning
شكرا على ذوقك
احنا اتعلمنا منكم
الرومانسيه
وكل جميل

نورتينى

romansy said...

shasha
يارب بس اكون عند حسن ظنكم
بس ان كانت كلامتى جميله
فانتى ريشتك اجمل
نورتيى يا شاشا

زى الهوا said...

جميل اوى البوست وفعلا رومانسىىىىىىىىى وعجبتنى اوى البطيخة اللى متهيألى كدة والله اعلم انها جديدة

مها said...

بتعجبنى الجمل ذات الإيقاع السريع
وأنت مبدع جداً فى المنطقة دى

كل أمنياتى الحلوة

نـــــور said...

ايه ده يااحمد؟!!!!!!!!!!!
انت بقيت تكتب اغانى؟

انا استغربت
واذا كانت دى اول محاولاتك لانى معرفش يبقى كله تمام وليك مستقبل:)

اعتذر لعدم قدرت لعى المتابعه باستمرار لانى بدأت دراسه خلاص

تحياتى جدا

Rania Lelah said...

نداءك جميل اوى اوى بجد
رائع و رقيق و مليان بالرومانسيه
ربنا يسعدك ديما

تحياتى

ساسو said...

بجد كلماتك جميله
ومدونتك رائعه واجمل ما فيها البطيخه
هههههههههه
وعجبني اوي موضوع العيد حلو اوي
ربنا يوفقك وتلاقي المرسى اللي ترتاح فيه

هبة النيــل said...

تــعـالى نـحدد طــريـق نـمشـيه
بـس اوعـــديـــنى نـــكــمــل فـــيه
والــحــب نـوصـل مــعانـيـه
وعـلـى شـط الـــحب نـر ســـــى


دي روعة جداااا

Anonymous said...

عزيزي رومانسي

كلماتك رقيقه و في منتهي الرومانسيه كأسمك

الحب هو ان ينظر الطرفين في نفس الاتجاه في نفس الوقت
تحياتي لك و لكلماتك الرقيقه

Selfmeaning said...

حسستنى ان عندى 50 سنة

على ما اعتقد ان اتعلمت معنى حاجة

يبقى انا علمتك الاكتئاب بس

mahmoud said...

جميل جميل جميل
من زمان ماقريتش شعر غنائي فى المدونات
كله جميل

انا حره said...

انا بسمع الكلام اهو علطول بزورك بس مش لاقيه جديد

romansy said...

زى الهوا

طب الحمد لله انه عجبك يارب اكون عند حسن ظنكم

والبطيخه جديده فعلا

romansy said...

مها
اهلا بيكى وزيارتك الاولى
ربنا يخليكى
ودايما منوره يا مها

romansy said...

habiba
حبيبه نورتى
دى مش اول محاولاتى
انا بحب الشعر من 13 سنه
وكتبت شويه كده على قدى
زوزى مدونتى التانيه
http://omnyat.blogspot.com/
ولا يهمك يا حبيبه
اهم حاجه الدراسه

romansy said...

Rania
رانيا
دايما منوره كده يارب وتعلقى على بوستاتى المتواضعه
ربنا يخيكى دايما يارب

romansy said...

Rania
رانيا
دايما منوره كده يارب وتعلقى على بوستاتى المتواضعه
ربنا يخيكى دايما يارب

romansy said...

ساسو
اهلا بيكى وزيارتك الاولى
وياريت تتكرر كتير كتير
مبسوط قوى ان مدونتى عجبتك
دا شرف كبير ليه
دايما منوره كده يارب

romansy said...

هبة النيــل

اهلا بيكى وزيارتك الاولى ليه يا هبه النيل
يارب كلامى يكون عجبك
واتمنى دايما كده يعجبك

romansy said...

اجندا حمرا +Heart Beat

دايما كده يارب يجعل حياتك كلها سعاده
عندك حق والله
لازم التعاون بين الطرفين

romansy said...

Selfmeaning
ههههههههههههه
مين اللى قال كده بس
انتى دايما جميله فى اى وقت
سواء مودك كويس او حزين
وانا ابدا مش اتعلمت الاكتئاب ولا اى حاجه
نورتينى يا جميل

romansy said...

