القمر

ايها القمر الجميل فى ليله تمامك 
كم اعشق النظر اليك ولكنى اعلم اننى لم اشكولك منذ زمن بعيد
ولكنى الان عدت عدت لاحدثك مثلما كان 
احدثك عن كل شئ عن حياتى عن حبيبتى 
عن مستقبلى عن كل شئ عن صغائر الاشياء فى حياتى 
فارجو ان لاتغيب عنى لحظه وتختفى تحت السحب
فقد تغير بى الحال كثيرا الم ترى بعض الشعيرات البيضاء
الم ترى بعض الشحوب فى وجهى
الم ترى فقد بدلت ورقتى وقلمى بالتكنولوجيا
الحديثه واعلم انك ايضا تعانى من تلك التكنولوجيا التى اخترقت
خصوصياتك وكشفوا سرك ولكن لا تخف محبيبنك كثيريون
وانا منهم وانك تعلم اننا نعشقك فمهما بعدنا فلابد نرجع
فلابد للحبيب ان يلقى حبيبه مهما طال العمر

ﻗﻞ ﻟﻲ " ﺃﺣﺒﻚ"

ﻗﻞ ﻟﻲ
ﺃﺣﺒﻚ " ﻫﺬﺍ ﺍلصباح ﻭ ﺩﻋﻨﻲ ﺍﺗﻔﻨﻦ ﺑﺎﻟﺮﺩ ﻋﻠﻴﻚ"
ﺗﺂﺭﺓ ﺍﺑﺘﺴﻢ ﺑﺪﻻل ........... ﺗﺂﺭﺓ ﺍﻗﻮﻟﻬﺎ ﻋﻠﻰ ﺷﻔﺘﻴﻚ 
ﻓﺎﻧﺎ ﺃﻫﻮﻯ ﺍﻟﺪﻻﻝ ﻛﺜﻴﺮﺍ ، ﻭﻫﻞ ﻳﻌﻘﻞ ﺃﻥ ﺍﻗﻮﻟﻬﺎ ﺩﻭﻥ ﻗﺒﻠﺔ ﺗﺮﺑﻚ ﻧﺒﻀﻚ
ﻭﺗﺰﻟﺰﻝ ﺍﻷﺭﺽ ﻭ ﺍﻟﺴﻤﺂﺀ ﺣﻮﺁﻟﻴﻚ 
ﻣﺘﻴﻤ انا ﺑﻚ  واتمنى ان اكون ف عينيك

حنان وحب

انا كنت بحلم انى .....اكون العمر ليكى
وسمعت عنك كتير حكايات من صغرى
وحلفت انى بكل روحى وحياتى افديكى
مانتى اللى ف القلب سكنتى ودا من صبرى
وكنت عارف ان الوصول ليكى صعب
بس اللى نفسه ف حاجه لازم يخطى بلاد
ماهو طريق الشوق مش مفروش بورد
واللى هيعدى منه هينول كل المراد
والنهارده وبعد ما خضت حرب
هديت كل الحيطان وبايدى جيتلك
شايلك يا قلبى بوكيه مليان بورد
وهو ادرى منى...... يشرحلك
كل اللى نفسى فيه خلاص انا حققته
وكفايه انى اعيش حياتنا حنان وحب

