مهما ابعد

مهما ابعد ياحلوه عنك برضه منك

مهما السنين فرقتنا برضه فاكرك

كانت ايامى هنا سعد وهَنا

فيه حاجات كتير اتغيرت جوايا

والقلب اتعلق وياما مطلش

كان نفسه يوصل للى حلم  بيه

حاول كتير لكن موصلش

انا جاى هنا اقول كلمتين

طالب السماح م اللى زعلتهم

واتمنى يوصل حتى بالصدفه 

حبيت كتير ف الدنيا واتمنيت

انى اكونلك والدنيا دى عارفه

سامحينى ع غيابى 

البعد دا نابى  والنصيب غلاب

ربنا يجمع ما بينا نتلاقى ف الجنه

 

قلت ابعد

انا قلت ابعد ومهما بعدت مش عارف
ومش قادر اكون غير انى عليكى خايف

عاوزك تحتوينى

انا عاوزك تحتوينى وتكون لى ماضى فات

وتكونى حاضرى واللى جاى وحتى الذكريات

فاكرك

فاكرك ومش ناسيكى ومهما العمر طال

يا حبيبتى انا روحى فيكى دى حقيقه ومش خيال 

حكت كتير

 حكت كتير واتكلمت عن حب عاشته هى زمان

واد ايه اتعذبت ...........وادا ايه ضاع الحنان 

حسيت الدمع فى عيونها محبوس وبيصرخ

كل مره

 كل مره بـتـثـبـتـيـلـى إنى صح 

اصعب احساس

اصعب احساس ف الكون لما تكون مقسوم اتنين 

واما تلاقى النص الطيب بيدور ع النص التانى 

وانت لا عارف فين هتكون ولا عارف هتروح فين

هرجعلك تانى

هرجعلك تانى زى زمان
صديق وحبيب وروح عاشقه
وقلب يطيب كده بكلمه
وهرجع حته من اسمى
يا حلوه لما تبتسمى
تدوب الكلمه والمعنى
يدوب كل الكلام وياك
وانا وياك
وهرجع تانى زى زمان
يحبك.حب كله جنان
بحبك حب واعافر
وبكتبلك وانا حاسس بانى كنت انا مسافر
وراجع ليكى كده مشتاق
بحبك حب اكبر من لقا العشاق
وبكتبلك كلام من قلبى والله بدون ترتيب ولا حسابات
ولا قافيه ولا غيره بحبك حب انا سايبه لمصيره
واقولك اخره الكتابات بانى عمرى ما انسى كده اصلى
انا الغلطان وعارف ان انا استاهل بانى كنت بستبهل
وضعتى منى بالساهل وسيبتك للبعيد ياخدك
وسيبتك عايشه ف متاهه
يا اجمل من رات عينى  يا عايشه ف كل ايامى وكل حياتى وسنينى
انا مستنى وهفضل  ميت سنه عايش ومستنى
وعايش ع الامل وياك
يااقرب ليا من روحى
ولو عشتى العمر هناك

تمطر الشتاء فيمطر معها الامل

والله دنيا تحتفل وحدك حبيبى

مش فارقه كتير

مش فارقه كتير والله الاول يا حبيبتى زى الاخير
#Ahmed_Eldesuki

متستعجليش

متستعجليش دا بكره الدنيا تبعدنا سيبينا نعيش

#Ahmed_Eldesuki

وحشتينى

تحت المطر

تحت المطر فاتح دراعى
وببص فوق فوق ف السما
لمحت عينك بتنادينى
من فوق سحابه مغيمه
وقالتى دوق طعم الدموع
لازم تفوق وان كان عليا
مفيش رجوع
دا انا بعدى عنك كات رساله مطمنه
#Ahmed_Eldesuki

كُبى مَيَه

كُبى مَيَه حَبه حَبه

وصبى ليا العشق صَبه

كل نقطه ميه منك 

تروى روحى تزيد محَبه

كُبى مَيَه واعشقينى

وبحنانك غسلينى

زيدى اشواقى وحنينى

واوعى شوقك يستخبى

كُبى مَيَه بلى ريقى

طفى اشواقى وحريقى

من زمان انا نفسى اقولك

ان كفه عشقى طبه

‪#‎Ahmed_Eldesuki‬

شوفتك احساس

شوفتك احساس غير كل الناس 
شوفتك بعيونى احسن منهم
ومهما تكون على اى اساس
انا راضى بعشقك كده عنهم
انا راضى اكون اسم ف ورقه
او حتى يدوب حرف ف رقبه
وكفايه نعيش الحب خلاص
وكفايه العشق مجننهم
‪#‎Ahmed_Eldesuki‬

