افرح

الافراح لما بتتكرر

 تخلى القلب سعيد مبسوط

والاصحاب لما بتهزر

 تعلى الضحكه ويعلى الصوت 

والحببين لما بيتخانقوا 

يبقى القلب حزين مكبوت 

طب ليه نعيش احزان ومراره 

ونقضى حياتنا خساره 

فى كلام فاضى ومش مضبوط 

صباح الحريه

صباح الحريه .......... يا مصر الطيبه 

على شعبك الجميل ..... ودموعه القريبه

من فرحته بنفسه ........وناسه الطيبين

من فرحته ببلده .......وجيشه العاشقين 

لارضك يا مصر ....يا مصر المحبين

صباح الحريه .......... يا مصر الطيبه 

اه بحبك

اه بحبك .... قولتها كده من زمان 

دانتى حبك .... يحلى بيكى المكان 

بس اوعدينى ...انك يوم ما تسيبنى

ونعيش سوا فى سعاده وامان 

عشقك

وعشقانى وانا عشقك

وحبانى وانا حبك 

وابص بس ف عيونك

دموع تنزل على خدك

وامسحها بايدى دول 

واقول فى بالى مش معقول

يكون فى الدنيا زيك

شكرا لحبك

شكرا لحبك.. 

فهو معجزتي الأخيره.. 

بعدما ولى زمان المعجزات. 

شكرا لحبك.. 

فهو علمني القراءة، والكتابه، 

وهو زودني بأروع مفرداتي.. 

وهو الذي شطب النساء جميعهن .. بلحظه 

واغتال أجمل ذكرياتي.. 

شكرا من الأعماق.. 

يا من جئت من كتب العبادة والصلاه 

شكرا لخصرك، كيف جاء بحجم أحلامي، وحجم تصوراتي 

ولوجهك المندس كالعصفور، 

بين دفاتري ومذكراتي.. 

شكرا لأنك تسكنين قصائدي.. 

شكرا... 

لأنك تجلسين على جميع أصابعي 

شكرا لأنك في حياتي.. 

شكرا لحبك.. 

فهو أعطاني البشارة قبل كل المؤمنين 

واختارني ملكا.. 

وتوجني.. 

وعمدني بماء الياسمين.. 

شكرا لحبك.. 

فهو أكرمني، وأدبني ، وعلمني علوم الأولىن 

واختصني، بسعادة الفردوس ، دون العالمين شكرا.. 

لأيام التسكع تحت أقواس الغمام، وماء تشرين الحزين 

ولكل ساعات الضلال، وكل ساعات اليقين 

شكرا لعينيك المسافرتين وحدهما.. 

إلى جزر البنفسج ، والحنين.. 

شكرا.. 

على كل السنين الذاهبات.. 

فإنها أحلى السنين.. 

شكرا لحبك.. 

فهو من أغلى وأوفى الأصدقاء 

وهو الذي يبكي على صدري.. 

إذا بكت السماء 

شكرا لحبك فهو مروحه.. 

وطاووس .. ونعناع .. وماء 

وغمامة وردية مرت مصادفة بخط الاستواء... 

وهو المفاجأة التي قد حار فيها الأنبياء.. 

شكرا لشعرك .. شاغل الدنيا .. 

وسارق كل غابات النخيل 

شكرا لكل دقيقه.. 

سمحت بها عيناك في العمر البخيل 

شكرا لساعات التهور، والتحدي، 

واقتطاف المستحيل.. 

شكرا على سنوات حبك كلها.. 

بخريفها، وشتائها 

وبغيمها، وبصحوها، 

وتناقضات سمائها.. 

شكرا على زمن البكاء ، ومواسم السهر الطويل 

شكرا على الحزن الجميل .. 