محمود خليفة
اهلا بيك وبزيارتك الاولى ليه
يارب فعلا يكون عجبك
تحياتى

romansy said...

انا حره
ربنا يخليكى يا جميل ليه
الجديد دايما فى زيارتك

romansy said...

شهد الكلمات
خلاص قبلنا الدعوه
شكرا على الدعوه الجميله

mahasen saber said...

هيا المرسى دى اليى مجننا كل المحبين
واول ما الواحد يقع فى بحر الحب
يفضل يدورله على المرسا ..وغالبا مش بيلاقيها ..وبينتهى الحب بالموت غرقا او صعقا بالكهرباء اهه بيموت فطيس وخلاص....
بس بخلاف الحب والمرسى والغرق والضياع ده ...انا بشكرك على زيارتك لمدونتى وبجد خدت جوله كده فى مدونتك بس عجبتنى قوى واققولك على حاجه بقه اختى لو شافت مدونتك هتتبسط قوى عارف ليه
عشان صورة كاظم والاسم ... هيا حامل وبتقولى مينفعش اسمى ابنى كاظم قولتلها لا ليطلع ساهر ويطلع عينك..
بجد مدونتك رائعه وجميله ويكفى انك محدد لنفسك خط الرومانسيه اههى حاجه شبه نادره الايام دى...

حاسوباتيه said...

جميله قوي ويارب تلاقوا مرسى لان الحب من غير مرسى ممكن يضيع

كريم بهي said...

جميل ما كتبت
والاجمل انك احببت
والاجمل جميل انك لا تجد مرسي
فالحب الضائع فى بحور الشوق الذ
صددقنى
احيانا المراسى تقتل لهفة الشوق
فالركود ليس سمة الحب


كريم بهي
شاعر

ابقى زورينى

saragebaly said...

جميلة كلماتك يا رومنسي

وجميل اعتراف الحب اللي بقى قليل جدااا

عجبني اوي العنوان

فكرتني بأغنية منير ((على أول مرسى ))

يارب تلاقي لحبك مرسى وهيكون احلى واجمل مرسى ان شاء الله

تقبل مروري وتحياتي

سارة

Unknown said...

جميله جدا ..

بس معلش هنتقدها ..

هي مباشره شويه .. بس رائعه برضو :)

تحياتي

كمان عاوزه اقولك الستايل بتاع البلوج بقي جامد :)

ياسمين

Aиgel said...

هنيئاً لـ محبوبتك بالعشق الجميل و بك

ألتمست بحروفك هناالصدق و الحنان ,, و بعثرةالأمان معها


كنت سعيده بقرأتي لكلماتك ..
فتقبل مروري المتواضع ..
Angel Love

إيمان قنديل said...

أجمل حاجه أن الواحد يبقى عايش في بحر الحب وموش شايف له شط ولا مرسى

Mona Shereif said...

طيب اعمل ايه يعنى
بتقلبوا عليا المواجع كده
بس بجد جميله اوى

"بــــحبـــك ومـــش شــــايــف
لــــحبـــك مـــــــرســـــــــى"
تحفة

canary said...

يا لسعادتك بهكذا حب

متعك الله به

وحفظه لك

همس said...

ايه الكلام الجامد دا

بس تخيل اول ما ضربت بعينى فى العنوان

افتكرتك بتحب فى حد اسمه مرسى

هههههههههههههههههههه


فيارب تلاقى مرسى باه

بس بجد كلام حلو اوى

يا عم الرومانسى


ومعلشى لتقصيرى فى المجى هنا بس علشان خاطر مرسى هتلاقينى هنا علطول

هههههههههههههههه

انا بهرج


بجد مدونه لذيذة

سلاااااااااموز

Sweet Violet said...

تاج سبعاوى وصلك تعالى استلمه بقى

شفت التدبيس الرسمى

:D

صوت من مصر said...

انا مش هتجمل بجد انا هعلق على الموضوع الى فات هل انت لسه مقتنع ان الريس المبجل محمد حسنى مبارك هو قائد الضربه الجويه ويستحق الشكر بعد كل ده ؟

soulmate said...

