مليش الا قلبك

ايوه مليش حد الا قلبك.........يحس قلبى 

ايوه مليش حب الا حبك ينورلى عمرى

ايوه مليش ف الدنيا غيرك اصل انت قمرى

فيها حاجه حلوه

فيها حاجة حلوة . حاجة حلوة بينا

 حاجة كل ما تزيد زيادة فيها إنة

 فيها نية صافية .فيها حاجة دافية

 حاجة بتخليك تثبت فيها سنة سنة

 مصــــر هى الصبح بدرى

.مصـــر صوت الفجر يدن

 سوبيا . فول . طعمية .كشرى.

 دوم . بطاطا سخنة جداااا

 مصــــر اول يوم العيد

.عيدية .بمب ولبس جديد

 ميكروباص واتوبيس ومتروو .

 حفلة تلاتة فى سينما مترو

 موائد رحمن . فانوس رمضان

. مسلم فى بيت مسيحى فطرووا

 ترنيمة لايقة على تخت غنى

. تأييلة العصرية ولمة على الطبلية فى مصر

 مولد السيدة والذكر والهيصة

 وركعتين بركة فى السيدة نفييسة

 والمشى ع الكورنيش

. دى تتعبك ولا بتسيبها

 تحيرك برضه حاببها

على بعضها كدا بعيوبها

 حتة منك فيها حاجة حلوة . حاجة حلوة 

عيد سعيد

يا بخت اللى يقدر

يا بخت من يقدر يقول
واللى ف ضميره يطلَعه
يا بخت من يقدر يفضفض بالكلام
وكل واحد يسمعه
يقف فى وسط الناس ويصرخ: آه ياناس
ولا ملام
ييجي الطبيب يحكى له ع اللى بيوجعه
يكشف مكان الجرح ويحط الدوا
ولو انكوى
يقدر ينوح
وأنا اللى مليان بالجروح
ما أقدرش اقول
ما اقدرش ابوح
والسهم يسكن صدري ما اقدرش انزعه
شوفى قد إيه ؟

 صلاح جاهين 

الى العزيز تحيه

الى العزيز تحيَّه
يُسلِّمُ عليك قلبى
فأنت ساكنٌ فىَّ.
من صاغ عقلى وقلبي
من كان سقفاً لهمِّى
تحت الرعود العصيَّه
اطلب فداك روحى
اطلب تدلَّل علىَّ
المال والجاه يفنى
وأنت كنزُ السنين
تحيَّة حبٍّ لصبرك
لأولادك الصابرين

مصر الحزينه

يا عيون مصر الحزينه

احضني محمد وعيسى

واقتلي الفتنة الخسيسه

جُوّا جامع أو كنيسه

ربنا شاهد علينا...