شكرا على الحزن الجميل

اعدى الصعب

والايام بتجرى بسرعه وعشت معاكى اجمل حب 

ياللى حبك خلانى بنظره عيونك اعدى الصعب 

مع السلامه 2013

لقد انتهى هذا العام بكل مافيه من اشواق وعذاب وحب وجفاء  -

وسوف يبتدى عام جديد نود ان نبتديه بكل حب وشوق وسلام  

  اختلفنا ام اتفقنا فنحن فى اخر اليوم فى مكان واحد لابد ان يملاه الحب -

 اختلافى مع بعض اصدقائى ليس لاننى احب دائما نقدهم ولكنى لانى احبهم -

تقصيرى مع بعض اقاربى غصبا عنى فسامحونى فانا لا استغنى عنكم -

كلما مر عام تلو العام يكثر فى شعرى اللون الابيض . هكذا تمضى الحياه -

كل ما يسعدنى فى عامى القادم هو ان تكبرى امامى لحظه بلحظه احبك -

كل ما يقلقنى فى عامى القادم هو الخوف من المستقبل  ولكن اعلم -
 ان الله على كلشئ قدير وسوف ابذل قصارى جهدى باذن الله 
اخشى عليكى كثيرا كثيرا من نفسك فحافظى عليها لاننى اعشقك كثيرا -