من مكه للمدينه

من مكه للمدينة هاجر سيدنا وصاحبه

صاحبه الصديق ابو بكر رضى الله عنه 

هاجر نبينا المصطفى صلوا عليه 

من بعد ما الكفار اتفقوا على قتلوا

جم حاصروا بيته و قالوا جه اوانه

والليله دى هينتهى زمانه

فداه الامام على ونام مكانه

على بن عمه كرم الله وجهه

كان الكفار قاعدين مستنين ظهوره 

مش عارفين ان ربنا هيتم نوره

انزل غشاوة عليهم عمت عنيهم

وخرج نبينا وسطهم ولا حد لمحه

مشيو وراه ولحد الغار وصلوا اليه

كان الحمام والعنكبوت حراس عليه

خاف الصديق و طمنه حبيبى 

قالوا ماتخفش ع الى ربه حفظه

من مكه للمكة للمدينة هاجر سيدنا وصاحبه 

صاحبه الصديق ابو بكر رضى الله عنه 

هاجر نبينا المصطفى صلوا عليه 

من بعد ما الكفار اتفقوا على قتله

احكى يا شعب

احكى يا شعب واقول وعيد
نصر اكتوبر... دا يوم عيد 
فرحه نصر بعد القهر وسقفه ايد
بفضل الله عبرنا القناه وانتصرنا اكيد
بعد ما قالوا مفيش كدا حرب 
ساعتها اشتد علينا الضرب
واحنا بفضل الله واردته عزيمتنا حديد
يلا يا شعب عيد وزيد
احكى يا شعب واقول وعيد
نصر اكتوبر... دا يوم عيد

بطلى غيره

بطلى غيره شويه عليا تعبت خلاص 

اصل الغيره دى حاجه مؤذيه 
طب ايه ذنب يا غاليه الناس 
لما تعاتبى عاتبى وقولى 
ومتبقاش يا حبيبى فضولى 
اعمل ايه انا بس فى قلبك
وانا كلى حب واخلاص
بطلى غيره شويه عليا
وانا هرجع مرفوع الراس

عيد جوازى

النهارده هو احلى يوم ف عمرى 
يوم ما ملكت القمر دايما ف حضنى 
يومها دخلت القفص كده بدرى بدرى 
عشت طول العمر حر وطليق بس جنبك احلى عيشتى

عيد سعيد

كل عام وانتم بخير ...وتدخل قلوبكم الفرحه
كل عام وانتم بخير ...ويديم علينا الصحه
كل عام وانتم بخير ...واشوفك يا غاليه بالطرحه
كل عام وانتم بخير .... ويعم علينا جميعا الخير

زوجه مطحونه

مش عاوز اشوفك عصبيه
ولا عاوز اشوف متضايقه
انا عوزك من ربى هديه
وعلى طول كده فايقه ورايقه
هتقولى دا طبعى ودا حالى 
ولاعارف اللى بيجرالى
وايدك كده فى الميه البارده
انا عوزك من ربى هديه
وعلى طول كده فايقه ورايقه
مش بعرف انام كده ف ليلى
ويا ويلى م الشغل يا ويلى
والعيال عملالى روشه
وبنظف وكأنى ما أنظف
اعمل ايه تانى ف الشقه
وايدك كده فى الميه البارده
انا عاوزه شويه حننيه
وهكون كده فايقه ورايقه
وتبطل انت العصبيه
وهكون لك من ربى هديه

هقول وأعيد

هقول وأعيد ان معجب بيها خالص هقول وأعيد

وان لما بشوف عيونها اشوف عيونها بكون سعيد
لما عينها جت فى عينى حسيت بشوق الكون مالينى 
وان كل الدنيا ملكى وان يومى دا يوم جديد
هقول وأعيد ان معجب بيها خالص هقول وأعيد
هقول واعيد ومش هخبى ان حبها جوه قلبى
قلبى دا كان قلب فاضى حبها مالها اكيد
هقول واعيد واقول اعيد ان العزول يبعد بعيد

زعلانه ليه

زعلانه ليه منى كده.... ومبترديش عليا

مكنتش عارف ان زعلك.. هيأثر فيا كتير
انا كنت شايف الكون ف عينك كله ما بين ايديا
دلوقتى حاسس وانتى غايبه عنى عندى فراغ كبيبر
زعلانه ليه منى كده.... ومبترديش عليا
كل حاجه ماليها طعم ولاليها شكل من غيرك
حتى النجوم فى السما شايفهم زعلانين
كنتى بتقولى ان انا بادى حبى لغيرك
تعالى شوفى عيونى وحسى بقلبى الحزين
كنت بكابر واقول ان منغيرك هعيش
لكن الحقيقيه يا غاليه ان كل دا مفيش
وانتى حبيبه قلبى بس ليه مبترديش