كلماتك ماشاء الله فوق الرائعه جميل انك تحب حد كده بس الاجمل انك تعرف نهايته فين وانت الى تحدده بايدك

بنت مصريه said...

دا انت رومانسى بجد بقى
شوف الظن وانا اللى كنت فاكراك بتضحك علينا هههههههههههه
شعر رائع
اتمنى تنورنى

حـــــ الــجــنــة ـــــور said...

السلام عليكم
بجد بدون مجامله كلماااات رائعه وياريت كل إنسان يلاقي مرساه يااارب
سلمت يمناك يأ رومانسي باشا
النهارده عيد ميلادي وجيت أخد الهديه أكيد حتقول هتي الطورطه لالالالا هات الهديه الأول ههه
كل سنه وأنا طيبه وإنت بصحه وخير
سلااااام

فى القلب said...

أسم على مسمى رومانسى

عجبنى أوى الوضوح و الصراحه ويارب كل قصه حب حقيقيه ترسى على مرسى

سميرة said...

رومانسي
احساسك عالي كالعادة
وانت دايما كدا حالم وجميل
تحياتي:)

نيرة و منةالله said...

جميلة اوى
بس اعتقد انك محتاج تقرأ اكتر عشان تثقل موهبيتك
بس بجد انت بتعرف توصل احساسك كويس

"عبير النجار "نيجار said...

رومانسي اخويا الغالي
بجد كلاماتك روعه يا ملك الرومانسيه وكلها احساس عارف انت عايز حته تعيش فيها زي بورا بورا بجد انسب واحد يعيش فيها صح ولا لأ
تحياتي ليك

Teawater said...

ايه اللوك ده بطيخ طيب حط برتقال دا البطيخ في الشتا او حط تفاح تمشي مع الرومانسيه
بس تصدق حلو
وبعدين ايه يا عم الرومانسيه ديه حالة حب جديده ولا ايه

اسفه خالص اني اتأخرت في الرد بس كنت مشغول في حاجه كده هابلغهالكم ع البلوج قريب عشان تباركولي كويس اني مفتنيش كتير
بوست كامل الدسم
ههههههههههههههههههههههه
اقصد كامل الرومنسيه

الفراشة الصغيرة said...

حلوة قوى
تسلم ايدك
عجبتنى قوى

اعلانك لحبك ليها

بحبك وانتى عارفه
بحبك بشوق ولهفه

جمييييييييييييييييييييييييييييلة

رابطة مدوني الدلتا said...

ابحث انت عن المرسي وستجده مها ابتعدت عن الشط

كلماتك جميلة ومعبرة

تحياتي

_____________________________

رحلة تضامن مع حملة المدون خالد الصاوي ضد قضية يوسف والي

تزايدت أعداد المصابين بالسرطان في مصر في الفترة الأخيرة بشكل بشع بحيث التبس الامر علي كثير من الناس عن اذا ما فاق عدد المصابين بالمرض الأصحاء أم لا انشغل الجميع بالبحث عن العلاج وبانشاء مستشفيات ومعاهد خاصة بالاورام أورام الكبار والاطفال وانشغل العلماء بالبحث العلمي لاكتشاف أسباب الاصابة بالمرض الا أن الجميع أجمع علي أن من أهم الاسباب الرئيسية للاصابة بالمرض هو المبيدات الكيميائية التي انتشرت في مصر في الفترة الاخيرة لتسميد وهرمنة المحاصيل الزراعية التي زادتها حجما وزادتنا نحن مرضا وهما وحزنا بفقدان كل يوم غالي وعزيز لدينا وانطلقت قضية المبيدات المسرطنة التي صاحبت فترة تولي الوزير السابق يوسف والي وزارة الزراعة وقامت الدنيا وهاجت وماجت للمطالبة بمعاقبة المسئول الذي بسببه وبسبب استيراده المبيدات من أشد الدول كراهية لنا وحلمها الرئيسي هو القضاء علينا اسرائيل أصابنا ما كان ثم هدأ كل شيء وكالمعتاد تم تقديم كبش فداء ليتحمل النتائج كلها ويفلت صديق السلطة من الحساب والمثول أمام الشعب للعقاب لا بل ويترك ليمارس عمله ويدمر أكثر وأكثر

