طبطب عليا

لا بقيت بحس بطبطبتك عليا 
ولا بقيت بحس بيك انا اصلاً
تعبت انا كل ما امدلك ايديا 
ترجع حزينه من صدتك ليا 
انت ليه بس بنفسك دى متحصن
اخرج وبص بحب شويه ع الدنيا
وخليك حنين وعيش فى الدنيا واسكن

تكون بخير

هروح واجى مسافه السكه هرجعلك 

دى اخر كلمه سمعتها منك من سنين
حضرت حالى وف كل مكان بفتكرك 
وخلاص بقى فاض جوايا الحنين 
ممكن تكون قابلت الصعب ف حياتك
وخلاص نسيت ان ليك حبيب يحبك
لكن انا عمرى ماانسى ف يوم غرامك
ولا عمرى انسى كل ايامى الحلوين
هروح واجى مسافه السكه هرجعلك
دى اخر كلمه سمعتها منك من سنين
مش مهم لما ترجعلى نعيش سوا
المهم انك انت........ تكون بخير

خليها على الله

قلبك مخنوق .......مخنوق قلبك

اهدى وهتروق.........وتنول حبك
هتعيش مرتاح .....وتكون افراح 
وتعيش ف براح ....والكون عجبك 
خليها على الله........... وسلملهاله

زى الحلم

زى الحلم ماعدى ثوانى 
نفسى احلم....... بيك تانى 
تيجى ف حلمى ...تنسيلى همى 
تزرعى جوه فى قلبك حنانك 
اصلا قلبى دا يبقى مكانك 
ياللى سكنتى جوه الروح
.نفسى احلم بيك تانى
لما صحيت من نومى رسمتك
اميره جميله جوه القصر
ضحكه ما تفارقش شفايفك
ياللى جماله ماله حصر
طول اليوم مبسوط متهنى
عمال ارسم وشويه اغنى
قولت ياريتى اشوفك تانى
كل شويه تغمض عينى
يمكن تلمح وتشوف طيفك
نظره جميله تحلى سنينى
وتعيشى العمر على كيفك
نفسى احلم بيك تانى

اتهنيت كام سنه

اليوم بيعدى معاك الف سنه ضوئيه 

شوف بقا ياحبيبى انا اتهنيت كام سنه 
كفايه انك يا حياتى على طول بتحس بيه
وكفابه انى وانا معاك بعبش فى سعاده وهَنا
مش محتاج حاجه.............. تانى م الدنيا
غير اننا بس....................... نكون سوا
اليوم بيعدى معاك الف سنه ضوئيه
شوف بقا ياحبيبى انا اتهنيت كام سنه
ربنا يخليك يا حبيبى واقدر احقق احلامنا
ونهد الصعب نخلى طريق الامل قدمنا
اصل انت الفرحه اللى قلبى وانت نور عنيه
مش محتاج حاجه.............. تانى م الدنيا
غير بس نحقق احلامنا ...........انتى وانا

قالو عن الحب

الحب الحقيقي : هو أن تحب الشخص الوحيد القادر على أن يجعلك تعيسا

أجمل ما في الدنيا: الحب والرغيف والحرية

الإهمال يقتل الحب ، والنسيان يدفنه

الحب لا يقتل ا حد إنما يعلقه بين الحياة والموت

الحب سلطان ولذلك فهو فوق القانون

أنت لا تعرف قلبك حتى تفشل في الحب

الحب كالقمر له وجهان: الغيرة هي الوجه المظلم

الحب يقضي على الكثير من الآلام لأنه أعظمها

أن تحب: صدفة ان تستمر هذه إرادتك

الفرج

ولرب نازلة يضيق لها الفتى ..... ذرعا وعند الله منها المخرج
ضاقت فلما استحكمت حلقاتها ..... فرجت وكنت أظنها لا تفرج

بلاش احزان

يا عمرى الدنيا ما تسوى تنام زعلان 
ولا اى شئ يستاهل... ان انت تعانى 
ابعد شويه كتير ..........عن الاحزان 
وافرح وامرح وعيش ف الدنيا امانى 
مش عاوز اشوفك تانى حزين حيران 
بكره تلاقى قلبك ......ونصك التانى