واحد صحيح

الكسر ممكن نقربه.... لواحد صحيح 

لكن اللى انكسر جوايا مين بس يقربوا
عشت عمرى اداوى ف قلبى الجريح
وف كل مره حبابيه....... منه يهربوا
جايز يكون العيب........ فيك يا قلبى 
جايز يكون علشان انت صريح
ابتدى وابدا من جديد وعيش حياتك فوق بقى
وخلى عزمك من حديد.... وانسى ايام الشقى
جايز تعرف بحنانك اللى فات ترجعوا

طبطب عليا

لا بقيت بحس بطبطبتك عليا 
ولا بقيت بحس بيك انا اصلاً
تعبت انا كل ما امدلك ايديا 
ترجع حزينه من صدتك ليا 
انت ليه بس بنفسك دى متحصن
اخرج وبص بحب شويه ع الدنيا
وخليك حنين وعيش فى الدنيا واسكن

تكون بخير

هروح واجى مسافه السكه هرجعلك 

دى اخر كلمه سمعتها منك من سنين
حضرت حالى وف كل مكان بفتكرك 
وخلاص بقى فاض جوايا الحنين 
ممكن تكون قابلت الصعب ف حياتك
وخلاص نسيت ان ليك حبيب يحبك
لكن انا عمرى ماانسى ف يوم غرامك
ولا عمرى انسى كل ايامى الحلوين
هروح واجى مسافه السكه هرجعلك
دى اخر كلمه سمعتها منك من سنين
مش مهم لما ترجعلى نعيش سوا
المهم انك انت........ تكون بخير

خليها على الله

قلبك مخنوق .......مخنوق قلبك

اهدى وهتروق.........وتنول حبك
هتعيش مرتاح .....وتكون افراح 
وتعيش ف براح ....والكون عجبك 
خليها على الله........... وسلملهاله

زى الحلم

زى الحلم ماعدى ثوانى 
نفسى احلم....... بيك تانى 
تيجى ف حلمى ...تنسيلى همى 
تزرعى جوه فى قلبك حنانك 
اصلا قلبى دا يبقى مكانك 
ياللى سكنتى جوه الروح
.نفسى احلم بيك تانى
لما صحيت من نومى رسمتك
اميره جميله جوه القصر
ضحكه ما تفارقش شفايفك
ياللى جماله ماله حصر
طول اليوم مبسوط متهنى
عمال ارسم وشويه اغنى
قولت ياريتى اشوفك تانى
كل شويه تغمض عينى
يمكن تلمح وتشوف طيفك
نظره جميله تحلى سنينى
وتعيشى العمر على كيفك
نفسى احلم بيك تانى

اتهنيت كام سنه

اليوم بيعدى معاك الف سنه ضوئيه 

شوف بقا ياحبيبى انا اتهنيت كام سنه 
كفايه انك يا حياتى على طول بتحس بيه
وكفابه انى وانا معاك بعبش فى سعاده وهَنا
مش محتاج حاجه.............. تانى م الدنيا
غير اننا بس....................... نكون سوا
اليوم بيعدى معاك الف سنه ضوئيه
شوف بقا ياحبيبى انا اتهنيت كام سنه
ربنا يخليك يا حبيبى واقدر احقق احلامنا
ونهد الصعب نخلى طريق الامل قدمنا
اصل انت الفرحه اللى قلبى وانت نور عنيه
مش محتاج حاجه.............. تانى م الدنيا
غير بس نحقق احلامنا ...........انتى وانا