ثم جاء النداء في صورة مريض بهذا الداء ولكنه بارادة من حديد تحدي الضعف والمرض وقام من سريره ليقف في ساحة الشرفاء ليعلن أنه مادام الموت قادم فليأتي ولسان حالي صارخا لن أتركك تهنأ يامن حرمتني من متعة الحياة يامن زرعت في قلبي خوفا علي مستقبل الابناء ليحشد حملة ضخمة للمطالبة بمحاكمة يوسف والي ليعلن أن دوائه ليس بالكيماوي وانما بالاقتصاص للجميع من جالب الداء

وأعلنا نحن رابطة مدوني الدلتا في اجتماعنا الاخير عن انضمامنا لحملته ومساندته اياها وتم تكليف كل من المدون يوسف الشافعي ورامز عباس بزيارة الاستاذ خالد للاطمئنان عليه أولا ومشاركته الوجدانية والمعنوية ثم اعلان انضمامنا معه في حملته للتنديد بمحاكمة يوسف والي والحق يقال لم يتأخرا كل منهما عن الذهاب ولم يترددا في بذل الجهد والمال من أجل الذهاب فباسم الرابطة أتوجه لهم بخالص الشكر والاجلال وعادا لنا بهذا الحوار الذي أطلقا عليه

حــــــــــــــــــــــــــــــــــــــــــوار التضــــــــــــــــــــــــــــــــــــــامن

س1-في البداية بنرحب بحضرتك وبالفعل أسعدتنا زيارتك فهي ليست زيارة صديق عزيز وزميل غالي فقط
ولكنها زيارة لأنسان يمتلك ارادة فولاذية وحب للأخرين
ج1-أولا: أنا في غاية السعادة لتحملكم مشقة وحضوركم الي هنا.واشكرك علي هذة الاستهلالة الطيبة ولكن الارادة لصيقة بنا
من خلال ايماننا بالله سبحانه وتعالي ومن خلال معطيات جيلي الذى نشأ في خلال أخريات سنوات نكسة 67 وتحدى ارادتنا
الشعبية بكل معوقاتها حتي العبور العظيم .

س2- طالعت منذ فترة نداء لك علي موقع هموم نت تقول فيه أنك بصدد رفع دعوى قضائية علي يوسف والي
وزير الزراعة السابق؛ فما هي النتائج التي تتوقع .

ج2- أولا: مازالت أبحث عن حقوقيين لديهم من الجرأة لرفع مثل هذة القضية لانهم لن يواجهو يوسف والي فقط
بل سيعبرون بي وأعبر بهم كل الخطوط الحمراء وأخطبوط الحكم في مصر.........أما عن النتائج المرجوة من ذلك هو أن أضع
مؤسسات الحكم في مصر في موقف يظهرأمام الشعب موقفها ومعدنها الحقيقي فهل فعلا هم مع سيادة القانون والديمقراطية
الحقيقية التي يتشدقون بها ليل ونهار أم انهم شركاء في التستر علي هذة الجرائم التي تمت ومازالت تتم ضد شعبنا المغلوب علي أمره
واضافه الي أنني أريد القصاص الذى شرعه لنا المولي عزوجل ثم تعويد المواطن المصري علي المشاركة والايجابية
في المطالبة بحقوقه ومحاسبه المسئولين أين كانوا علي جرائمهم وقد تتحقق هذة النتائج اولا تتحقق ويبقي لي شرف المحاولة وارضاء ربي وضميري...

