Wednesday, February 18, 2015

نعيش اللحظه


ما أجمل أن نجعل الماضي محطة نعود لها لنستخلص الإيجابيات
ونصلح السلبيات لنعيش حاضر رائع ومستقبل مشرق
، والأجمل أن لا نطيل في الماضي الحياة جميلة فقط عندما نتأمل فيها ونعيش اللحظة

Thursday, February 12, 2015

اصعب احساس

اصعب احساس بيقابل الواحد
لما يكون فيه ناس بتبيعك
وانت بعيد... مكتوف اليد 
طب ليه الناس كده كرهه الواحد
طب وانت قريب ليه حاضنيك
ويقولك سره ومتقولش لحد
طب ليه الناس دايما تتغير لما بتبعد
وانت قريب تساله مرديش يرد
هو العيب فيك انت يا قلبى ولا دا فيهم
داانت بتحزن لما الشر يجى جنبيهم
فوض امرك انت يا قلبى لربى الواحد

Monday, February 9, 2015

رحمتك يارب

انت يا بنى معاك تذاكر 
لا يا عمو..... مش معايا
طب يالا يابنى روح وذاكر
بدل ما تاخد تذكره مفيهاش رجوع 
بس يا عمو............ فريقى بيلعب
وانا مقدرش اسيبه مهما كانت الظروف
يابنى ابعد ...يابنى خاف..يابنى شوف
انا يا عمو جاى اشجع من غير خوف
وهخاف ليه انا............ هنا ف بلدى
جنب قريبى وجنب اصحابى وبعيش بامان
هما قالولنا ياعمو بلادنا الامن والامان
ولا ياعمو دى حكايه وانتهت من زمان
انا رايح للى احسن منك ومن كل البشر
هناك هلاقى رحمه عنك هناك هتجوز قمر
بس قول لامى تدعى وتصلى للرحمن

Sunday, February 8, 2015

هو الدم رخيص كده ليه

هو الدم رخيص كده ليه 
والاحزان فى كل مكان
تقتل تحرق تضرب ليه
كل بيت مليان احزان
ماسك هو فى ايده ايه
غير علم يحمى الاوطان
ف كل حته تلاقى موت
وف كل شارع تلقى صوت
وتلاقى ام حاضنه صوره ابنها
يبقى ليه..... يبقى السكوت
قولى ذنبك ايه تموت
كل ذنبك انك بتدافع عن بلادى
ولا ذنبك انك رايح تشجع نادى
وف الحالتين هتموت هتموت
هو الدم رخيص كده ليه

Saturday, February 7, 2015

افرح

اوعاك تحزن ابدا ابدا......... اوعاك تحزن 
لما حاجات كده تبقى ف ايدك وتضيع منك
عمر ما ربنا ياخد حاجه إلا عشان يديك الأحسن
اوعاك تحزن ابدا ابدا......... اوعاك تحزن
ليه تضيع من عمرك ثانيه تحزن فيها
عيش ف الدنيا بقلبك ابيض وافرح بيها
عمر الحزن مادوا الجرح الافراح بس يداويها
عيش فى الدنيا بحب وفرح وواعاك تحزن

Friday, February 6, 2015

ايد ف ايد

ايد ف ايد هنكمل بعض 
قرب . قرب وانسى البعد 
خلى حياتنا فرحه وسعد 
خليك قد ياغالى الوعد
واوعاك تبكى ف يوم ع الفاضى 
احبس دمعك خليه غالى
خليك جنبى وقلبى انا راضى
وخلى الضحكه تلالى تلالى
بحبك يالى.... انت بالى