قالو عن الحب

الحب الحقيقي : هو أن تحب الشخص الوحيد القادر على أن يجعلك تعيسا

أجمل ما في الدنيا: الحب والرغيف والحرية

الإهمال يقتل الحب ، والنسيان يدفنه

الحب لا يقتل ا حد إنما يعلقه بين الحياة والموت

الحب سلطان ولذلك فهو فوق القانون

أنت لا تعرف قلبك حتى تفشل في الحب

الحب كالقمر له وجهان: الغيرة هي الوجه المظلم

الحب يقضي على الكثير من الآلام لأنه أعظمها

أن تحب: صدفة ان تستمر هذه إرادتك

الفرج

ولرب نازلة يضيق لها الفتى ..... ذرعا وعند الله منها المخرج
ضاقت فلما استحكمت حلقاتها ..... فرجت وكنت أظنها لا تفرج

بلاش احزان

يا عمرى الدنيا ما تسوى تنام زعلان 
ولا اى شئ يستاهل... ان انت تعانى 
ابعد شويه كتير ..........عن الاحزان 
وافرح وامرح وعيش ف الدنيا امانى 
مش عاوز اشوفك تانى حزين حيران 
بكره تلاقى قلبك ......ونصك التانى

الحب

ﺍﻟﺤﺐ ﻛﻠﻤﺔ ﻣﻦ ﻧﻮﺭ ﺧﻄّﺘﻬﺎ ﻳﺪ ﻣﻦ ﻧﻮﺭ ﻋﻠﻰ ﺻﻔﺤﺔ ﻣﻦ ﻧﻮﺭ قلب

تاه الكلام

تاه الكلام منى كل..... ما قربت منك
ابعدى عيونك شويه علشان اقدر اقول
ان ف حياتى ودنيتى مقدرش استغنى عنك
وانتى ف حياتى كلها اللى بتمنى انول
تاه الكلام منى بس اوعى تفتكريه خوف
دا اللى يشوفك يعرفك يتحدى كل الظروف
دا انت اجمل شئ ف عمرى

بكدب عليكی

لو قولتك انی بحيك يبقی بكدب عليكی

 لانی بكل بساطه انا بمووووت فيكی

 حرام بقی كفايه تعبت من الكدب

قلبك ياغاليه حكايه قلبك غير كل قلب 

دقاته عزف الكمان واوتاره نظره عنيكی

على إسم مصر

عـلى إسـم مصـر التـاريـخ يقدر يقول ما شاء
أنـا مصـر عنـدى أحـب وأجـمـل الأشـيـاء
بـاحبـها وهـى مالـكه الأرض شـرق وغـرب
وبـاحـبها وهـى مـرمـيـه جـريحـة حـرب
بـاحبـها بعـنـف وبـرقـة وعـلى استـحيـاء
واكـرهـهـا والـعـن أبوهـا بعـشق زى الداء
واسيـبها واطفـش فى درب وتبـقى هى ف درب
وتلـتـفـت تـلقـيـنى جنـبـها فـى الكـرب
والنبـض ينفـض عروقـى بألف نغـمة وضرب
صلاح جاهين

في رمــضــان

أغلق مدن أحقادك واطرق أبواب الرحمة والمودة
فارحم القريب وود البعيد وازرع المساحات البيضاء في حناياك
وتخلص من المساحات السوداء في داخلك
صافح قلبك ابتسم لذاتك صالح نفسك وأطلق أسر أحزانك وعلّم همومك الطيران بعيدا عنك 
أعد ترتيب نفسك لملم بقاياك المبعثرة اقترب من أحلامك البعيدة 
اكتشف مواطن الخير في داخلك واهزم نفسك الأمّـارة بالسوء

حسن العمل

محلى صيامك

محلى صيامك....مهما يطَول
دا انت حبيبنا يا شهر الصوم
نتمنى تتعاد............م الاول
ياللى فيك بنصوم..... ونقوم 
بعشق صوت المدفع لمــا
وساعتها....... نتجمع لمــه
بعد تعبنا ........طول اليوم
محلى صيامك....مهما يطَول
ومحلى سحورك مهما يكون
صوت الفجر مميز دايما
صوت كله جمال وحنون
بنصلى الفجر ويرجع قلبى
خالى من....... كل الهموم
دا انت حبيبنا يا شهر الصوم