س3-هناك أحكام براءة لرجال النظام أمثال هانيء سرور(شركة هيدلينا) وممدوح اسماعيل(شركة السلام للنقل البحري)
فهل تتوقع أن يتخلي النظام عن والي أم يحميه بشكل فج وفاضح

ج3-بالنسبة لقضايا العبارة وقضايا الدم الملوث تعامل النظام بشكل يحمل التبجح وعدم اللا مبالاة واللا مسئولية تجاه هذا الشعب وبنفس الطريقة حاول النظام وأد فكرة تقديم يوسف والي للمحاكمة فأنا أحاول أيقاف والي في ساحة المحكمة وهذا أول مكسب اما كونه سيحصل علي البراءة من عدمها فهذا مرجعه للقضاء المصري ولكن كل ذلك يكشف للموطن العادى عيوب السلطة الحاكمة اضافة الي انها
تزيد من السخط الشعبي علي هذا النظام وتجعل شعبيته تتراجع حتي وسط مريديه من أعضاء الحزب الوطني نفسه
وأعتقد أن كم الاستقالات الاخيرة بالحزب توضح لنا مؤشر شعبية النظام الحاكم وفقدانه مصداقيته رغم امتلاكه كل مقومات الأعلام ومؤسسات تعمل لصالح ولتثبيت أركانه في الحكم.

س4- هل استعنت باحدى مراكز حقوق الأنسان، بشكل أوضح هل لديك مساندة قانونية وأن لم يكن لديك فمن تتوقع مبادرتة في قضية قومية كقضية (المبيدات المسرطنة)

ج4-أتصلت ببعض المراكز الحقوقية لمساندتي في القصاص لحق هذا الشعب ولكن استشعرت أن لديهم بعض الحسابات الاخري في تعاملهم مع السلطة من حيث التصدى لبعض القضايا وقد يكونوا معذورين في ذلك لانهم يعملون تحت سقف الخطوط الحمراء لا فوقها وكما قلت سابقا انني لا أبغي المساندة بقدر ماأبغي كشف وفضح النظام أمام الرأيء العام المصري والعالمي .

س5- ما هي خططك كمريض نتاج أدخال المبيدات المسرطنة؟؟؟؟؟
ج5-هذة الحملة التي أقودها من أهدافها وقف التطبيع مع العدو الصهيوني وخاصة في مجال الزراعة والتي ثبت للجميع سوء نيته في التعامل معنا اضافة الي أن اعتمادنا علي تفوق اسرائيل زراعيا قد أدى لاختفاء بذور لمحاصيل زراعية مصرية أصلية مما يهدد الزراعة المصرية بالخطر ويجعلنا دائما في احتياج لهذا الكيان الصهيوني..

س6-هل تتوقع تجاوب روابط المدونين وتجاوب مرضي السرطان مع الوقفة الأحتجاجية؟؟
ج6-اعتقد ان المدونين بدأو في التفاعل الحقيقي لقضايا شعبهم قطعكما هذة المسافة الطويلة والحضور لزيارتي يدل علي تجاوب المدونين
لقضايا وهموم شعبهم ،أما بخصوص مرضي السرطان فأعتقد أن تجاوبهم ذا فاعلية كبيره لما يعانوه من ألام تمنعهم من الحضور .

س7-علي ضوء ذلك هل هناك توقعات أن يصل صوتكم للرأيء العام المصري والعالمي؟
ج7-نعم لأن العالم أصبح قرية صغيرة بسبب التقدم في وسائل الأتصالات المسموعة والمرئية وانتشار الصحف فهذة هي الضربة القوية التي نعتمد عليها في ايصال صرختنا الي العالم.

س8- من جانب أخر هل تود قول شيء بالنسبة للمعاملة العلاجية مع مرضي الأورام.
ج8-للأسف الحجم الذي ينفق علي ميزانية الصحة في مصر هو 5% بدلا من 25% وذلك يؤدى بالضرورة الي اخفاق المؤسسات العلاجية
التابعة للدولة في تنفيذ المهام العلاجية لها بالاضافة لوجود مافيا العلاج والاطباء في القطاع الخاص أدى كل ذلك الي أرهاق المريض
ماديا ومعنويا واصبح من يملك نفقة العلاج يحصل عليه ومن لا يملكه فيحرم من الحياة،اضافة الي أن هناك دورة روتينية سواء في
التأمين الصحي أو العلاج علي نفقة الدولة تعطل المريض من الوصول الي التشخيص المبكر لحالته وأنشد أن يكون هناك
جهاز خاص داخل هذة المؤسسات يسرع في تسهيل الكشف والفحص والعلاج لأصحاب الامراض المزمنة أو القوية والخطيرة مثل مرضي
السرطان والكبد والقلب والسكر والضغط لأن المريض عندما يخوض هذة الأجراءات يعاني الاحباط والتوتر مما يزيد حالته سوءا ويجب
مراعاه الحالة النفسية والمعنوية للمريض أولا وأن توضع في الاعتبار لانها هي المقوم الاساسي في مقاومته لهذة الامراض.

