Wednesday, April 24, 2013

حلى ضفايرك يا اصليه


من كلمات سيد حجاب و الحان عمار الشريعى و غناء انغام

حِلَي ضفايرك ضُليلة
ولملمينا ياأصيلة
عُشاق تُرابك أحبابِك
وكلنا أهل وعيلة

احنا اللي يوم الفِدا رُحنا
نفديكي ونضحي برُوحنا
وضحكنا حتى على جُروحنا
ضِحكتنا هوْنِت الشيلة

وانتي اللي نسهر في هواك
وتدوب قلوبنا في نجواك
ولاعمرنا نحب سواك
ونصون جميلك يا جميلة


نِديكي حب وتِدينا
ونمد للشمس ايدينا
ولو تعبن اتاخدينا
ناخد في حضنك تعسيلة

ونقول ولا شيء يوْقِفْنا
لا أبو جهل جهله يحرفنا
ولا أبو لَهب حيخوْفنا
ماحناش ضُعاف قُللات حيلة
آه ياجميلة

Monday, April 22, 2013

انا العاشق


انا العاشق انا الولهان انا اللى فى حضنك اتعلق

وانا بحرك وفيه غرقان وانا ابنك وانا الاصدق

ياريت تدى يا غاليه حنان دى همومى فيها بغرق

انا العاشق انا الولهان انا اللى فى حضنك اتعلق

انا العاشق انا الولهان لما ناسك يبقوا ناسك

وانا بحرك وفيه غرقان لما تحنى يا غاليه راسك

ياريت تدى يا غاليه حنان بدل الظلم اللى داسك

انا العاشق انا الولهان وانا اللى بعشق انفاسك


Friday, April 19, 2013

قول ولا يهمك


تعالوا بكلمه مكتوبه
بلفظ جميل و محبوبه
نصحي الناس
نحرك فيهم الأحساس
ونبني في يوم ولو طوبه
ومش هنعيش على الماضي
ولا هقبل بأي كلام
يقول دي أمة مغلوبه
وبينا نثور
يا كل غيور
على بلادك وعلى دينك
ولا تقبل في يوم ذله
ولا محتل هيهينك
وهندافع بكلمتنا
بأجسادنا وأرواحنا
وهنصون بيها كرامتنا
ولا هنهون في يوم أبدا
وتفضل عالية عزتنا
وأسمى أماني دنيتنا
تكون في الله شهادتنا
وتلبس بدله من دمك
في يوم عرسك
عريس للجنة بنزفك
يا شاعر قول ولا يهمك

Thursday, April 18, 2013

فاكرك


فاكرك ....فاكرك ومش ناسيك
يالى حبك ساكن قلبى
 وما تحلى الدنيا الا بيك

Friday, April 12, 2013

ربما القاك


 ربما القاك يوما نسمه تجرى السحاب 
ربما القاك يوما  نجما تنير طريق السراب
ربما القاك بين احضان كتاب 
ربما القاك يوما فالدنيا اصغر من ذرات التراب
ربما القاك  

Saturday, April 6, 2013