الحب

ﺍﻟﺤﺐ ﻛﻠﻤﺔ ﻣﻦ ﻧﻮﺭ ﺧﻄّﺘﻬﺎ ﻳﺪ ﻣﻦ ﻧﻮﺭ ﻋﻠﻰ ﺻﻔﺤﺔ ﻣﻦ ﻧﻮﺭ قلب

تاه الكلام

تاه الكلام منى كل..... ما قربت منك
ابعدى عيونك شويه علشان اقدر اقول
ان ف حياتى ودنيتى مقدرش استغنى عنك
وانتى ف حياتى كلها اللى بتمنى انول
تاه الكلام منى بس اوعى تفتكريه خوف
دا اللى يشوفك يعرفك يتحدى كل الظروف
دا انت اجمل شئ ف عمرى

بكدب عليكی

لو قولتك انی بحيك يبقی بكدب عليكی

 لانی بكل بساطه انا بمووووت فيكی

 حرام بقی كفايه تعبت من الكدب

قلبك ياغاليه حكايه قلبك غير كل قلب 

دقاته عزف الكمان واوتاره نظره عنيكی

على إسم مصر

عـلى إسـم مصـر التـاريـخ يقدر يقول ما شاء
أنـا مصـر عنـدى أحـب وأجـمـل الأشـيـاء
بـاحبـها وهـى مالـكه الأرض شـرق وغـرب
وبـاحـبها وهـى مـرمـيـه جـريحـة حـرب
بـاحبـها بعـنـف وبـرقـة وعـلى استـحيـاء
واكـرهـهـا والـعـن أبوهـا بعـشق زى الداء
واسيـبها واطفـش فى درب وتبـقى هى ف درب
وتلـتـفـت تـلقـيـنى جنـبـها فـى الكـرب
والنبـض ينفـض عروقـى بألف نغـمة وضرب
صلاح جاهين

في رمــضــان

أغلق مدن أحقادك واطرق أبواب الرحمة والمودة
فارحم القريب وود البعيد وازرع المساحات البيضاء في حناياك
وتخلص من المساحات السوداء في داخلك
صافح قلبك ابتسم لذاتك صالح نفسك وأطلق أسر أحزانك وعلّم همومك الطيران بعيدا عنك 
أعد ترتيب نفسك لملم بقاياك المبعثرة اقترب من أحلامك البعيدة 
اكتشف مواطن الخير في داخلك واهزم نفسك الأمّـارة بالسوء

حسن العمل

محلى صيامك

محلى صيامك....مهما يطَول
دا انت حبيبنا يا شهر الصوم
نتمنى تتعاد............م الاول
ياللى فيك بنصوم..... ونقوم 
بعشق صوت المدفع لمــا
وساعتها....... نتجمع لمــه
بعد تعبنا ........طول اليوم
محلى صيامك....مهما يطَول
ومحلى سحورك مهما يكون
صوت الفجر مميز دايما
صوت كله جمال وحنون
بنصلى الفجر ويرجع قلبى
خالى من....... كل الهموم
دا انت حبيبنا يا شهر الصوم

رمضان كريم

كل سنه........وانتم طيبين 
على اغلى الناس والمدونين
ونفضل طول الشهر صايمين 
وف صلاه التراويح ساجدين
وعلى اجمل فطار فاطرين 
كل سنه ........وانتم طيبين

االحياه تجارب

الحياة بمرها وحلوها .. تجربة جمالها ليس فى حلاوتها أو مرارتها 
ولكن فى الدروس التى نتعلمها خروجنا منها أقوى وأقدر فالحياه 
تجربه فيها الخطأ وفيها الصواب والعاقل فقط هو من يستفاد من اخطائه
وحقيقة الأمر أن هذه الصدمات قد تساعدنا في غربلة 
نفسك لتخرج نقيا خاليا من العيوب..
كثيرا ما تعطينا قوة لم تكن لتظهر لو لم نتعرض لهذة الصدمات
عن أبي هريرة: أن النبي صلى الله عليه وسلم قال:
“المؤمن القوي خير وأحب الى الله من المؤمن الضعيف، وفي كل خير.."
الضربات القوية تهشم الزجاج فقط.. لكنها تصقل الحديد
أحيانا..تساعدنا على خلق مفترق طرق لنا.. لنغير مسار نهج انتهجناه طيلة حياتنا