س9- ماالذى تتوقعه من رابطة مدوني الدلتا وبظنك في هذة المحاولات التي تقوم بها ماذا تريد من رابطة
مدوني الدلتا أن تساندك فيها؟
ج9- أولا أشكر رابطة مدوني الدلتا بالاصالة عن نفسي وعن شعب مصر لهذا الموقف الشريف ،وحضوركم كممثليين لها
وهذا يدل علي أن هذة الرابطة في الفترة الاخيرة اتجهت اتجاها حقيقيا وشريفا في التعبير عن قضايا شعبها لا عن موقف ايدلوجي
لجماعه معينة بل هو موقف لصالح هموم هذا الشعب واتمني ان يكون للرابطة دور في مساندتنا في قضيتنا عن طريق
المشاركة الاعلامية والتواجد أثناء الوقفة الاحتجاجية ليكونوا صوتا معبرا عن حال شعبها.

وهذا هو نص البيان الموجود علي مدونة الاستاذ خالد الصاوي



عاجل ---------- بيان مرضي السرطان للدعوة لوقفة احتجاجية
" ولكم في القصاص حياة يا أولي الألباب "باسم مرضى السرطان في مصر وباسم كل الذين يعانون الآلام
والتوترات الجسمية والنفسية والمادية نطالب بالقصاص من وزير الزراعة السابق
يوسف والي حيث أنه هو المسؤل الأول عن دخول المبيدات المسرطنة
إلى شعبنا وبعلم منه وهذا يعد قتلا مع سبق الإصرار والترصد
ونجد تخاذلا من السادة المسؤلين في تقديمه للمحاكمة ونحن نسأل لصالح من
عدم تقديمه للمحاكمة وعدم القصاص منه ؟ هل أرواح شعبنا رخيصة لهذا الحد ؟
هل آلامنا سهلة وبسيطة ؟
لذلك ندعوكم لوقفة احتجاجية يوم الاثنين الموافق 20 /10/ 2008
أمام دار القضاء العالي الساعة الثامنة صباحا ونرجو من كل مواطن شريف

معد الحوار :رامز عباس


مسجل الحوار:يوسف الشافعي


ومن هنا تناشد رابطة مدوني الدلتا كل مدون شريف كل أب يخشي علي صحة أبنائه كل أم تحلم باشراقة أمل تراها في عيون أبنائها أن تشارك الاستاذ خالد الصاوي حملته من يستطع المثول أمام دار القضاء العالي فليفعل ومن يستطع أن يكتب فليكتب ولنعلنها جميعا لا للفساد والفاسدين

Unknown said...

كلماتك جميلة
جدا

احنا نيجي جنبك اية
وشكرا
ان فكرة البوست بتاعي عجبتك
نورت مدونتي
دي اول زيارة ليا وان شاء الله هتتكرر
واتمني تكرر زيارتك

سلام
مني

فـــر يـــــدة said...

جميل أن تضع وسط تعليقاتك حملة التضامن تلك ..بالفعل ما زال هناك حالمين بالأفضل.. عسى الله أن يوفقنا و نكن منهم
تحياتى

دعاء مواجهات said...

جميله اوى هى طبعا أغنيه

أو خاطرة

لأنى محبش الاقى بقى واحد داخل يقوول قصيدة فظيعه

بيخلطوا جامداوى

حلوة كلمات أغنيتك

يابحاار

بيس

طـائر الليــل الحـزين said...

رومانسى
انا بشكرك على زيارتك . عشان ادتنى فرصة اشوف واقرى الكلمات الحلوة دى
انت واضح من كلماتك انك انسان رومانسى جدا .
بحبك ومش شايف لحبك مرسى
واضح ان ده حالنا كلنا
بحيييييييك يا جميل

ريمان said...