يا خجلانه

يا خجلانه وخجلك دا مدوبنى
اقول البت تقلانه وتقلك دا مجننى
اقول يمكن ف يوم هتحن
بلاقيها تدوب من الشوق و تسحرينى
يا خجلانه يا رقه يا خفه ظل
يا شجره توت هنا طارحه وكلك ضِل
الف بلاد واجى الضل تحتيها
يا اغلى الناس وحبى ليكى ورد وفل
‪#‎Ahmed_Eldesuki‬

انت مالك

سالونى بكل جرئه
عملت ايه ف حياتك؟
قولتهم يعنى فارقه
ياعم وانت مالك!
عملت حاجات كتير
متهمش حد غيرى
عملت الناس بخير
واحتاروا ف خط سيرى
حافظت ع اللى غابوا
وبحب اجيب سيرتهم
ومهما بعدوا سابوا
ونرودلهم.... غبيتهم
لعبت مع العيال
وضحكت كمان معاهم
وبنيت من الرمال
خيول وجريت وراهم
وسرقت الفرحه سرقه
سألونى بكل جرئه
عملت ايه ف حياتك؟
ياعم وانت مالك!
#Ahmed_Eldesuki

عيد الام

بيقولوا عيدك النهارده
هو عيدك له ميعاد
انتى نسمه جميله بارده
انتى ميه انتى زاد
انتى ياما اكلت اكلك
انتى ياما شربت شربك
احضنينى بقوه يا امه
طفى شوق جوايا قاد
انتى نسمه وقت ماتكون دنيا حر
انتى مركب عدى بينا لاحلى بر
انتى فرحه مليا قلبى ويبعد عنك كل شر
انتى ساكنه جوه قلبى انتى شوق قد البلاد
مهما اكتب مهما اوصف مش هوفى ف يوم جمايلك
مهما اديلك عيونى مش هنعرف نعمل عمايلك
انتى جنه عايشه ارض
انتى حنه وحنان وورد
انا كنت ارض بور
وبيكى بس اتمليت حصاد
بيقولوا عيدك النهارده
هو عيدك له ميعاد

صباح الخير يا حبيبتى

صباح الخير يا حبيبتى
ياغاليه ياللى كبرتى
اروح منك سنين وانتى
انتى ف الارض نبتى 
احبك ياغاليه يا امى 
ياللى انتى ف قلبى تبتى
صباح الخير على حضنك
يلم العيله ويساعنا
صباح الخير على قلبك
يشيل بحلاوه اوجاعنا
صباح الخير على امى
على الجنه اللى تجمعنا
يا غاليه تطبطى تضمى
ورب الكون دا يسمعنا

امراه واهيه

لَا أُرِيدُ أَحَاسِيسَكَ الْعَــالِيهْ
وَلَا أُرِيدُ رِقَـتَكَ الطَّـاغِيهْ
بَلْ أُرِيدُ قُـوَتَـكَ الْخَـافِيهْ
أُرِيدُ تَغَْـيِرًا فِيِ حَيَاتِى
أُرِيدُ أَنْ أُخْـرِجَ آهَـاتِى