ليله النصف من شعبان

في ليلة النصف من شعبان، تم تحويل قبلة المسلمين من البيت المقدس إلى الكعبة فى مكة المكرمة، حيث ذكر عدد من المؤرخين ورواة السيرة النبوية أن تحويل القبلة من بيت المقدس إلى الكعبة كان في الخامس عشر من شعبان في السنة الثانية للهجرة بعد أن صلى النبي صلى الله عليه وسلم بمكة 16 أو 17 شهرًا فتم تحويل القبلة تلبية لرغبة النبي، كما جاء في قوله تعالى "قَدْ نَرَىٰ تَقَلُّبَ وَجْهِكَ فِي السَّمَاءِ ۖ فَلَنُوَلِّيَنَّكَ قِبْلَةً تَرْضَاهَا ۚ فَوَلِّ وَجْهَكَ شَطْرَ الْمَسْجِدِ الْحَرَامِ ۚ وَحَيْثُ مَا كُنْتُمْ فَوَلُّوا وُجُوهَكُمْ شَطْرَهُ ۗ وَإِنَّ الَّذِينَ أُوتُوا الْكِتَابَ لَيَعْلَمُونَ أَنَّهُ الْحَقُّ مِنْ رَبِّهِمْ ۗ وَمَا اللَّهُ بِغَافِلٍ عَمَّا يَعْمَلُونَ" وجعل الله سبحانه وتعالى لليلة النصف من شعبان مزية خاصة لقول النبي صلى الله عليه وسلم : "إن الله يطلع على عباده في ليلة النصف من شعبان فيغفر للمؤمنين، ويملي للكافرين، و يدع أهل الحقد بحقدهم حتى يدعوه"

احكيلك حكايه

حبيبتى يا غاليه عندى انا حكيلك حكايه 
هقولك مش هخبى..... هقولها من البدايه 
كان يا مكان فى قلبى حبها ف قلبى ساكن 
قلبى دا قلب نونو معرفش الحب لما 
غير لما جت عيونو ضمت قلبى ضمه
فكرها لحد بكره ولحد ما نبقى لمه
وابتدى انا قلبى يحبى ويروح كل الاماكن
كان يا مكان فى قلبى حبها ف قلبى ساكن
وابتدى يكبر ويكبر القلب النونو يكبر
وكل يوم يعدى يحبك اكتر واكتر
لحد ما جت عيون شريره تاخدك منى
حاولت ابعدها عنك بسيفى وغصب عنى
معرفتش انى احوشها عشان لقتيك راضيه
انك تبعدى عنى والحجه انى نونو وقلبى لسه نونو
علشان اتعلم منك الحنيه م البدايه
حبيبتى يا غاليه عندى انا حكيلك حكايه
هقولك مش هخبى..... هقولها من البدايه

ليه تتعب قلبى

ليه تتعب قلبى ......وياك 
مكفايه كلام بقى ومناهده
فضلت العمر..... استناك 
جاى تقولى اصبر واهدى 
وحلم القلب .....انه يلقاك 
وعيونى فحبك اهى شاهده
ليه تتعب قلبى ......وياك
دا احنا ما بينا وعود ومعاهده
هفضل اتعب روحى معاك
ولا خلاص مبقاش فيه فايده

وغلاوتك بحبك

اصرخ وابكی محدش سمعك 
ما انت عامل كده ف نفسك
صوتك عالی تملی يا غالی
سيب الرحمه تنزل قلبك 
متفكرش وسيبها علی الله
ونظم يلا حياتك ووقتك
هتلاقی بيبان الرحمه اتفتحت
والضحكه رجعت علی وشك
وبلاش تشكی تانی وتبكی
انا مقدرش فی يوم علی زعلك
اصل دموعك غاليه عليا
وانت ف قلبی ساكن حبك
انت ما تعرف والله غلاوتك
اد الكون بحاله بحبك .. بحيك

تفتكر

ايه بس اللی خلاك تسيبها ما كانت ف ايدك 
جنبك وبين ايديك وقصاد عيونك
بس ليه لما غابت قلبك بيسال عنها 
تفتكر لو بين ايديك هتعيش احلی سنينك
تفتكر لو جاتنی تانی هو انا هقدر اسيبك

العمل

العمل هو أساس الحياة التي نعيشها ونحياها اليوم حيث أنه يعتبر المصدر الرئيسي للرزق والقوت الذي يرتجيها كل إنسان على وجه الأرض والعمل معروف بالنسبة للإنسان منذ بدء الخليقة حيث أنه يعتبر بالنسبة له احد العوامل الرئيسية لاستمرار الحياة وتوفير مستلزماتها والإنسان الذي لا يعمل يعتبر فرد غير فعال وغير منتج