رحمك الله يا والدى فانت دائما معى فى كل لحظاتى وحياتى فى جنه الخلد-

رزقك الله الزوج الصالح يا من تسكنين بخاطرى احبك كثيرا-

شفاك الله يا اغلى من فى الوجود اعشق الجنه تحت قدمك -

فى النهايه اللهم حقق لى امالى واحلامى وارزقنى الخير حيث كان -

كيف لى حبيبتى

 كيف لى حبيبتى ان امتلك ؟ كيف لى اميرتى ان اصبح عاشقك؟

 كيف لى ان امتلك شمسا تضئ الدنيا باسرها ولا يصل للعالم حبك؟

كيف لى ان امتلك قمرا منيرا ويصبح العالم مظلم ينتظر نورك؟

 كيف لى ان امتلك حبات اللؤلؤه فى عينيك وخيوط الذهبيه بشعرك؟

ولكنى حبيبتى ساحاول واحاول حتى اصل الى ما اريده 

 فساكون يوما ما ملكا على عرش قلبك  ارتوى من حبك

واسكن وريدك الى ان يشاء الله 

الفين مبروك

كل اللى اقدر اقولهولك الفين مبـــــــروك

بس اوعاك تنسى فــــــ يوم ناس حبوك

بس القدر والظــــروف....... مقدرتش تلمهم 

وانت حبك مهما كان.............. ساكن قلبهم

ولو مرت سنين وايام انت اللى شاغل فكرهم

وعلى راسهم يا.............. غالى شـــــــالوك

كل اللى اقدر اقولهولك الفين مبـــــــروك

اتمنالك تفرح دايما....... وتعيش مبسوط

وتفضل ضحكتك الحلوه وبعلو الصوت

كده ماليه الدنيا سعاده مش ورد وشوك

بس اعرف دايما يا حبيبى اللى اتمنوك

كل اللى اقدر اقولهولك الفين مبـــــــروك

سكنى هو قلبك

لكل عاشق سكن وسكنى هو قلبك

مازلت احبك

بعدما غبتى عنى كل هذه الايام والسنون 

مازلت احبك فانا لك عاشق مجنون 

اعشق تلك ........الاهداب والعيون 

اعشق هذا الوجهه .....والجفون 

فانا لا اهتم ....... بما يقولون 

لاننى فقط عاشق مجنوووون 

فينك يا ملاك

فينك يا ملاك ...دورت هناك

على احلى كلام انا شوفته معاك

بدور عينى......... هنا وهناك

يمكن ...................تلقاك

فينك................... يا ملاك

ولا يمكن مره... فى يوم انساك

متغبش................. علينا

ولا انت................. هواك

كده بعدك .................عنا

المشكله فى الضمير

المشكله كده مش رئيس ولا فى النظام 

المشكله كده فينا......... من غير كلام

الحلو فينا مستخبى........... م الزمن دا 

والوحش ظاهر........ وباين زى اللئام 

مستنى بس الفرصه تيجى عشان يشيلك

من مكانك................ وياخد هو المكان 

المشكله بقت الضمير اللــــــــــــــى انعدم

ف الزمن دا.......... وخلاص يلا السلام 

المشكله كده مش رئيس ولا فى النظام 

المشكله فى الفهلوه ولا كلام طار ف الهوا

ولاَ الوعود ولا الروتين اللى فينا من زمان

المشكله فينا احنا والدليل ع الكلمه دى

اننا عايــــــشين................. فى محنه 

الغنى عايش بماله والفقير عشاه احلام 

المشكله كده مش رئيس ولا فى النظام 

يلا خاف عليا يلا واخاف عليك 

منا برضه من .......لحمك ودمك 

وايديا اهى............ ممدوده ليك 

نعيش حياتنا............ونبنى بيتنا 

ونعيش سوا فى...... هدؤء وامان

البوم صورك

افتح البوم صورك هتلاقى نفـــسك وانت صــــــغير

عمال تتنطط تتــشاقى ومش عــارف ان انت بتتغير 

فى كل لحظه وكل ساعه وهيمان ف الدنيا اللى تحير

لعبك جنبك بين احضانك نفسك تفضل لحد ما تكبر

افتح البوم صورك هتلاقى نفـــسك وانت صــــــغير

وانت فى حض امك وابوك ولا تعـــــرفش ايه متقدر

ولا تعرفشى ايه متدارى ولا على بالك ان انت تـفكر

وادى صوره كمان وانت بتجرى والدنيا بتشتى وتمطر 

وانت فى وسط اصحابك ماشى ومين يا صحبى معاك هيوصل

افتح البوم صــــورك هتلاقى لسه هتتــــصور وتــــصور 

يا رومنسى عيد ميلاد سعيد

فى عيد ميلادى الاتنين وتلاتين

احب اقول............. لكل الناس 

ان قلبى         ......مليان احساس 

ولو عدى كتير......... من السنين

فى عيد ميلادى الاتنين وتلاتين

اتغير بيا الحال من حال ل حال 

وبقى عندى............ اغلى هديه 

ولا عمرها.......... تخطر ع البال 

ملاك على.... الارض اهو ماشى 

ومعاه اتغيرت..............الاحوال 

وفلبى معاه ............بيزيد حنين 

فى عيد ميلادى الاتنين وتلاتين

معنى الحب فى قلبى اتغير بقى بيزيد

كل هدايا الدنيا معايا وانت يا غالى

مش معايا...............طب ايه يفيد

مش عاوز من............ الدنيا كفايا

انى اكون ...............فى قلبك وحيد 

انت حياتى......... وروحى وعمرى 

يبقى فى قربك.............. قلبى سعيد 

هجره نبينا

من مكه للمدينه 

هجرت يا نبينا 

ودا عشان تهدينا

للطريق المستقيم

سيدنا على ضحى بروحه

وسيدنا ابو بكر دارى جروحه

ومعاك مطرح متروحوا

ربنا الكريم 

وستنا اسماء شايله الطعام

والغلام مسح الاقدام 

والرحله صعبه صعبه

بس ربنا رب رحيم

وفى المدينه لقيت الفرحه هله

ودا كله بفضل الله

والاسلام ف المدينه خلا

الغنى زى الفقير 

من مكه للمدينه 

هجرت يا نبينا 

ودا عشان تهدينا

للطريق المستقيم

الْلَّهُم صَلِّي وَبَارِك وَسَلِم عَلَى سَيِّدِنَا مُحَمَّد وَعَلَى الِه وَصَحْبِه وَسَلِّم

عيد الحب المصرى

كل سنه وكل اصدقائنا المدونين بخير وحب وسلام وطيبه 

what can i do
what can i say
just two word
happy valentine to you

كل ليله حب عيد
وانت جنبي ومش بعيد
واحنا عايشين الغرام
شوق وفرح و إيد في إيد
..
يا حبيبي خدني ليك
ياللي يا ما حلمت بيك
دفى بقلبي بالغرام
بين رموشك بين عينيك
..
حبك قمرة ليل مصاحبني
والاشواق مش عايزة تسيبني
كل ما بابعد بتقربني
قواااام
حبك غنوة وعشت انا فيها
عشت السحر اللي في معانيها
وينام قلبي ويصحى عليها
غرام

