Sunday, August 31, 2014

انت فين


وليه بشوف الدنيا حلوه بعيونك 
ياللى حبك جوه قلبى من سنين 
ولا عمرى حسيت بالدنيا من دونك
دى كل نظره بتصحى فيا الحنين 
بس صدق عيونى وقلبى فاكرينك 
وعقلى يقولى هى فين وانت فين

Saturday, August 30, 2014

خايف


خايف يبعد يوم ويروح
ويسيب القلب حزين مجروح
واما انادى ف مره عليه
يتقل يتكبر........ كده ليه
دا انا قلبى وروحى بيدوبه فيه
بس اوعى يبعد ويروح

Wednesday, August 27, 2014

وصيه اب


متحطش ايدك على خدك يا غالى عليا
انت حبيبى ومين قدك ......انت الدنيا ديا 
خد بالك يا غالى من نفسك انت نور عينا
مين يقدر يزعل قلبك .....وانا شيله بايديا
اهدى يا غالى وهدَى ف طبعك دى العيشه هنيا
انت حبيبى ومين قدك ......انت الدنيا ديا
متفكرش وعيش فى الدنيا وسيبك من همومها
مهما تعيش هتلاقى يا غالى عرضها زى طولها
واوعى ف يوم تزعل بلدك والافراح تنولها
خليك صاحب صاحبك يابنى واختك دى تصونها
خد بالك يا غالى من نفسك واتمسك بدينك
خليه ساكن جوه ف قلبك ....تملك بيه سنينك
واوعى ف يوم تزعل امك واوعى الناس تهينك
ومتخفش يا بنى م الدنيا اللى يصيبك يصيبك
وابقى فكر يوم فى كلامى وادعيلى بالرحمه
وابقى وزع على مقبرتى كده رز ولحمه
دا المساكين فى بلدنا كتيره وبلدنا هتبقى زحمه
خد بالك يا غالى من نفسك انت نور عينا
مين يقدر يزعل قلبك .....وانا شيله بايديا
اهدى يا غالى وهدَى ف طبعك دى العيشه هنيا

Monday, August 25, 2014

بجد بحبك


بجد بحبك ...............بحبك بجد
يا ضحكه بريئه مرسومه ع الخد
يا فرحه عيونى ......تفرح القلب 
يا ورده جميله وجمالها مالو حد
بجد بحبك ...............بحبك بجد
بحبك وساكن حبك فى قلبى 
ومهما تدارى ومهما تخبى 
قالتها عيونك .....قالتها بحب 
بجد بحبك ...............بحبك بجد

Sunday, August 24, 2014

ابعد ولا اقرب


مش عارف ابعد ولا اقرب وانتى فى البعد اقرب

Wednesday, August 13, 2014

ونسيت الدنيا



ونسبت كل الدنيا يا غاليه حتى نفسى
ولا افتكرت اى حاجه غير بس ياسى
حاولت ابعد بعيد واعيش هناك وحيد
واكتشف الحب فين وادور ع الهنا بنفسى
لقيته ف كلمه حلوه وابتسامه شوق تنسى
كل الهموم فى الدنيا يا غاليه حتى نفسى