فلَاَ تْعَاملِْنِى مِثْلَ لُؤْلُؤْةٍ غَـالِيهْ

فَقَدْ مَلِلتُْ مِنَكَ الْمُعَامَـلَه ْ

مَلِلتُْ تِلْكَ الْمُجَامَلَهْ

أُرِيدُ فَقَطْ اْلقُوهْ الْخَـافِيهْ

فَأطْلِقَها عَلَى عَنَانِ وَجْـهِي

فَأطْلِقَها عَلَى عَنَان جِـسِمِي

فَإِنْىِ اصّْبَحْتُ امْـرَاةٌ وَاهِـيهْ

أَتـُرِيدِينَ أَنْ اَطِْلقْ قـُوَتِى

فَانَا لاَ اُحـْبُّ اَنْ اطْلِقُهَا إلاَ لِدفَاع ُعنَـْكِ

حبَيبَتِي

لاَ أَنْتِي امْـرَاةٌ نَاشِِذْ

وَلاَ يَومًا خَـرَجْتِى عَنْ طـَاعَتي

فَأنَا أرَاكِـى وَرْدًَا أْرَْوِيـهَا

وَلاَ أَراَِكِى أَسـَدًا اُرَوِْضُـه ْ

فَاُخِـرِجَ عَلَيَهِ قـُوَتِى

فَلاَ تَجَْـعَليِنى اُذِيقُكَِِ قَسَْوَتِى

مسابقه همسه 2016

تعويذه

مش حب حبيب لحبيبته

ولا حب صديقه عزيزه
ولا حب دا أب لبنته
ودفينشى ...للموناليزه
حبها معجون متلخبط
معجون ميه عفاريت
والقلب يشوفها يخبط
وينط قوام... تنطيط
ومجرد ما ابقى فاكرها
تخرجلى قوام م الحيط
هو انا حبيت جنييه
ولا انا قريت تعويذه

كلمه اتقالت

واهى كلمه خلاص بينا اتقالت

معلش دا كات غصب عنى

والدمعه من عينك سالت

ودموعك دى هتجننى

لو كنت جرحتك فانا عارف

ان انت بطيبتك تسامحنى

واهى كلمه خلاص بينا اتقالت

والله دا كات غصب عنى

طب ليه هندخل ما بينا 

واحد كده يحكم بينا

ويكون ف حياتنا واحد تالت

ما كفايه الحب دا ف عيونا

وايه يعنى لو نزعل ثنه

وهمومنا تكون بينا اتشالت

واهى كلمه خلاص بينا اتقالت

حبيبه الروح

طب اقولك انتى ضلى 
انتى كل شئ فاضلى
انتى سندى وانتى خللى
انتى قوة ف وقت ذللى
انتى حتى مخلوقه منى
انتى بنتى وانتى امى
انت حتى تشيلى همى
طبطبى بايدك وضمى
زيلى تعب الدنيا عنى
يا حبيبه الروح تملى 

ضحكتها ودموعها

ما بين ضحكتها ودموعها
مسافه جزء م الثانيه 
وبين الدمعه ورجوعها
سحابه تغيم الدنيا
خلاص دمعتها اهى قالت
كلام مخنوق
موسيقى حزينه ع المشهد
وحب وشوق
خلاص ضحكتها اهى بانت
وبكره تروق
واشوفك فارده جناحتك وبتطيرى
وبتطوفى كماالفراشات
يا اجمل بنت حسيتها ومين غيرى
هيقدر يوصف الملكات
وافرحى وف رحمه ربنا سيرى
دا عند ه الحب والبركات

عينك لعنيه

عن نظره عينك لعنيه
قالتلى كلامها بحنيه
ولما لمست انت ايديه
انا روحت بعيد
انا وانت وبس لوحدينا
وشعاع الشمس مدفينا
وكاننا احنا لبعضينا
والقلب سعيد
النظره ف عينك بالدنيا
وكفايه عنيك
ولا اى مكان يحلا ف عينى
الا غير بيك
ف عيونك انا شوفت بلاد
وف قلبك حبنا اهو زاد
وخلاص انا دوبت انا فيك

محتاجك تبقى الاوطان

محتاجك حضن يكون اجمل من لمه عيله
محتاجك نظره تكون اشمل لاصغر تفصيله
محتاجك دعا .....وحنان........ وايمان
مجتاجك ذكرى تكون ليا ف كل الاركان
محتاجك فرحه تملى القلب والحزن تمحييه وتشيله
انا عايزك بنت كده ارسمها والرسمه جميله
واعشق كل تفاصيلها ومتغبش ف ليله
ومهما الف انا وادور انتى اللى اميره
واعمل ايه انا ف قلبى ما بيدى انا حيله
انا عايزك بس تكونى انتى ف القلب اسيره
وابنيلك عش انا صغير واغزلك بايدى الفستان
واعزفك اجمل الحان وادندن ع العود وكمان
والزغاريد تكتر وتلالى والافراح ف كل مكان
تعرفى انا محتاجك ايه؟
محتاجك تبقى الاوطان

صوتك رقيق

صوتك رقيق
قلبك.... برئ
كلك ..مرح
عشقك جميل
غصنك يميل
وردك طرح
احساس ملاك
شايفك هناك
رمشك سرح
بنت بضفيره
عيون كحيله
سهمك جرح
طفله بريئه
بنت جريئه
فستان فرح