محتاج لحضنك

محتاج لحضنك وحنانك يلى غايب من زمان
محتاج ان اعرف مكانك واروحلك فاى مكان
مش عشان اغير حياتك او اتسبب انى اضايقك
لا عشان اقولك اسف كنت اتمنی ابقی جنبك
عاوزك تسامحينی ...........وكفايه عليا احبك
محتاج لحضنك وحنانك يلى غايب من زمان
محتاج ان اعرف مكانك واروحلك فاى مكان

عيد تحرير سينا

عيد تحرير سينا عيد الفرحه وعيد البهجه
وعيد النصرورجوع الارض لحض الشعب 
ياما شقينا واتمنينا نعمر سينا وترجع لينا
بس دا كله بفضل الله....... بيهون الصعب
حاربنا سنين وسنين من اجلك لاجل تعودى
واما رجعتى يا سينا لاهلك.... ليه سابوكى 
بعد مات الالاف.... والوف من شهدائنا 
عاوزين نبنى فيكى ونعمر دا احنا بداءنا
نمشى على الطريق المظبوط ونهد الصعب
عيد تحرير سينا عيد الفرحه وعيد البهجه
وعيد النصرورجوع الارض لحض الشعب
الحرب دلوقتى اتغيرت مبقتش بالدانه والسلاح
الارض بدمانا اتحررت ومندمش على اللى راح
يلا نبدا بسم الله يلا حى على الفلاح
يلا حى على الفلاح

نكمل المشوار

انا حبيت واتحبيت............. واتمنيت اكون جنبك

اعيش جنبك فى اجمل بيت اكون روحك اكون قلبك
يا اجمل حب بيه حسيت ....وفيه نفَسى تكون نفَسك
تعالى نكمل المشوار...... يا اجمل عمر انا قضيت

بحلم واكمل حلمها

بحلم واكمل حلمها ...........وتحلم تكمل حلمى 

ودى انا مستغربلها معقول تكون خلاص حبى
قلبى دايما بيشتاقلها....... وعاوزها دايما جنبى 
بحلم واكمل حلمها ...........وتحلم تكمل حلمى
قلبى بيكون محتاجلها........ ويفكر دايما فيها
قوام يقوم يحلم بها........... ويخاف جدا عليها
خلاص يا قلبى بوحلها .....وروح اجرى اليها
داانت اللى عاشق سحرها..... وانطقلها بحبها
بحبها.....واحلم وكمل حلمها...وتحلم تكمل حلمى

راجع تانى

ليه بس تجرحنى يا اغلى الناس ف قلبى 
بدل ما يوم تفرحنى وتفضل العمر جنبى 
تسيبنى قوام وتبعد وتنسى بسهوله حبى
خلاص براحتك........... ...عيش حياتك
بس اوعى ف يوم لتنسى ان انا كل حياتك
روح وجرب حب تانى .....حضن تانى
بس عارفك مش هتنسى.... حبى وحنانى
وعارف ان انت راجع .....لحبك تانى

مرتاحه فى حياتها

سيبها وابعد عنها يا قلبى 

خليها مرتاحه فى حياتها 
واياك تقولى انا ايه ذنبى 
خليها تفكر فى اللى فاتها
لا يا قلبى.... احب اقولك 
انا بتمنى ف يوم سعادتها
سيبها وابعد عنها يا قلبى
خليها مرتاحه فى حياتها
اللى يحب عمره ما يكرهه
واللى يكرهه يبقى محبش
اصل الحب دى حاجه جميله
ومين يقدر بيه ميحسش
خليها مرتاحه فى حياتها
بس ف غيرها متفكرش

الرجوع للماضى

فى ناس شايفه ان رجوعك كده للماضى دا فعل حرام 
بس انا شايف ان الماضى بكل تجاربه بيدى دفعه لقدام

الام

الأم كلمة صغيرة وحروفها قليلة لكنّها تحتوي على أكبر معاني الحبّ والعطاء والحنان والتّضحية

، وهي أنهار لا تنضب ولا تجفّ ولا تتعب، متدفّقة دائماً بالكثير من العطف الذي لا ينتهي

، وهي الصّدر الحنون الّذي تلقي عليه رأسك وتشكو إليه همومك ومتاعبك.
الأم هي الّتي تعطي ولا تنتظر أن تأخذ مقابل العطاء

، وهي التي مهما حاولتَ أن تفعل وتقدّم لها فلن تستطيع أن تردّ جميلها عليك ولو بذرة صغيرة؛ فهي سبب وجودك على هذه الحياة، وسبب نجاحك، تعطيك من دمها وصحّتها لتكبر وتنشأ صحيحاً سليماً، هي عونك في الدّنيا، وهي التي تدخلك الجنّة، فقد قال رسول_صلى الله عليه وسلم _: إنّ الجنّة تحت أقدام الأمّهات، فهل يوجد أعظم من هذا ؟ وهل يوجد شخص في العالم يستطيع أن يوصلك للفوز بالجنّة؟ إنها الأم التي تعطيك مالا يستطيع أحد أن يعطيك إيّاه.