what can i do 
what can i say 
just two word
happy valentine to you

مش قولتلك

مش قولتلك لما نزعل يبقى بزعل انا من نفسى 

مش قولتلك لما نزعل يبقى دا من خوفى ويأسى 

 مش قولتلك ولا انتى ايه مبتسمعيش 
غير بس كلامك اللى يقسى 

لبيك اللهم لبيك

لبيك اللهم لبيك 

لبيك لا شريك لك لبيك 

إن الحمد والنعمة لك والملك

  لا شريك لك لبيك 

كمل جميلك

كمل جميلك بقى وخليك كريم 

دا اللى انت بتعمله دا شئ عظيم

شئ بيعلى قدرك عند ربنا الرحيم 

لما تساعد ناس غلبانه وناس مسكينه

وتخاف عليهم ما احنا نفس الطينه

ما كفايه الدعوه الحلوه اللى طالعه م القلب

وتبقى حياتنا جميله ويملاها الحب 

وتسعد قلوب كتير وكتير 

كمل جميلك بقى وخليك كريم 

مين فينا

يا ترى مين فينا الجــــــــانى ؟

اللى طول عمره مستنى هواها

وهيه مستنيه التـانى 

ولا اللى طول الوقت يفكر فيها

وهيه  يدوب فاكراه لثوانى

يا ترى مين فينا الجــــــــانى ؟

اللى ضحى بكل ما يملك 

وعاش بروحه اشواق وامانى

ولا اللى يفكر بس ف نفسه

ويطلع شخص انانى 

يا ترى مين فينا الجــــــــانى ؟

صاحب السعاده

كلنا عايزين سعادة

بس اية هى السعادة

ولا اية معنى السعادة

قولى يا صاحب السعادة

قولى قولى

ناس قالولى ان السعادة بالفلوس

حاجة سموها الجنية

قول فضلت اجمع واحوش

فى الفلوس لحد ما حسيت انى بية

كل ما امشى فى اى حتة

ابتسامة

واللى يمسحلى الجاكتة باحترام

واللى يشتم فى فلان

واللى يعمل بهلوان

واللى يفتحلى البيبان

واللى يمسحلى المكان

كل دى ..كانت اونطة

مش باخلاص او ارادة

اى ضحكة ..ابتسامة..

عليها اجرة

تبقى فين هى السعادة ؟

قولى يا صاحب السعادة

قولى قولى

ناس قالولى ان السعادة فى الغرام

ويا احسان او نوال

نظرة ثم ابتسامة

واخوك قوام طار فى شرك الجمال

الهوا شعلل فؤادى باللهيب

وفى هدايا فضلت اهادى لاجل اطيب

وانطفت نار القليل..لما بلتلى الحديد

وحلفتنى ميت يمين انى اكون مخلص امين

بعد حلفانى بيومين شوفت الحبيبة

وياة واحد ..والاكادة

انة صاحبى ..وهى عارفة

تبقى فين هى السعادة

قولى يا صاحب السعادة

قولى قولى

قولت احسن لما اشوف بنت الحلال

دى السعادة فى الجواز

قول نهايتة رحت دافع مهر عال

للعروسة وللجهاز

يوم كتبنا ويوم دخلنا عالزفاف

بعد جمعة خاب املنا بالخلاف

اشتيكلها فى الغرام ..تشتكيلى بالقليل

خياطتها ..والهدوم طلعوا مش اخر موديل

فكرها مشغول بصيدناوى وموباكو..والمقلم واللى سادة

اما جوزها مش ضرورى ..واجباتة

تبقى فين هى السعادة ..قولى يا صاحب السعادة

قولى قولى

مسامحك

مسامحك مسامحك 
كفايه انى احبك 
ودى عندى بالدنيا 
فى قلبى رسمتك 
فى روحى حفرتك
ولا نسيتك ثانيه
بس دا كان غصب عنى 
كنت لما احس حبك 
جه عليه
بحسى انى خلاص ظلمتك 
واسقيكى ظلمى دا بايديه
بس اعرفى انى كنت بخاف عليكى 
كنت خايف انى اجرح بشوكى ايديكى
بس اعرفى انى هفضل احب فيكى
وانى هفضل جوه قلبك
مسامحك مسامحك
وكفايه انى احبك
  
  

نصر اكتوبر

اربعين سنه يا مصر ع النصر

وانتى عظيمه وارضك  قصر

ارض الشهداء والانبياء

ارض العلماء والاولياء

بس زى ما نفخر بماضينا

برضه نبص لمستقبلنا 

ودايما يا مصر من نصر ل نصر

وبقولها يا غاليه بكل فخر

بحبك ....يا مصر

الايام بتجرى

مش مصدق انه عدى سنتين بالسرعه دى ....مش مصدق ان الحب لسه ساكن قلبى 
مش مصدق بس اعمل ايه فى الدنيا هى كده بس ياريت تفضل كده

 ...اتغيرت حاجات كتير جوايا ...مشاعر ....افكار ....احساس ....ايوهه...اخ....زوج....حبيب...عاشق 

مهندس ...سباك .....نجار.....كهربائى ....مدرس ....دكتور ...طباخ.....بس الغريبه انى كل دول من غير ما ازهق ولا امل