بترجاك يارب

انا العاشق انا الولهان 
انا اللى قلبى حب زمان
ومن نظره اروح طبيت
انا القلب اللى كله حنان
اناالعشق اللى بالامكان 
وانا لكل البنات حبيت
انا الطفل اللى شاب بدرى
انا الراجل دا من صغرى
وانا لكل الالام خبيت
انا الزهره اللى ف الواحه
انا الشجره اللى طراحه
وانا بكل الوجع حسيت
انا الميت انا الصاحى
انا القهوه ف افراحى
وانا للفرح اتمنيت
انا ف الاولى والتانيه
عرفت ان الحياه فانيه
ولرحمه ربى اترجيت
مسابقه همسه 2016

يا محلى الحب

يا محلى الحب وانا جنبك وحسانى 

يا مالكه القلب يا ماليه كل وجدانى
يا ساكنه الروح وحبك جوه شريانى

بحبك حب يا غنوه تمللى عجبانى

كل شويه بوش

انسان وعايش دنيته

ولا حد عارف علته

كل الحكايه ف سكته

عقبات كتير

عمال يدور ع الحلول

وسر بابه المقفول

وفكره حلوه ف العقول

ترحمه من التفكير

لغايه لما صاحبه نداااه

وقاله ايه سر الحياه

عارف المر اللى شربناه

احلو كتيير 

السر بس ف كلمتين

انك تبقى كده بوشيين

انك تضحك وقت الضحك

وانك تبكى بدمع العين

واياك تنسى ان انت تغش

واظهر كل شويه بوش

تلقى الهنا والخير جاينلك

تلقى الفيل جايلك طير

تتكلمى ببرود

بلاش رودود تكون ببرود

اصل انا قلبى مش موعود

انه يعيش العمر سجين

يظهر فرحه لو انه حزين

قلب اتحجر على ابديك ولا بيلين 

طفل صغير شاف الدنيا بقلب برئ

خاف م الدنيا جرى على حضنك

ولا يعرفش له اى طريق

كان فاكر قلبك موجود

فبلاش تتكلمى ببرود

احساس سخيف

طب استنى بالله عليكى

ليه تسيبى قلبى الضعيف

قلبى عاش ربيعه ليكى

ليه تخلى بقيته خريف؟

ماهو دا القلب اللى حبك

بكل رقه وباخلاص

هو دا القلب اللى كانلك

انتى بس اعز الناس

ليه تسيبى القلب فجأة ؟

انتى عماله مفاجأة !!!

اللى باعنى خلاص ابيعه

وحبى دا احساس سخيف

قربه عباده

ليه الحزن تملى دا عاده
وليه الجرح ف ايده اتماده؟ ؟
كل ما افرح القى قصادى 
جرح وشوك دايما كالعاده
زى ما اكون الحزن اتعود 
يبقى الساقيه وقلبى قصاده
امتى يا حزن تبعد عنا
وتخلى الضحكات معتاده؟
- الحزن
ابعد عنك بس ازاى
انت نصيبى وشوق وياى
ضحكك حزنك دا لا هو بايدك
اسأل ربك يفرج همك دا قربه يريدك
هو القايل جوه كتابه
ادعى لربك تلاقى الدعوه ف قربه عباده ّّ
يبقى الله اعلم بعباده

زوقى بابى

زوقى بابى وادخليه
كسرى كل اللى فيه
وان قالولك ايه جرالك
اوعى لحد تسمعيه
كسرى كل الهدايا
احرقى حتى الورق
لناس اصلا مش معايا
وعمرى اهو منى اتسرق
عاوزك انتى تعوضيه
وان قالولك ايه جرالك
اوعى لحد تسمعيه
ابنى بابى من جديد
كل شئ يكون باصوله
عيشينى اكون سعيد
خلى كل شئ انوله
حللى بابى وانقشيه
وان قالولك ايه جرالك
اوعى لحد تسمعيه

توبه

عايش كما المجذوب تايهه ف ارض الله
نفسى اروحله واتوب وانول بكرمه رضاه
افضل انا مستحى ودموعى سبقانى
وجسمى الضعيف ارتعش وحن يوم يلقاه