رمضان كريم

كل سنه........وانتم طيبين 
على اغلى الناس والمدونين
ونفضل طول الشهر صايمين 
وف صلاه التراويح ساجدين
وعلى اجمل فطار فاطرين 
كل سنه ........وانتم طيبين

االحياه تجارب

الحياة بمرها وحلوها .. تجربة جمالها ليس فى حلاوتها أو مرارتها 
ولكن فى الدروس التى نتعلمها خروجنا منها أقوى وأقدر فالحياه 
تجربه فيها الخطأ وفيها الصواب والعاقل فقط هو من يستفاد من اخطائه
وحقيقة الأمر أن هذه الصدمات قد تساعدنا في غربلة 
نفسك لتخرج نقيا خاليا من العيوب..
كثيرا ما تعطينا قوة لم تكن لتظهر لو لم نتعرض لهذة الصدمات
عن أبي هريرة: أن النبي صلى الله عليه وسلم قال:
“المؤمن القوي خير وأحب الى الله من المؤمن الضعيف، وفي كل خير.."
الضربات القوية تهشم الزجاج فقط.. لكنها تصقل الحديد
أحيانا..تساعدنا على خلق مفترق طرق لنا.. لنغير مسار نهج انتهجناه طيلة حياتنا

ليله النصف من شعبان

في ليلة النصف من شعبان، تم تحويل قبلة المسلمين من البيت المقدس إلى الكعبة فى مكة المكرمة، حيث ذكر عدد من المؤرخين ورواة السيرة النبوية أن تحويل القبلة من بيت المقدس إلى الكعبة كان في الخامس عشر من شعبان في السنة الثانية للهجرة بعد أن صلى النبي صلى الله عليه وسلم بمكة 16 أو 17 شهرًا فتم تحويل القبلة تلبية لرغبة النبي، كما جاء في قوله تعالى "قَدْ نَرَىٰ تَقَلُّبَ وَجْهِكَ فِي السَّمَاءِ ۖ فَلَنُوَلِّيَنَّكَ قِبْلَةً تَرْضَاهَا ۚ فَوَلِّ وَجْهَكَ شَطْرَ الْمَسْجِدِ الْحَرَامِ ۚ وَحَيْثُ مَا كُنْتُمْ فَوَلُّوا وُجُوهَكُمْ شَطْرَهُ ۗ وَإِنَّ الَّذِينَ أُوتُوا الْكِتَابَ لَيَعْلَمُونَ أَنَّهُ الْحَقُّ مِنْ رَبِّهِمْ ۗ وَمَا اللَّهُ بِغَافِلٍ عَمَّا يَعْمَلُونَ" وجعل الله سبحانه وتعالى لليلة النصف من شعبان مزية خاصة لقول النبي صلى الله عليه وسلم : "إن الله يطلع على عباده في ليلة النصف من شعبان فيغفر للمؤمنين، ويملي للكافرين، و يدع أهل الحقد بحقدهم حتى يدعوه"

احكيلك حكايه

حبيبتى يا غاليه عندى انا حكيلك حكايه 
هقولك مش هخبى..... هقولها من البدايه 
كان يا مكان فى قلبى حبها ف قلبى ساكن 
قلبى دا قلب نونو معرفش الحب لما 
غير لما جت عيونو ضمت قلبى ضمه
فكرها لحد بكره ولحد ما نبقى لمه
وابتدى انا قلبى يحبى ويروح كل الاماكن
كان يا مكان فى قلبى حبها ف قلبى ساكن
وابتدى يكبر ويكبر القلب النونو يكبر
وكل يوم يعدى يحبك اكتر واكتر
لحد ما جت عيون شريره تاخدك منى
حاولت ابعدها عنك بسيفى وغصب عنى
معرفتش انى احوشها عشان لقتيك راضيه
انك تبعدى عنى والحجه انى نونو وقلبى لسه نونو
علشان اتعلم منك الحنيه م البدايه
حبيبتى يا غاليه عندى انا حكيلك حكايه
هقولك مش هخبى..... هقولها من البدايه