هههههههههههه


جميل والله

كلماتك جميله وبسيطه ودمها كمان خفيف

بيس خلى بالك

ومن الحب ما قتل

وما دبح

هههههههههههه
مع تحياتى

ريمان

e_emy said...


بــــحبـــك ومـــش خــــايــف
بــــحبـــك ومـــش شــــايــف
لــــحبـــك مـــــــرســـــــــى

كلام جميل اووى
وجريىء

تقبل مرورى :)

Unknown said...

بجد جميله جدا

romansy said...

mahasen saber
اهلا بيكى
نورتيى المدونه برغم كل الغرق والضياع دا
بس منوره بزيارتك
اوقات كتير الانسان مش بيكون عاوز المرسى
عاوز دايما يخليه غرقان فى بحر الحب
اما بقى بخصوص كاظم الصغير
يجى بالسلامه يارب
ومتخفيش عليه هيطلع لمين غير لخالته
كلامه جميل زيها كده
شكرا لزيارتك الجميله

romansy said...

حاسوباتيه
اهلا بيكى يا سياده المبرمجه
احنا لازم ندور على المرسى
احنا بنحاول بس على استحياء كده لاننا عاوزين نغرق فى حبنا دا
شكرا يا حاسوباتيه على زيارتك
اللى سرعت الجهاز
وغيرت مواصفاته

romansy said...

كريم بهي
عندك حق والله انا هبتدى اطبق النظريه دى
نلغى جميع المراسى
نورتينى يا كريم

romansy said...

saragebaly
اللهم اااااااامين
بس مش يكون مرسى عادى يكون برضه فى نص البحر
ولا اقولك انا نفسى اكون معاها بس

romansy said...

عاقلة علي ارض الجنون
شكرا يا اجمل عاقله على نقدك
خلاص بقى الانسان بيتعب من الف والدوران
على حاجه قالتها عيونه قبل قلبه ولسانه
شكرا على ذوقك
والكلام الجميل

romansy said...

Angel
كلامتك الجميله دى يا اجمل ملاك
وساااااااام على صدى
بشكرك كتير عليها
ودايما منورانى

romansy said...

كباريه
وما الدنيا الا بحر كبير
فعلا كلامك صح
اهم حاجه انى اكون بس معاها سواء بقى فى بحر الحب
او على احلى مرسى فى الدنيا
نورتينى
واسعدتينى بزيارتك الاولى

romansy said...

Sometimes
هههههههههه
مش تقليب مواجع ولا حاجه
انتى دايما فكراه ومش هتنسيه ابدا
مهما كان بينكوا من بحور
ويارب تعيشور كده فى حب وهنا وسعاده
من غير اى مرسى

نورتينى

romansy said...

canary
اللهم ااااامين
بس انتى فى الفتره الاخيره مش عاجبانى
يارب يكون خير

romansy said...

همس
ههههههههههههههه
علشان خاطر مرسى بس
انا على فكره حبيبت مرسى اللى هيخليكى تيجى على طول
وتشرفينى فى اى وقت

romansy said...

ضد التيار

اهلا يا ضد

نورتينى
وكمان جايبه معاكى تاج
انا كده حظى من السما
يا مدبسانى

romansy said...

صوت من مصر
اهلابيك
شرفتينى يا اعلى صوت فى مصر
والله انا كل همى من نصر اكتوبر
هما بس الشهداء اللى ضحوا عشانا
اما بقى بخصوص الضربه الجويه
دى بقى بيقولها فى الاغنيه
هههههههههه

نورتينى

romansy said...

مشمشه
عجبنى قوى قوى كلامك
بس الاجمل انك تعرف نهايته ايه
انتى عارفه لما يكون الانسانبيحلم حلم جميل مش بيكون عاوز يصحى من النوم
علشان مش عاوزه يخلص
هو دا الحب يا عزيزتى
نورتينى

romansy said...

بنت مصريه
ماشى
انا من زمان بكتب شعر من 13 سنه
بس كنت بكتبه ليه بس
بس اعمل ايه بقى للحب
ابقى زورى مدونتى التانيه
http://omnyat.blogspot.com/

romansy said...