بلوره مسحوره

ومهما نمسح الصور صورتها محفوره

ومهما تبعد بعيـــــــــييد تمللى مشكوره
غيرت جوايا حاجات قاسيه تضييعنى 
وكأنها شايفانــــى فــــ بلوره مسحوره

حبيبته العسولا

انا نفسى اقولك يا حبيبتى

انا نفسى اكون فيكى السارح
وتكوني لى اختى وبنتى
واكون لك بكره وامبارح
انا عارفك ان انتى صديقه
والصاحب بيقدر صاحبه
وتفرحى قلبى ف الضيقه
والفرح على وشى رسمته
انا اكتر انسان ف الدنيا
نفسه يضمك بين احضانه
ساعتها تعدى الساعه ف ثانيه
وتدوقى دا طيبته وحنانه
وتكونى حبيبته العسولا

مبقتش فارقه

مع اننا من بعض مقربين

بس حسك ..مش معايا
كنت فاكر روحنا واحده
كنت فاكرك.. حته منى 
طلعتى زى ...اى واحده
اى واحده ....غريبه عنى
انتى حسيتى ف مره
انى بتوجع ليلاتى
مستحيل اكون مبين الا فرحه
طب ف يوم هنت عليكى
تسئلى
هو ليه عيونى سارحه
طب اقولك .......... اقفلى
خلاص حياتنا مبقتش فارقه

صوره

عن جمال الصوره ديه 
عن جمالها معرفش اعبر
الضحكه فيها مش عاديه
خلت قلــــــبى تاه وفكر 
هو ليه بنبان ف صوره
احلى ناس وبصفو نيه
والسعاده اللى ف عينينا
تملى كل الكون حوالينا
والحقيقه صعبــه جداا
والاحلام دايما مكسوره
ياريت حياتنا تبقى صوره

عايشه مخدوعه

عن بنت طول العمر عايشه مخدوعه
لما تلاقى ابوها بقى خالها
طلعت خلاص من فرع شجره مقطوعه
ولا هى دى الام اللى بتضفر شعورها
عاشت سعيده فى عمرها
طول عمرها البنت البريئه
واما كبرت قــــالها
ان هى دى الحقيقه
انا ابقى خالك وامك ربنا رحمها
تعبت قوى لما قالولها دا الخبر
وكأن سهم ف قلبها شقه الهوى كسره القدر
على رجلها قامت ومشيت خطوتين
قالت هكمل وهحقق حلم السنين
ومهما يحصل دا قدرى
واحنا امه موحدين
واحنا امه موحدين

العجوز والاميره

ف البدايه احب اقولك ايه جرالى وايه حصللى 
هى نفس حكايه كانت للعجوز اهو نفس سنى
يوم ما قابل الاميرة يوم ما تاهت من حرسها 
وقتها ما بيده حيله مكتوب يرجعها لناسها 
يومها كان الدنيا ضلمه والقمر ف السما مخفى
والاميرة خايفه جدا قالها بس انتى اهدى
ايه يا بنتى ايه اللى جابك وسط غابه
والديابه ف كل حته اعمل ايه انا ف الديابه
قام مطلع سهم كان على دهره شايله
سهم واحد طب وايه اخره عمايله
والاميره ف حضنه جامد قالها اوعى تخافى
انتى قلبك قلب طيب واحنا لينا رب كافى
قام مولع ناار كبيره
قالها انتى الاميره
يعنى خليكى ف مكانك
انا رايح اضرب الديبه عشانك
انتى نور الكون دا كله
وانا ليكى قلبى ماله
قلبى عطشان للحنان
قلبى حب دا المكان
بس عشان انتى فيه
طب قوليلى اعمل ايه
قلبى حبك يا اميره
بس عاوزك فيه اسيره
ومتخفيش قلبى نفسه ف يوم يعيش
يلا بينا نروح لقصرك
يلا قلبى بجد حسك
والنهار هل علينا يلا بينا

طوق نجاه

ولما اسمع انا صوتك

احس الدنيا بتغنى 
يا اجمل صوت انا سمعته 
بعيش العمر متهنى
بعيش صابر على حرجى 
بحارب ظلم الايام
بعيش مستنى يوم فرحى
لما تقولى بس سلام
انا عاشقك ومعشوقك
انا م الدنيا دى طوقك
انا السابح ف بحر حياه
ومهما اروح وتروحى
حبك ف قلبى  وف وروحى
 دا حبك ليا طوق نجاه