Friday, September 26, 2014

عيش يلا الحياه


انت صاحى ع الصبح تدور ع اللى فات
خليك فى دلوقتى وعيش يلا الحياه 
هو العمر ايه....... غير شويه ذكريات 
محفورين ف القلب لاخر العمر ومنتهاه
بس تفضل حاجه....... جوايا شغلانى 
ياترى فاكره الكلمه الحلوه ولا اصلا مش فكرانى
وارجع واقول ف الدنيا ديه كل شئ نصيب
حبيب بيزرع ف حبه وحبيب للشوق يجيب
بس المهم ان ف حياتى حاجه حلوه وف حياتهم
حاجه احلى.... من حياتنا وذكرياتنا
ويارب تتم علينا سعادتى وسعادتهم
وخليك فى دلوقتى وعيش يلا الحياه

Sunday, September 14, 2014

من صغرها


من صغرها بتقول رأيها
وتقولى كلام دا كبير عنها
مين علمهولك .مين حفظهولك
دا كلام بتقوله...... اكبر منها
بايدها النونو وبسحر جفونو
بتهز براسها ......ومين قدها
اه يا سحر كلامها ونظره عينها
يا جمال صوتها وخفه دمها
دا انا لما بشوفها... تطمن قلبى
ربى يخليها ..........هى وامها
بعشق شقاوتها وماسكه ايديها
بتمنى اكون.... عمرى جنبها
عاشق لعنيها ..دايب انا فيها
دا حبيبتى الكون... كلها حبها
من صغرها بتقول رأيها
وتقولى كلام دا كبير عنها

Saturday, September 13, 2014

ياعم قول


ياعم قول ...با سيدى ردً
بدل ما نوصل لحاره سدً
ياعم اشكى يا سيدى اشكى 
بدل ما دموعك نازله سيول 
ياعم قول 
ياعم قول انطق وبوح
بدل ما تزودً قلبى جروح
وخلى يلا.... العتمه نور
وسيب باب قلبك مفتوح
ياعم قول
ياعم قول كلام جميل
وعيش حياتك نهار وليل
مستنى حبيبك بحب وهنا
وتعيش حياتك هنا وسرور
ياعم قول

Tuesday, September 9, 2014

بحاول اتفائل


وبحاول دايما ....اتفائل 
واضحك ف وش الناس 
يمكن فى يوم... هنتقابل 
ويردً فيا..... الاحساس
ونرجع تانى زى زمان
اغنيلك ............تغنيلى
ونسهر سوا ..على نيللى
واخلص فيك ....مواويلى
دا قلبك دا.... زى الماس
وبحاول دايما ....اتفائل
وبنسى كل.... الاســــيا
ومين قال...... ومين قايل
وبنسى اوجاعى اللى بـيـاَ
وكرهك ......مالوش اساس
وبحاول دايما ....اتفائل


Sunday, September 7, 2014

فرحه وحب


هات الروح تسكن ف الروح
َهات القلب .........يضم القلب 
واوعى تبات فى ليله محروج
َاملا حياتك....... فرحه وحب 
وافتح شبابيك....... على نور 
َوخللى الفرحه ف قلبى تدب
قوم عيشنى ف.. هنا وسرور
َوخللى انهار.... شوقنا تصب
تروى الارض...... تطلع ورد
ونسمه رقيقه ........علينا تهبَ
هات الروح تسكن ف الروح
َهات القلب .........يضم القلب

Saturday, September 6, 2014

افضل معاكى


هو ينفع اقدر ابعد يوم واسيبك
بعد ما اتعودت ان افضل معاكى
ولا ينفع ان ايدى تسيب ايدينك
بعد ما عشت احلى لحظه ف هواكى
ولا ينفع كلام كتير قولتيه بعينك
وانا مستنى هنا علشان رضاكى
قومى واتمنى ولونى بالشوق سنينك
دا انا ياحياتى عمرى ما اقدر انساكى