ابتسم

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " تَبَسُّمُكَ فِي وَجْهِ أَخِيكَ صَدَقَةٌ "

خليك رقيق يا قلبها

خليك رقيق يا قلبها 
ولو عاوزا تقسى قلها تقسى بحنية 
ده انا ... لا لا بطل أساطير 
ولا باليد حيلة عشان اطير ولا مشى على الميه 
لكن فى قلبى حبها 
وعلى نحيتك يا قلبها مكتوب أغانييا
و أمشى أسمى باسمها روحى 
وعاوز افرشلها على الجمر عينيا
ومن كتر حبى لحبها 
مش قادر اعرف مين أنا فينا ومين هيا

حبك جوه الروح

مش برتاح غير بس معاك
ياللى سكنت.... جوه الروح
انا مش قادر.... انسى هواك
ولا اقدر لغيرك اقول وابوح
لما بتبعد بلقى...... ف بعدك 
كل القلب اهات...... وجروح
ولما تقرب ..... ببقى سعيد
وقلبى معاك مطرح ما تروح
خليك جنبى يا اغلى الناس
خللى كلام العين مســموح

العتاب

ليه بتطلب منى اعاتبك ما انت عارف يا حبيبى انى مش بهوى المعاتبه

مش هترضينى لما تقولى اسف او هتهدينى بهديه بدون مناسبه

بحبك جدا جدا

نايمه زى الملايكه...... وشكلك حلو جدا
ياريتى اكون فى حلمك فارس بيحب جدا
واكون لك شهريار.... وتكونى جميله جدا 
ونقضى ليله حلوه....... لحد الديك ما يدن 
يا غاليه...................... وغالى حبك 
بحبك.............جدا..................جدا

نعيش اللحظه

ما أجمل أن نجعل الماضي محطة نعود لها لنستخلص الإيجابيات
ونصلح السلبيات لنعيش حاضر رائع ومستقبل مشرق
، والأجمل أن لا نطيل في الماضي الحياة جميلة فقط عندما نتأمل فيها ونعيش اللحظة

اصعب احساس

اصعب احساس بيقابل الواحد

لما يكون فيه ناس بتبيعك
وانت بعيد... مكتوف اليد 
طب ليه الناس كده كرهه الواحد
طب وانت قريب ليه حاضنيك
ويقولك سره ومتقولش لحد
طب ليه الناس دايما تتغير لما بتبعد
وانت قريب تساله مرديش يرد
هو العيب فيك انت يا قلبى ولا دا فيهم
داانت بتحزن لما الشر يجى جنبيهم
فوض امرك انت يا قلبى لربى الواحد

رحمتك يارب

انت يا بنى معاك تذاكر 

لا يا عمو..... مش معايا
طب يالا يابنى روح وذاكر
بدل ما تاخد تذكره مفيهاش رجوع 
بس يا عمو............ فريقى بيلعب
وانا مقدرش اسيبه مهما كانت الظروف
يابنى ابعد ...يابنى خاف..يابنى شوف
انا يا عمو جاى اشجع من غير خوف
وهخاف ليه انا............ هنا ف بلدى
جنب قريبى وجنب اصحابى وبعيش بامان
هما قالولنا ياعمو بلادنا الامن والامان
ولا ياعمو دى حكايه وانتهت من زمان
انا رايح للى احسن منك ومن كل البشر
هناك هلاقى رحمه عنك هناك هتجوز قمر
بس قول لامى تدعى وتصلى للرحمن

هو الدم رخيص كده ليه

هو الدم رخيص كده ليه 
والاحزان فى كل مكان
تقتل تحرق تضرب ليه
كل بيت مليان احزان
ماسك هو فى ايده ايه
غير علم يحمى الاوطان
ف كل حته تلاقى موت
وف كل شارع تلقى صوت
وتلاقى ام حاضنه صوره ابنها
يبقى ليه..... يبقى السكوت
قولى ذنبك ايه تموت
كل ذنبك انك بتدافع عن بلادى
ولا ذنبك انك رايح تشجع نادى
وف الحالتين هتموت هتموت
هو الدم رخيص كده ليه