حـــــ الــجــنــة ـــــور

كل سنه وانتى طيبه يا اجمل حـــــ الــجــنــة ـــــور

وعقبال ميت سنه
هديتك موجوده عندى بس لما ندوق التورته

الف ميت مليون سنه يعدوا عليكى بخير وسلام

romansy said...

فى القلب
ربنا يخليكى
نورتى المدونه بس اوقات بنحتاج اننا نغرق فى الحب
نورتينى
وياريت تنورينى على طول يارب

romansy said...

سميرة
عزيزتى سميره
لازم الانسان يكون كده علشان يقدر يفكر فى مستقبله
ويفكر كويس

نورتينى يا سميره

romansy said...

نيرة و منةالله
شكرا يا نيره ومنه الله
على نقدك الجميل دا
ومبروك على المدونه الجديده
وانا هسمع النصيحه
وهقرا كتير
نورتوا الدنيا كلها

romansy said...

نيجار

اختى الغاليه نيجاااااااار

كلامك جميل قوى ودا كتير عليه
انا مستهلش دا كله
اما بقى بخصوص الجزيره مينفعش اعيش لوحدى لازم حبيبتى تكون معايا
بس انا لسه معرفش هيه فين بالضبط

نورتينى يا اختى العزيزه

romansy said...

Teawater
هههههههههههههههه
اشكرك على الكلام الجميل
انا الصراحه ملقتش كلمه مكتوبه باللون الاحمر اكتر من كده
اعمل ايه تانى بقى
وليه تتاسفى بس
لا عادى ربنا يقويكى
بس ياريت بجد الكلام يكون عجبك
نورتينى

romansy said...

الفراشة الصغيرة
الله يخليكى على ذوقك
انا فعلا نفسى يكون ليه حبيبه جميله
كده
انتى عارفه ان الانسان اوقات بيفضل انه يكون غرقان فى الحب كده على طول ومش هيزهق منه
لانه بيحب بكل حواسه

نورتينى يا اجمل فراشه

romansy said...

رابطة مدوني الدلتا

شكرا على كلامتك الجميله
ونحن معك
ومع استاذنا خالد الصاوى

romansy said...

My Hope$
الله يخليكى
منكم نستفيد
شكرا علىكلامك الجميل والرقيق
وطبعا الزياره هتتكرر
ودايما يارب كده منورانى

romansy said...

فـــر يـــــدة

شكرا على تعليقك الجميل
احنا دايما ايد واحده
دايما يارب منوره كده

romansy said...

دعاء مواجهات
شكرا على زيارتك الجميله
ولكلامتك الجميله
انا مش بحااااار ولا حاجه
انا يدوب لسه بتعلم العوم

منوره دايما كده
وياريت الزياره تتكرر تانى

romansy said...

طـــائر الليــــل الحـــــزين
اهلا بيكى
انتى طبعا رومانسيه اكتر منى بكتير
واحنا لسه بنتعلم منكم
ياريت فعلا منلقيش المرسى دا
اخلينى معاها احسن
طول ما انا جنبها بحس بالامان
نورتينى
وياريت تكررى الزياره يارب

romansy said...

ريمان
دا اجمل حب يا ريمان
ان الانسان يكون دايما مع حبيبه فى وسط الاخطار يحس بخوفها عليه
ساعتها بقى بكون فى عالم تانى بعيد عن كل شئ
ومش عاوز المرسى اللى هيبعدنى عنها لو كان موجود

romansy said...

e_emy
طبعا يا ايمى المدونه مدونتك
تشرفينى فى وقت
انا سعيد جدا ان الكلام عجبك
نورتينى يا ايمى

romansy said...

Little Lady
شكرا ليكى
على كلامك الجميل
وياريت فعلا الكلام يكون عجبك
دايما كده منوره يارب

Coca said...

الحب لا كلمات تستطيع وصف الانسان عندما يشعر به
اروع احساس في الدنيا حتي في الامه رائع
النيك نيم بتاعك لذيذ رومانسي
تحياتي يا جميل

romansy said...

Coca
شكرا على كلامك الجميل
ودايما منوره