ليه تتعب قلبى

ليه تتعب قلبى ......وياك 
مكفايه كلام بقى ومناهده
فضلت العمر..... استناك 
جاى تقولى اصبر واهدى 
وحلم القلب .....انه يلقاك 
وعيونى فحبك اهى شاهده
ليه تتعب قلبى ......وياك
دا احنا ما بينا وعود ومعاهده
هفضل اتعب روحى معاك
ولا خلاص مبقاش فيه فايده

وغلاوتك بحبك

اصرخ وابكی محدش سمعك 
ما انت عامل كده ف نفسك
صوتك عالی تملی يا غالی
سيب الرحمه تنزل قلبك 
متفكرش وسيبها علی الله
ونظم يلا حياتك ووقتك
هتلاقی بيبان الرحمه اتفتحت
والضحكه رجعت علی وشك
وبلاش تشكی تانی وتبكی
انا مقدرش فی يوم علی زعلك
اصل دموعك غاليه عليا
وانت ف قلبی ساكن حبك
انت ما تعرف والله غلاوتك
اد الكون بحاله بحبك .. بحيك

تفتكر

ايه بس اللی خلاك تسيبها ما كانت ف ايدك 
جنبك وبين ايديك وقصاد عيونك
بس ليه لما غابت قلبك بيسال عنها 
تفتكر لو بين ايديك هتعيش احلی سنينك
تفتكر لو جاتنی تانی هو انا هقدر اسيبك

العمل

العمل هو أساس الحياة التي نعيشها ونحياها اليوم حيث أنه يعتبر المصدر الرئيسي للرزق والقوت الذي يرتجيها كل إنسان على وجه الأرض والعمل معروف بالنسبة للإنسان منذ بدء الخليقة حيث أنه يعتبر بالنسبة له احد العوامل الرئيسية لاستمرار الحياة وتوفير مستلزماتها والإنسان الذي لا يعمل يعتبر فرد غير فعال وغير منتج

محتاج لحضنك

محتاج لحضنك وحنانك يلى غايب من زمان
محتاج ان اعرف مكانك واروحلك فاى مكان
مش عشان اغير حياتك او اتسبب انى اضايقك
لا عشان اقولك اسف كنت اتمنی ابقی جنبك
عاوزك تسامحينی ...........وكفايه عليا احبك
محتاج لحضنك وحنانك يلى غايب من زمان
محتاج ان اعرف مكانك واروحلك فاى مكان

عيد تحرير سينا

عيد تحرير سينا عيد الفرحه وعيد البهجه
وعيد النصرورجوع الارض لحض الشعب 
ياما شقينا واتمنينا نعمر سينا وترجع لينا
بس دا كله بفضل الله....... بيهون الصعب
حاربنا سنين وسنين من اجلك لاجل تعودى
واما رجعتى يا سينا لاهلك.... ليه سابوكى 
بعد مات الالاف.... والوف من شهدائنا 
عاوزين نبنى فيكى ونعمر دا احنا بداءنا
نمشى على الطريق المظبوط ونهد الصعب
عيد تحرير سينا عيد الفرحه وعيد البهجه
وعيد النصرورجوع الارض لحض الشعب
الحرب دلوقتى اتغيرت مبقتش بالدانه والسلاح
الارض بدمانا اتحررت ومندمش على اللى راح
يلا نبدا بسم الله يلا حى على الفلاح
يلا حى على الفلاح

نكمل المشوار

انا حبيت واتحبيت............. واتمنيت اكون جنبك

اعيش جنبك فى اجمل بيت اكون روحك اكون قلبك
يا اجمل حب بيه حسيت ....وفيه نفَسى تكون نفَسك
تعالى نكمل المشوار...... يا اجمل عمر انا قضيت