بحب حياتى كده الحمد لله واتمنى انها تفضل كده دايما مع بعض التطورات ان شاء الله فى حياتنا واتمنى من ربنا سبحانه وتعالى 

انه يوقفنى ويحقق اللى اتمناه ويهدينى للطريق المستقيم بس اجمل نعمه ف دنيتى هى بنتى وزوجتى كل حياتى وبيتى ودنيتى 

كل فرحى وبسمتى ويارب يدوم علينا الفرح دايما وياريت اللى يقرى البوست دا يعرف ان المشاعر ملخبطه شويه بس هى دى الحياه احيانا بس بقى وقت الزعل ولو ثانيه واحده بيقى وحش قوى قوىوطويل قوى قوى ربنا لا يدوم الزعل 

اتمنى بعد سنين اقدر اكمل المشوار واقدر اكون زى ما انا نفسى اكون واتمنى لو ظلمت اى انسان يسامحنى 

ويعذرنى واكيد لو بيحبنى بجد هيقدر ظروفى واتمنى التوفيق لكل شخص عرفته 

مع تحيات 

انسان محتار بعد سنين بس 

لو كان الامر امرى

لو كان الامر امرى ....لو كان فى شئ بيدى 

كنت اقدر اشتريلك جزيره ويخت فضى 

ت احلم اد حلمك ...واقول شبيك لامرك

وافرش فى السكه عمرى واجيب م البدر شمسك

انا زيك فقير..لا انا ساحر ولا امير 

بعيش اليوم بيومه اليل او كتير 

يأسك وصبرك من رباعيات صلاح جاهين

يأسك وصبرك بين ايديك وانت حر
تيأس ما تيأس الحياة راح تمر
أنا دقت من دة ومن دة وعجبي لقيت
الصبر مر وبرضه اليأس مر 

عجبي

قول احساسك

قول احساسك ..حتى الاحساس مبقاش يطلع

اشكى لناسك ولا نويت  م الناس تقطع

 اشرب كاسك ما كتير داقوا من كاس افظع 

رد وقولى هتعمل ايه 

المشربيه

عرفت فيها الصبيه

وبكاها م المشربيه

وانكسرت الاميره

علشان دى شافت بعينها

مشفتش دا بقلبها

بس هيجى الشاطر

اللى هيمسح دموعها

علشان القلب صافى

ويفرح يوم رجوعهاا

اهو دا اللى صار

أهو دا اللي صار و أدي اللي كان
مالكش حق
مالكش حق تلوم عليا
تلوم عليا ازاي يا سيدنا
و خير بلادنا ماهوش في ادنا
قولي عن أشيا تفدنا
و بعدها بقى لوم عليا

مصر يا أم العجايب
شعبك أصيل و الخصم عايب
خلي بالك م الحبايب
دول أنصار القضية

بدال ما يشمت فينا حاسد
إيدك في إيدي نقوم نجاهد

احنا نبقى الكل واحد

تعبتينى

تعبتينى دى افكارك كلها عايشه ف الماضى

تعبتينى واسرارك كلها معايا وانا راضى 

تعبتينى وكنت زمان انا السجان وانا القاضى 

تعبتينى واقولك ايه دا كله كلام على الفاضى

ايوا بحبك

ايوه بحبك .....ايوه بحبك 

ولاعمرى اقدر استغنى عنك

دا انتى الشمس اللى تدفينا 

وانتى القمره تنور لينا 

وانتى الحب يهل علينا 

وانتى حبيبتى وقلبى دا شايلك

ايوه بحبك .... ايوه بحبك

مهما تمر بينا الايام

برضه انتى فتاه الاحلام 

اللى حلمت بيها زمان

وجيت لوحدى لحد عندك

ايوه بحبك ... ايوه بحبك  

احساس

احساس جوايا انا صعب اوصفه
لما تلاقى اللى عرفته زمان طلعت ما تعرفه
والسبب ايه وعشان ايه مشاعره اختفوا
ممكن تكون الدنيا والايام بيغيروا
 بس الوعد كان بينا الصعب بايدينا نغيروا
ايه اللى جرى وايه اللى كان
 ولا نرجع تانى لايام زمان
 ايام ما كنا نحب بجد
 نحب من غير اى حد
 واسيب مشاعرى توصف وتوصف اللى ماتعرفش توصفه